Yakobus Nawunu Hi Petrus Najamma Daya Herodes ¹ Masa tawuk yiru, Raja Herodes ngenat tanganni hang amau papire kaulun jemaat umak nyasia here. ² Hanye munu hi Yakobus, Pulaksanai Yohanes, makai padang. ³ Tawuk Herodes kadinung neu gawian ni yeru ngampisanang atei kuan ulun Yahudi, hanye nampalusni andri nyamma hi Petrus pada. Hal yeru haut jari salawah Hari Raya Puang Baragi. ⁴ Udi hanye nyamma hi Petrus, hanye palus nampasuk ma wuang saper nelang palus nyarah ma eppat pasukan tantara umak mansining hanye. palus ngaheng, udi Paskah, ngenei ma dahapan ulun rama. ⁵ Makani, hi Petrus natahan hang wuang saper, kude dua nuju ma hi Pertus naampamai hang wuang ngaran Alatalla daya jemaat. Malikat Tuhan napas hi Petrus teka wuang saper ⁶ Tawuk kamalem, lagi hi Herodes ngenei hi Petrus maluar, Hi Petrus rahat mandre hang helang-helang rueh tantara, nahuruk makai rantai, nelang kuan isa nyaga hang dahapan wanawang aur nantau nuju ma saper. ⁷ Nelang, dinung, erang kaulun malaikat Tuhan mindri hang riet hi Petrus nelang sihayani marai hang sel saper, balalu malaikat ru netap taulang higa Petrus nelang palus ngele, nelang kaeau, "Hinang amuan !" Nelang, rantai-rantai galis paugah teka karueh tanganni. ⁸ Balalu, malaikatru kaeau ma hanye, "Huruk pingangnu nelang huwe sandalnu." nelang hanye ngarajani. Udihie hanye kaeau ma hanye, "Huwe jubahnu nelang palus uma aku !" ⁹ Balalu, hi Petrus kaluar palus naharak malaikatru, Hanye puang karasa inun apa neu kajadianni itetei malaikat isa nyata, kude ngakira mahanyedaya hanye lagi kadinung naan paninungen. ¹⁰ Tawuk here udi mitah panjaga isa pertama andri isa karueh, here hampe ma wanawang gerbang jatang isa nuju mawuang kota. Wanawang gebang iru tauka andri raeraini nadap here, balalu here kaluar nelang palus takia hampe ma lalan, nelang saitu saini malaikat nanan hi Petrus. ¹¹ Tawuk petrus kaingkam andri inun sa haut naan kajadianhang amau tengani, hanye kaeau, " Itati, aku tu'u-tu'u karasa daya Tuhan ngutus malaikat Ni nelang nyalamat aku teka tangan Herodes nelang teka katuluh hal isa naharap daya ulun-ulun Yahudi." ¹² Udi hi Petrus ngananamni, hanye mahulu ma lewu Maria, Ineh Yohanes isa naantuh hi Markus, hang awe ulun rama rahat ikumpul nelang ilaku du'a. ¹³ Tawuk hi Petrus nalitik wanawang gerbang, erang kaulun wawei walah bangaran hi Rode hawi palus nguka ni. ¹⁴ Udi hanye kataru lengan Petrus, daya bangat arai hewu hanye puang nguka wanawang, kude nempat mawuang nelang iwara ma hi Petrus isa lagi mindri hang dahapan wanawang gerbang. ¹⁵ Here kaeau ma hi Rode, "Hanyu na rapui !" Walehanni, hi Rode palus kaeau dasar tu'u kalahie, nelang here magun kaeau, "Iru satu'u ni malaikat." ¹⁶ Walehanni, hi Petrus tatarusan nalitik, nelang tawuk here nguka wanawang, balalu kadinung hi Petrus, here emmah. ¹⁷ Kude, udi hi Petrus ngami kode makai tanganni himpan here suni, hanye iwara ma here kewangun Tuhan hautnganeini maluar saper. Nelang, hanye kaeau, "Tahampe hal iru ma hi Yakobusnelang pada ma pulaksanaaini sasameh." Balalu, hnanye tulak nelang mahulu ma unengan isa lain. ¹⁸ Tawuk andrau haut kaandrau, naan pirawekan isa puang halus hang lahelang tantara neu inun sa haut naan kajadian nadap hi Petrus. Kapateian Herodes ¹⁹ Tawuk hi Herodes ngantara hi Petrus nelang puang panalu, hanye mariksa kuan tukang jaga nelanyu himpan munu here. Balalu, Herodes minau teka Yudea ma Kaisarea nelang palus muneng hang yaru. ²⁰ Tawuk yiru, Herodes sangit tu'u ma ulun-ulun Tirus baya teka Sidon, balalu here ipakat, here nadap hi Herodes, nelang udi hambuluk hi Blastus, tukang urus lewu raja, here ilaku umak badamai daya wilayah herekaiyuh amian panguta teka wilayah Herodes. ²¹ Hang andrau isa haut natantuakan, Hi Herodes nuwe pama karajaan, maharung hang paharungan pangadilan, nelang nampe pidato ma here. ²² Rakyat ngiak nungkau, "Ina lengan Alatalla, puang lengan murunsia !" ²³ Tawuk iru pada, erang kaulun malaikat Tuhan mewehni, daya hanye puang kaiyuh ngami kamuliaen ma Alatalla nelang hanye kuta sasing, palus matei. ²⁴ Walehanni, firman Tuhan magin tummu nelang magin rama tatuu. ²⁵ Balalu Barnabas nelang hi Saulus mulek teka Yerusalem udi here luput manyanyanga here, nelang nganyak umma hi Yohanes, isa nantuh hi Markus.