¹ Udi dime an drau, Imam Hante Ananias minau sindrah andri papire tueh tueh baya erang kaulun Tertulus ngaranni. here manuntut hi Paulus ma Gubernur. ² Dami paulus na herau, Tertulus mulai handakwa andri kaeau ,"Sabab, mitah Tuan,kami kainam damai wahai parubahan parubahan na inam bangsa ina daya katauen Tuan, ³ kami nyamut andri katuluh sara hang katuluh uneng andri basyukur ma sa Mulia Feliks. ⁴ Nampan ada kajut nangalis waktunu lagi, aku ilaku muhun ahhi lelu atei nu umak nyandrengei kami erang itus ai. ⁵ Sabab kami haut kahaba ulun ina bahala hanye erang kaulun ngaraharu,ngulah kacau hang ulun ulun Yahudi katuluh dunia .padae hanye erang kaulun pamimpin sekte Kristen. ⁶ Hanye bausaha nangkurun uneng sambayang Bait Aliah nampan kamie nyamani . Kami hamen ngadil ni sasuai anri hukum kamie, ⁷ Kude ,Lisias Kapala pasukan iru, hawi paus hanrabut teka tangan kami andri kakarasen, ⁸ Nelang marentah ma ulun ulun sa mandaawa hanye hawi nadap hanye. nelang mariksa raerai, nampan hanyu karasa kawan daawaan ma hanye " ⁹ Ulun ulun Yahudi padae sapakat hang wuang daawaan iru sabujurni katuluhni dasar bujur. Pambelaan Paulus hang hadapan Feliks ¹⁰ Dami Gubernur ngami isyarat ma hi Paulus umak bapaner, Paulus nuing, "Udi aku karasa salawah bataun taun bahwa naun haut jari hakim umak bangsa ina, aku andri sanang atei mambela diri. ¹¹ Naun sini karasa puang labih teka duawalas andrau haut tapitah aku nuju Yerusalem lepuh ibadah . ¹² Here puang suah panalu aku rahat basual andri hiye pun atau hanrujung ma ulun rama, atau hang bait Alatalla, sinagoge sinagoge, atau hang wuang Tumpuk . ¹³ Here pada patau nganyu bukti ma hanyu inun sa na tuduh here ma aku saat ina ' ¹⁴ Kude aku ngaku ma hanyu, bahwa sesuai andri lalan iru, na antuh iru sekte, aku sambayang nyamah ma Alatalla itak kakak datu nini takam, andri parisaya padae makatuluh sa sasuai andri Hukum sahaut tatulis hang wuang kitab para nabi, ¹⁵ nelang nganyu kaharapen hang wuang Alatalla, padae ma here sa lagi ngandrei, bahwa akan naan kebangkitan ,maeh ma ulun sa bujur atau ma ulun puang bujur . ¹⁶ hang wuang hal ina ,aku bausaha malihara atei akal ku sa murni maeh, maeh iru hang hadapan Alatalla atau murunsia. ¹⁷ Dami haut papire taun, aku hawi nampan ngenei sadakah umak bangsa ku padae nganyu pangamian parapah parapah. ¹⁸ Dami rahat aku ngaraja, here kadinung aku, haut na dudus hang Bait Alatalla, pauweng rama ulun atau pibaburan. Kude, hang yaru naan papire kaulun Yahudi teka Asia. ¹⁹ Sabujur ni harus herelah naan hang hadapan nu nelang ngusul inun sa na tuduh, amun dasar tuu here dasar tuu tuu naan hang wuang kunu here kai nawan aku. ²⁰ Atau elah eh ulun ulun iru raerai iwara kahalaan inun sa haba here dami aku mindri hang hadapan San hedrin, ²¹ kecuali isa parnyataan sa natahampe ku dami aku mindri hang penah here, "Daya ulun sa haut matei nasamelum,aku nahakimi hang hadapan nu andrau ina." ²² Kude hi Feliks sa penu andri akal pikiran sa bujur neu lalan iru, nunda kasus iru nelang kaeau " Dami hi Lisias,pamimpin pasukan iru minau ,aku sa mamutus ni kasus iru ." ²³ udi iru hi Feliks marentah perwira nampan paulus tatap na tahan, kude andri tahanan ringan padae puang nguring hengau hengau ni umak malayani hanye . Paulus Bapaner tentang Iman ni Hang wuang Kristus ²⁴ Dami udi papire andrau, Feliks hawi andri darangan ni Drusila, here ulun Yahudi dan nunyu Paulus hawi nyandrengei inun sa na paner Paulus tentang iman hang wuang Yesus Kristus. ²⁵ Dami rahat Paulus paner neu kabanaran,penghakiman papaneran sa maeh sa pasti hawi , Feliks jari takut palus kaeau " Hulu hanyu tulak ,katika iru padae hanye nganyu kasampatan, aku nerau hanye" ²⁶ Rahat sindrah iru jua ,Feliks baharap hi Paulus akan nganyu hanye duit . Daya iru , Feliks gaha nunyu Paulus hawi bapaner andri hanye . ²⁷ Dami haut tapitah rueh taun ,Perkius Festus nganti hi Feliks . Daya sini ngampi rauh atei ulun ulun Yahudi, Feliks maladar Paulus hang wuang Penjara.