Hi Paulus Tugul hHang Wuang Pelayanan ¹ Daya sabab yeru, teka tawuk kami kaiyuh pelayanan yena, kewangun kami narime ahilelu Alatalla, kami puang sagar susut atei. ² Kudeni, kami puang narime hal isa puang dinung isa ngulah maka mamangan, puang uweng hang wuang nipi ngakal, atawa ngampihala firman Alatalla, walehanni andri isa kapinuu, kami nantarang diri tenga kami raerai nadap atei akal tatiap ulun hang dahapan Alatalla. ³ Walehani, amun Injil magun tasalummu pada, Injil ru tatutup umak here, isa sagar binasa, ⁴ nelang hang lahelang, ilah dunia yena haut puang dinung daya kunuan akal here isa puang harap hampe here puang kadinung kamuliaen Injil Kristus, isa yalah gammar Alatalla. ⁵ Daya, kami puang uweng iwara neu diri kami raerai, walehani Kristus Yesus yalah Tuhan nelang diri kami erai jari pelayan-pelayan naun daya Yesus. ⁶ Daya Alatalla, isa bafirman, "Mara raai isa ngampi raai teka wuang piieng," haut basihaya hang wuang atei takam umak ngami raai pangarasaen neu kamuliaen Alatalla isa naan pada uruwawa Kristus Yesus. ⁷ Kudeni, harata kami uweng hang wuang bejana tane liat himpan balabihan kuasa basal teha Alatalla nelang puang teka diri akmi raerai. ⁸ Kami natinnas teka kawi kawan, kude puang hapit. Kami bingung, kude puang puung. ⁹ Kami nasasia, kude kami puang natanan. Kami na umpe, kude kami puang na sansara, ¹⁰ Kami naennei hang wuang pampatei Yesus hang wuang tenga kami himpan pamelum Yesus pada natantarang hang wuang diri kami. ¹¹ Day kami, isa welum na, saratang nyarah hang wuang pampatei daya Yesus himpan pamelum Yesus pada patantarang hang wuang tenga daging kami isa fana yena. ¹² Yalah pampatei bagawi hang wuang dirimkami, kude pamelum bagawi hang wuang hanyu. ¹³ Walehanni, andri uweng ruh iman isa sameh, sasuai andri isa haut natulis, "Aku harap, daya yeru aku nuing." kami pada harap nelang daya iru, kami pada nuing. ¹⁴ Dayani, kami karasa daya Hanye, isa haut ngenat Tuhan Yesus, sagar ngenat kami pada sasameh andri Yesus nelang sagar ngenei kami baya hanyu ma dahapan Hanye. ¹⁵ Daya, katuluh hal yeru jari umak kepentingan nu himpan anugrah, himpan magin kajaweh ma ulun rama, kaiyuh ngakune ucapan syukur manyu kamuliaen alatalla. Welum Daya Imam ¹⁶ Iruleh sababni, kami puang sagar kurang atei, biar tenga kami dinung halus nelang magin rumis wangunni, kude murunsia batin kami magin batamah hante daya nasamau hang tiap-tiap andrau. ¹⁷ Daya, panyusah isa madinei tawuk itati, ngaraja nintu kami isa kalimpahan makalalawah isa labis makatantuluhni. ¹⁸ Kami puang mamparhati hal-hal isa dinung, kude hal-hal isa puang dinung. Sababni, hal-hal isa dinung iru ekat erang erang tumat sadang isa kuan hal isa puang dinung ru hampe makalalawahni.