Paulus ma Macedonia andri Yunani ¹ Dami udi rawek rukah iru,Paulus nerau kawan muridni,bulu ngami kakuaten ma here,hanye iwara andri here ka,i tulak mpi Macedonia. ² Dami udi hanye malupui kawan bantai.han yaru ngami here hene uruk ajar bulu hate hampe Yunani. ³ Hang yaru hi Paulus muneng salawah telu wulan.Daya kawan ulun Yahudi ngulah pipakatan umak kawan hanye.balalu hanye hamen balayar ma Siria,tapi hanye midi mulek mitah Macedonia. ⁴ Paulus na hengau data Sopater teka Barea,anak Pirus,daya Aristarkhus andri Sekundus teka Tesalonika,andri Gayus teka Derbe,andri Timotius ,um'ma pads Tikhikus andri Trofimus teka Asia. ⁵ Here tulak badahulu nelang ngandrei kami hang Troas, ⁶ Jude kami b alayar teka Filipi Dami udi Hari Raya Roti Tidal Beragi,balalu hawi nintu here hang Troas salawah dime andrau,hang yaru kami muneng sala ⁷ Hantek andrau ka isa mingu iru,saat kami rahat bakumpul sasameh hamen mulak rote,Paulus bapanner umak here daya aheng umak tulak handrian andrau,bulu hanye ngampi ammau pesenni hampe penah malem. ⁸ Naan hene lampu hang ruang ammau,uneng kami bakumpul. ⁹ Bulu,hang yaru naan kawan iya upu bangaran hi Eutikhus maharung hang panawa bulu leteng wuang andre sa madis.Bulu,samantara Paulus tatap bapan'ner hang wuang waktu sa lawah,hanye magin leteng hang andre bulu lawu teka lantai telu bulu na en'nat wuang kaadaan haut matei. ¹⁰ Kude,Paulus minau bulu mangkading hang am'mauni bulu ngikup hanye palus kaeyau,"Ada geger daya amirue masih naan hang wuang hanye." ¹¹ Katika Paulus mulek mam'mai,balalu mi'ah mi'ah rote bulu nguta,hanye ba pan'ner ma kawan ulun wuang waktu sa lawah tu'u,hampe subuh. ¹² Saudi yiru,hanye tulak. Here ngenei upu iya iru mudi masih welum nelang kainam mihewu. Pakiyaan teka Tumpuk Troas ma Tumpuk Miletus. ¹³ Kude dami udi tulak dahulu ma kapal, kami balayar ma Asos andri aheng ngalap Paulus hang yaru daya hanye haur maransanani kalayiru,hanye ra erai ngaheng tulak ma yaru andri takiya pe'e. ¹⁴ Bulu,tawuk hanye panalu andri kami hang Asos,kami ngalapni,balalu tulak ma Metilene. ¹⁵ Dami udi balayar teka yaru,kami hampe pada kauni andrauni ma Khios.Andrau berikutni,kami nyanriet Samos,bulu erang andrau tapitah kami hampe hang Miletus. ¹⁶ Daya,Paulus haut ngalap kaputusan umak balayar tapitah Efesus umpan hanye puang nangalis waktu ni hang Asia daya hanye badadas hampe hang Yerusalem,amun sakirani,tawuk andrau Pentakosta. Paulus Bapanner umak Penatua Efesus ¹⁷ Teka Miletus,Paulus ngutus ulun ma Efesus bulu nunyu kawan panatua ungkup hawi ma hanye. ¹⁸ Bulu,tawuk here hawi ma hanye,hanye kaeyau ma here,"Hanyu raerai karasa,kalaawe aku welum hang hang penah naun salawah ina,teka andrau ka isa aku ngampirarah pe'e hang Asia, ¹⁹ nelang malayani Tuhana andri katuluh karannahen atei,nelang riu mate,bulu andri ba masam masalah sa hawi ma aku mitah pipakatan kawan ulun Yahudi, ²⁰ kala awe aku puang nangke diri umak iwara umaknu kawan katuluh sa bariran nelang ngajar naun hang hadapan umum nelang teka lewu pi lewu, ²¹ tu'u tu'u ngami kasaksian,ha'u umak kawan ulun Yahudi atawa kawan ulun Yunani,nyeru pertobatan ma Allah nelang baiman ma Tuhan takam,Yesus Kristus. ²² Bulu taati,dinungleh,andri na huruk daya Roh,aku rahat hang wuang pakaiyaanku ma Yerusalem,puang karasa inun sa sagar jari nadap aku hang yaru, ²³ kacuali bahwa Roh Kudus basaksi andri tu'u tu'u hang tiap tumpuk ma aku bahwa panjara baya siksaan haut ngandrei aku. ²⁴ Kude,aku puang ngangap welumku baharaga umak diriku ra erai bulu aku kaiyuh nyanuput pagawianku nelang palayanan sa natarime teka Tuhan Yesus, nyeru umak basaksi andri tu'u tu'u manyu Injil anugerah Alatala. ²⁵ Bulu ta'ati dinungleh,aku karasa bahwa pauweng hang penah naun,sa mahanyu aku bakaliling iwara kerajaan,sagar kadinung aruwawanu lagi. ²⁶ Daya iru,aku basaksi ma hanyu andrau ina bahwa aku puang bahala hang ammau iranu katuluh. ²⁷ Daya,aku puang nahan diri umak iwara ma hanyu katuluh ransana Alatala ²⁸ Jagaleh dirinu raerai baya katuluh kumpulan,sa ammauni Roh Kudus haut nyanyari hanyu pengawas umak ngenei jemaat Alatala,sa haut na iyuh ni andri iraNi raerai. ²⁹ Aku karasa bahwa udi pitulakanku,sarigala sarigala buas sagar hawi ma penah naun,puang na pahayang kumpulan iru. ³⁰ Bulu,teka penah naun raerai sagar amuan ulun ulun sa bapanner manyu hal-hal nyantawang umak nyujut murid -murid teka here. ³¹ Daya sabab yiru,bajaga jagaleh,nelang ngitung bahwa ka andrau kamalem,salawah 3 ta'un,aku puang suah tariye ngamp itung asing asing naun andri riu mate. ³² Bulu ta'ati,aku nyarah naun ma Tuhan baya ma firman anugerahNi sa sanggup namuan naun baya ngami naun warisan hang penah katuluh ulun sa nakuduskan. ³³ Aku puang hamen perak,atawa amas,atawa pama hiyepun. ³⁴ Hanyu raerai karasa bahwa tangan iti malayani kaparluanku andri here sa sasameh andri aku. ³⁵ Wuang kawan hal,aku haut nantarang ma hanyu bahwa andri bagawi wigas nyalah iti,takam harus ngarawah sa maleme nelang ngitung eyau Tuhan Yesus,hanye raerai kaeyau,'Labis arai mihewu ngami teka narime."' ³⁶ Bulu,katika hanye haut kaeyau hal hal yiru,hanye ileku nelang laku dua sasameh here katuluh. ³⁷ Bulu,naan hene tungkau hang penah naun katuluh andri here ngikup diyung Paulus,nelang nyiuk hanye, ³⁸ here tu'u tu'u sadih,diwini daya papaneran sa na eyau bahwa here puang sagar kadinung aruwawani lagi. Bulu,here nengau hi Paulus ma kapal.