¹ Kajadianni sarahat Apolos naan hang Korintus,Paulus mitah tumpuk hang wuang andri hampe hang Efesus.Hang yaru hanye manalu papire murid. ² Hi Paulus kaeyau ma kawan here," Inun kah naun narime Roh Kudus sawaktu naun haut jari ulun harap?" Bulu here nuing,"puang malahan kami huan suah karengei amun naan Roh Kudus," ³ Bulu, hi Paulus kaeyau,"hang wuang inun, bulu hanyu na apandrus ? " here nuing," hang wuang apandrus Yohanes." ⁴ Eyau Paulus,Yohanes ngapandrus andri andrusan batobat,nelang iwara ma ulun - ulun umpan harap ma Erang Kaulun sa sagar hawi dami udi hanye,hanye ru ma Yesus. ⁵ Dami udi here karengei hal iru, here na apan'rus hang wuang ngaran Tuhan Yesus . ⁶ Balalu,ganyah hi Paulus haut ngelah tangan ni hang am'mau here,Roh Kudus hawi hang am'mau here,bulu here mulai bapan'ner mitah bamasam basa andri banubuat. ⁷ Here katuluh naan kakira rueh walas kaulun kawan upu. ⁸ Udi hi Paulus masuk ma Sinagoge nelang bapan'ner andri he'ei salawah telu wulan,nelang mafakat andri ngampi kukuh here ne'u Kerajaan Allah. ⁹ Kude, papire kaulun karas atei andri nampik kaharapen,nelang ngantuh kawan sa murun ne'u lalan iru hang hadapan ulun rama, hi Paulus nanan here andri ngenei kawan murid tulak,nelang mafakat tiap andrau hang sakula Tiranus. ¹⁰ Katantuluh kajadianni salawah rueh ta'un,balalu katuluh ulun sa muneng hang Asia karengei Firman Tuhan,ulun - ulun Yahudi kalahiye pada ulun - ulun Yunani. ¹¹ Allah ngaraja hene mukjizat isa tu'u tamam mitah tangan Paulus. ¹² Balalu papuhut tangan sa suah wuah tegei Paulus na en'nei ma kawan ulun mekum,bulu katuluh ekum ringin here ware ( wawai ) andri roh roh murun kaluar teka tenga here. ¹³ Kude,papire setan Yahudi isa takiya bakaliling bausaha ngantuh ngaran Tuhan Yesus hang am'mau ulun - ulun sa karasukan roh - roh murun nelang kaeyau ,"Aku nyumpah naun hang wuang ngaran Yesus sa na wara Paulus !" ¹⁴ Pitu kaulun iya upu Skewa,erang kaulun imam hante Yahudi, isa ngaraja ni. ¹⁵ Balalu ni,roh murun iru nuing andri kaeyau ma here,"Aku kataru Yesus andri aku karasa manyu hi Paulus,kude,hiye sa hanyu ?" ¹⁶ Bulu,ulun sa karasukan roh murun iru nanturak ma tiba here, nelang nyantalau katuluh here balalu here nyanempat diri teka lewu iru wuang tenga tabentur nelang batan/tun'rung. ¹⁷ Katuluh ulun warga Efesus karasa manyu iru,ulun -ulun Yahudi kalahiye pada ulun- ulun Yunani.Andri here katuluh jari puang he'ei balalu ngaran Yesus magin na mulia. ¹⁸ Hene teka kawan here sa haut jari harap tatap hawi,nelang mangaku andri iwara gawian gawian here. ¹⁹ Bulu, rama teka here sa suah ngaraja sihir, mumpun buku buku here andri nutung hang muka katuluh ulun.Nelang ,here hanreken nilai buku buku iru andri kahaba nilaini hampe 50.000 kaping perak. ²⁰ Jari,firman Tuhan palus welum andri bakuasa. ²¹ Dami luput kawan hal iru,wuang Roh,Paulus hamen tulak pi Yerusalem udi hanye tapitah Makedonia andri Akhaya,nelang kaeyau,"udi aku uweng hang yaru,aku pada harus ninung Roma." ²² Bulu dami udi ngutus rueh kaulun sa malayani ma Makedonia,hanye