Petrus Nyamare Ulun Lumpuh ¹ Hang hindra andrau hi Petrus andri tulak ma bait Allah wayah katika bado,a hanye jam suwei. ² Bulu erang kaulun upu sa lumpuh teka wuang wuntung ine no na pikul.Tiap andrau here ngelah hanye hang wanawang Bait Allah sa bangaran Wanawang Ma'eh umpan laku laku hampi ulun sa masuk ma Bait Allah. ³ Dami here kadinung hi Petrus andri hi Yohanes hamen masuk ma Bait Allah,bulu here laku sadakah. ⁴ Bulu Petrus andri Yohanes ninung nelang kaeyau,dining kami" ⁵ Ulun lumpuh ma arahakan kunuanni ma hi Petrus andri Yohanes,nelang baharap narime sa isa teka here. ⁶ Kude hi Petrus kaeyau,"Hang aku pauweng perak atawa amas,kude inun sa naan hang aku sagar ami ku ma hanyu.Hang wuang ngaran Kristus Yesus ulun Nazaret iru,amuan palus takiyaleh!" ⁷ Balalu,hi Petrus negei tangan kawan ulun iru bulu ngarawah hanye min'ri.Sakatika iru jua,pe'e andri wisis ni jari tamam. ⁸ Nelang nanturak,hanye min'ri nelang takiya.Bulu hanye masuk ma wuang Bait Allah sindrah hi Petrus an'ri hi Yohanes,nelang takiya,bulu nanturak turak,baya nawat Alatalla. ⁹ Katuluh ulun sa kadinungni takiya nelang nawat Alatalla, ¹⁰ an'ri here kataru bahwa ulun iru sa gaha maharung hang Gerbang Indah Bait Allah nelang laku sadakah.Here katuluh puang mina nelang kagum an'ri kawan kajadian ma hanye. ¹¹ Samantara ulun iru itegei andri hi Petrus baya hi Yohanes,katuluh ulun nempat ngapung here ma Serambi Salomo,nelang takjub. ¹² Balalu hi Petrus kadinungni,hanye kaeyau ma kawan ulun rama iru,"0i ulun ulun Israel,daya inun naun wa'uh ninung kami nyalah kami andri kuasa atawa kasalehan kami raerai,kami haut ngulah ulun iti ta,u takiya? ¹³ Allah Abraham,Ishak andri hi Yakub,Allah datu nini takam haut nawat walahNi,Yesus,sa haut na sarah naun hang hadapan Pilatus hanye haut na sanepah. ¹⁴ Kude naun puang narime sa tu'u Ma'eh nelang wuah,malah naun laku erang kaulun tukang wunu sa nasanepah umak naun, ¹⁵ bulu naun munu Sa Pangami Welum,sa haut nasamelum teka padang ulun matei.Mitah iru kami na saksi saksi. ¹⁶ Balalu mitah iman hang wuang ngaranNi hanye ru ngaran Yesus haut ngami kawigasen ma upu sa haut dinung andri taru naun ti.Bulu iman sa hawi mitah Hanye haut ngami kawigasen sa paling ma'eh ma upu iti hang hadapan naun katuluh. ¹⁷ Ta ati kawan pulah na'i ku katuluh,aku karasa naun ngulah daya naun puang kataru,nyalah sa haut na ulah daya kawan ulun hang am'mau naun. ¹⁸ Kude daya,sa natahampe Allah sahuanni mitah wiwi mulut kawannabi hanye ru Kristus sagar sansara,haut na sanyari. ¹⁹ Daya iru,batobatleh nelang mulek nampan dusa dusanu na puhut, ²⁰ nampan katika karauhan hawi tekaTuhan,bulu Hanye ngutus Kristus sa haut na tatap umak naun,hanye ru Yesus, ²¹ sa harus surga tarime hampe saat katika pamulihan ala katantuluh sameh sa haut na antuh Alatala mitah kawn nabiNi sa kudus teka zaman sadi. ²² Musa kaeyau,Tuhan Allahnu sagar mihemmuk umak naun erang kaulun nabi sameh aku teka penah naun raerai.Naun harus nyanrengei inun sa na eyau ni ma naun. ²³ Sagar na sanyari,tiap ulun,sa puang nyanrengei nabi iru sagar na ampi wawai teka penah bangsa.' ²⁴ Andri katuluh nabi sa suah bapanner,teka hi Samuel andri here sa udi yiru pada nampe andrau andrau ina. ²⁵ Naun hanyeru turunanteka kawan nabi andri teka pipakatan sa haut na ulah Allah umak datu nininu,andri ngantuh ma hi Abraham,'Mitah wininu,katuluh katurunan hang ammau tane sagar na barkati.' ²⁶ Allah haut ngenat walahNi,ngirim Hanye ma naun labih dahulu umpan mambarkat naun nelang ngulah tiap ulun teka penah naun iwaleng teka ala murun."