¹ Katika naan hang antara Jemaat Antiokhia, nabi nabi andri kawan guru hanyeneh Barnabas, Simeon na antuh Niger, Lukius, teka Kirene, Manahem na hampe hante Herodes, Raja wilayah, andri saulus, ² Samantara kawan ulun ni rahat sumbahyang ma Tuhan andri mi'aret, Roh Barasis kaeau, "Nadudus ma Aku hi Barnabas andri Saulus ngaraja daya Aku (Roh Barasis) nerau here." ³ udi here mi'aret andri laku doa nelang ngelah palat tangan ma here Barnabas andri Saulus, here ngutus karuehni tulak. Barnabas Andri Saulus Hang Pulau Siprus ⁴ Udi here na huyu tulak teka Roh Barasis, Barnabas andri Saulus minau ma Selukia, andri teka yaru here tulak ba kapal ma Siprus. ⁵ Udi here hampe hang Salamis, here ngami habar maeh teka Alatalla hang sinagoge-sinagoge ulun Yahudi, nelang here ngenei Yohanes uma jari palayan Tuhan. ⁶ Udi here tulak ma katuluh tumpuk hampe ma Pafos, here panalu adri kaulun nabi palasu bangaran hi Baryesus. ⁷ Hanye andri Prokonsul (panguasa tumpuk) bangaran Sergius Paulus, ulun marahati, hanye laku Barnabas andri Saulus hawi humpan karingei Lengan Altalla. ⁸ Kode Elimas, wadian bajat iru ngaranni, nawan Barnabar andri Saulus, andri sara ngulah Prokonsul (panguasa tumpuk) ngalintar teka parisayani. ⁹ Kode Saulus na pantaru Paulus, na tampenu Roh Barabis mansining Elimas. ¹⁰ Kaeau, "Hai hanyu sa penuh akal murun andri pikurun, hanyu iya ambilis, hanyu musuh teka ulun sa bujur, puang hakukah taduh. ¹¹ Taati dinung Tangan Tuhan hawi ma amau hanyu andri hanyu jari pehe andri puang kadinung mate andrau papire wayah. "Situ sini atup andri paiyeng minau amau ni andri hanye miile ngantara ulun nuntun tanganni. ¹² Balalu Prokonsul (panguasa tumpuk) jari parisaya daya kadinung tu'u kajadian, hanye jari gamam uruk ajar Tuhan. Paulus adri Barnabas Tulak ka Kota Antiokhia hang Wilayah Pisidia ¹³ Pas katika Paulus andri kawan ulun baya hanye bakapal teka Pafos hampe ma Perga, hang Pamfilia, kode Yohanes nanan here umak mulek ma Yerusalem. ¹⁴ Hi Saulus andri Barnabas nampalus pakia'an teka Perga hampe Antiokhia, hang Pisidia. Andri andrau Sabat (kapitu) here tulak ma sinagoge adri maharung hang yaru. ¹⁵ Udi pambasaan Hukum Taurat andri kawan Kitab para nabi, tatueh sinagoge nunyu ulun panner ma karueh Rasul iru, "Pulaksanai mun hanyu ueng papaderan ngaraririu ma kaan ulun ina, eyau leh. " ¹⁶ Neo, Paulus mindri andri ngami kodee andri tanganni, keeyau, "Hai ulun Israel andri hanyu pehe'ei ma Altalla, rengei leh, ¹⁷ Alatalla Bangsa Israel haut midi itak kakah takam andri ngampamai bangsa takam salawah here muneng hang tane Mesir andri tanganNi taenat, Ia (Alatalla) ngapala kaluar teka uneng iru. ¹⁸ Salawah epat pulu taun, Ia (Alatalla) sabar andri ulah gawi naun hang jumpun haket. ¹⁹ Udi Ia (Alatalla) nyarupuh pitu bangsa hang tane Kanaan, Ia (Alatalla) ngami warisan tane iru. ²⁰ Jari epat jatuh dimempulu taun lawah ni kajadian iru. Udi hi'e Alatalla nyurung ma kawan Hakim hampe wayah Nabi Samuel. ²¹ Udi, here laku erang kaulun Raja, andri Alatalla ngami here Saul, iya upu Kish, ulun teka suku Benyamin, salawah epat pulu taun. ²² Udi Alatalla ngumpe hi Saul, Alatalla nutui hi Dawit jari raja ma here, dagana Altalla udi basaksi andri keayau, " Aku talah kahaba Dawit, iya upu Isai, ulun sa pas kala kabahumen hang atei Ku ²³ Teka katurunan ulun ina, Alatalla, sasuai janji Ni, ngenei ma Israel erang kaulun Juruslamat, hanye neh Yesus ²⁴ Hu'an pihawian Yesus, Yohanes ngami barita kapihu'an pidudusan partobatan ma katuluh ulun Israel. ²⁵ Anri,