ru Timotius andri Erastus,hanye ra erai muneng papire waktu hang Asia. ²³ ( Demetrius Ngampi Deruh Hang Tumpuk Efesus Sakitar waktu iru,hang yaru tajadi karawekan hante ne'u lalan iru . ²⁴ Sabab,naan ulun bangaran Demetrius ,erang ulun ngari perak,sa ngulah kuil kuil perak Dewi Artenis,pangamian iyuhan sa puang duhu umak tukang tukang ni. ²⁵ Kawan tukang iru hanye ngumpul sasameh andri kawan panggawi hang bagian sameh nelang kaeyau,"Pulaksana'i naun karasa ne'u pika'eh teka uneng pigawian iti. ²⁶ Bulu,naun kadinung andri kerengei ne'u,puang ekat hang Efesus kude hampe hang katuluh Asia,Paulus haut andri ngulah rama ulun iwaleng nelang ngantuh ne'u allah sa na ulah andri tangan murunsia puang Allah. ²⁷ Hal iti babahaya puang ekat usaha takam sagar lawu ma wuang karannahan,kude pada kuil Dewi Artenis sa agung iru puang sagar masuk rekenan andri hanye,sa nasammah hang katuluh Asia andri dunia, sagar kawawayan Ka Agungen Ni. ²⁸ Dami udi here karengei hal iru,here jari sangit tu,u nelang nantiyak (ngiyak ngangkang),"Hante leh Artemis dewi ulun Efesus!" ²⁹ Bulu tumpuk iru penuh deruh bulu here hinang - hinang sasameh pi gadung kasa nian nelang mitah Gayus andri Aristarkhus,ulun Makedonia hanye ru hengau mira kiya Paulus. ³⁰ Kude,rahat hi Paulus hamen tulak masuk ma antara ulun rama iru,kawan murid puang nagai ni. ³¹ Malahan,papire ulun tamam teka Asia sa bahengau andri hanye ngirim isa pesen ma hanye andri papire kali ilaku ma hanye umpan puang manyarah diri ma gadung kasanian iru. ³² Bulu, mehe nantiyak sa isa andri sa lain ni,daya kumpulan iru na'an wuang deruh andri mehe hante teka here puang karasa inun alasan here haut hawi bakumpul. ³³ Mehe teka ulun rama iru,manyimpulni Aleksander daya ulun ulun Yahudi haut nun'nyul ni pi muka,andri udi iru Aleksander ngami isyarat andri tangan ni,hanye hamen ngulah pambelaan hang hadapan ulun rama. ³⁴ Kude, dami here kataru ne'u hi Aleksander iru ulun Yahudi,salawah kira kira rueh jam,here katuluh nantiyak andri isa lengan,"Hanteleh Artemis dewi ulun Efesus!" ³⁵ Dami udi panitera tumpuk ngami ranai ulun rama iru,hanye ka'eyau ,"Hai ulun ulun Efesus,hiye ulun sa puang kataru ne'u tumpuk Efesus hanye ru sa nyaga kuil Dewi Artemis sa agung andri sa minau teka langit. ³⁶ Jari, daya kawan hal iru puang iyuh na bantah naun katuluh harus tatap rannai andri puang bagawi babaran. ³⁷ Daya, naun haut ngen'nei ulun-ulun na ma yiti,andri puang marampuk kuil atau nangkurun dewi takam. ³⁸ Kude daya iru ,amun Demetrius andri kawan ulun tukang gawi sa sasameh andri hanye ampun wada hampi erang ka ulun, pangadilan na uka andri na'an prokonsul.Eleh leh here iwara kasin'nien sa isa andri sa lain. ³⁹ Kude, amun naun hamen inun hal sa lain,katuluh iru iyuh na sanuput wuang sidang kawan ulun katuluh ngalut hukum. ⁴⁰ Sabab,takam uweng wuang bahaya umak na antuh am'mau deruh andrau inna daya puang uweng alasan mumpun sa kaiyuh takam nantarang ne'u pikumpulan sa kacau inna. ⁴¹ Dami udi hanye ngantuh ni,hanye tuar teka kumpulan ulun iru.