1 Dami udi kami bapisah teka here nelang haut tulak,kami palus balayar ma Kos,andri ma andrau barikuti pi Rodos,bulu teka yaru pi Patara, 2 Bulu udi ni kami kahaba isa kapal sa nyubarang pi Fenisia,kami mammai kapal iru bulu balayar. 3 Katika kami haut mula,i kadinung Siprus,kami mitahni hang tuhi kawi kami andri tatap balayar ma Siria,bulu minau pi Tirus daya kapal sagar ngampinau muatanni. 4 Dami udi panalu andri kawan murid,kami muneng hang yaru salawah pitu andrau.Bulu,mitah Roh here palus nyamara Paulus umpan puang mammai pi Yerusalem 5 Katika waktu kami hang yaru haut galis,kami tulak nelang nampalus pakiyaan kami. Here katuluh,sasameh anak daranganni,ngatet kami hampe pi luar tumpuk.Bulu,sa udi ileku hang pantai nelang laku duwa, 6 kami parmisi isa andri lain.Balalu ,kami mammai kapal bulu here mudi lagi pi lewu 7 Dami udi kami ngampijumpuh pakaiyaan teka Tirus,kami hampe ma Ptolemais, bulu kami panner kawa pulah na'i mira kaharapen,nelang muneng sasameh here salawah erang andrau. 8 Ma andrau salanjutni,kami tulak ma Kaisarea,bulu masuk pi lewu Panginjil Filipus,sa hanyeru isa teka pitu ka ulun iru, bulu muneng sasameh hanye. 9 Hanye uweng epat iya paruna sa banubuat. 10 Samantara kami muneng hang iru salawah papire andrau,erang kaulun nabi bangaran Agabus minau teka Yudea. 11 Bulu,udi ngapung kami,hanye ngalap pahuruk pingang Paulus nelang nuruk tangan andri pe,eni jua,"Iti sa na eyau daya Roh Kudus,'Andri cara iti kawanulun Yahudi hang Yerusalem sagar nuruk ulun sa uweng pahuruk pingang iti sa a sarah ni ma tangan bangsa bangsa lain"' 12 Tawuk kami karengei hal iru,kami andri kawan ulun sa muneng hang yaru ilaku Paulus umpan puang mammai ma Yerusalem. 13 Balalu ,Paulus nuing,"Inun sa na ulahnu,nungkau andri ngampi hansur ateiku? Sabab ,aku siap, puang ekat umak na huruk,kude pada umak matei hang Yerusalem daya Tuhan Yesus." 14 Bulu,daya Paulus puang iyuh na yakinkan,kami muneng nelang kaeyau,"Elahleh aheng Tuhan sa jari." 15 Dami udi andrau andrau iru,kami basiap siap bulu tulak pi Yerusalem. 16 Papire murid teka Kaisarea pada tulak sasameh andri kami nelang ngenei kami pi lewu Manason,ulun Siprus,erang kaulun murid teka lawah,sa andri hanye kami muneng. Paulus Lepuh Ganta hi Yakobus