Palayan Janji Wau Alatalla ¹ Inunkah kami nuku ngarariu tenga kami erai ? Atawa, yalah papire kaulun , inunkeh kami parlu surat pujian umak hanyu teka naun ? ² Hanyu na surat kami, isa haut natulis hang wuang atei kami, isa hautb rasa isa haut nabsa katuluhnulun. ³ Hanyu haut nutulis neu hanyu nyalah surat Kristus isa nalayani daya kami, isa natulis puang andri tintah, walehanni natulis makai Ruh Alatalla isa welum, puang hang amamu luh-luh watu, walehani hang luh-luh atei murunsia. ⁴ Kayakinan yalah iru isa uweng hang wuang kami nadap Alatalla mitah Kristus. ⁵ Puang baarti kami, andri diri kami raerai, kaiyuh ngangap alakatantuluhni hawi teka diri kami raerai, walehanni kawigasen kami hawi teka Alatalla, ⁶ isa haut ngulah kami kaiyuh jari palayan-palayan janji wau, puang ngalut huruf, kude hawini teka Ruh. Sababni, hurufru tau nampatei kede Ruh nyamelum. Kamuliaen Hante Teka Pelayan Ruh ⁷ Walehanni, jaka palayan isa ngenei nuju pampatei, isa andri huruf-huruf natulis pada hang loh watu ru hwi andri kamuliaen, hamnpe kuan bangsa Israel puang tau ninung uruwawa Musa daya kamuliaenni, padahalni tawuk iru kamuliaenni haut leleh, ⁸ puang sa palayan Ruh uweng kamuliaen isa labis hante lagi ? ⁹ Daya, amun payanan isa tau ngenei hukuman uweng kamuliaen, salabisni amun pelayanan isa mawitu iru limpas hang wuang kamuliaen. ¹⁰ Kapinu'uni, inun sa dahuluni na anggap mulia, hang wuang hal yeru puang uweng isa namulia daya kamuliaen isa limpas ru. ¹¹ Daya, amun kamuliaenni haut bakurang ru hawi, labis lagi hang kalalwah hang wuang kamuliaen. ¹² Daya naan kaharapen isa nyalah ina, kami ngapuriran kakapeen isa hante, ¹³ Nelang puang nyalah hi Musa, isa nutup uruwawani himpan kuan anak Israel puang kaiyuh kadinung isa pangalisan ni teka nuku bakurang ru. ¹⁴ Kude, Kunuan here haut taguh, hampe andrau yena, hang wuang janji haut lawah, sammu isa lawah magun puang naenat daya hanye naan hang wuang Kristus maka salummu ru iyuh enat . ¹⁵ Ekatni andrau yina ai, tawuk kitab Musa nabasa, naan isa nyalummu atei here. ¹⁶ Kude, tawuk erang kaulun iwaleng ma Tuhan, Salummuni ru sagar naenat. ¹⁷ Tuhan sameh Ruh naan muneng Ruh Tuhan hawi, hang yaru andri bebas. ¹⁸ Nelang, takam katuluh, nelang andri uruwawa nasalindung saraminkamuliaen Tuhan, rahat naubah makai gammar isa sameh andri kamuliaen ma kamuliaen, sameh yalah Tuhan, isa hanyene Ruh .