¹ Jari, aku haut mutusni umak diri ku raerai, neu aku puang sagar hawi kamulek mahanyu hang wuang hanang atei. ² Amun aku nygulah hanyu mahanang atei, hiekeh isa sagar ngulah aku miarai hewu, kasuali hanye isa haut ngulah hanang atei ru ? ³ Aku nulis, kewangun aku tau ngarajani, himpan tawuk aku hawi, aku puang sagar kahaba hanang atei teka here isa sagujurni ngulah aku arai hewu. Dayani, aku kaingkam tuu daya naun katuluh neu arai ateikusagar jari arai atei anunkatuluh. ⁴ Teka heneni panyusah nelang hanang atei, aku nulis ma hanyu andri tundrak riu mate, puang umak ngulah hanyu mahanang atei, labis teka iruhimpan hanyu kaiyuh karasa ahi leluisa naan hang aku, hususni nadap hanyu. Ngami Ampun Ma Sasameh Isa Hala ⁵ Kude ni, Jaka naan isa ngulah hanang atei, henye puang ngulah hanang atei umak aku, kude pada naan watas- himpan aku puang nyanabis umak ma naun katuluh. ⁶ Kala ulun yalah iru, samaraan teka kuan ulun hante hanyu sukup umak hanye. ⁷ Daya iru, kabalikanni hanyu labis maeh ngampun nelang ngarariu atei himpan ulun isa nyalah iru puang leteng daya hanang atei isa balabihan. ⁸ Jari, aku nyurung hanyu umak ngampi tamam ahi lelunu ma hanye. ⁹ Daya, umak ina pada aku nulis ahi lelu ma hanyu, nyeiru himpan aku kaiyuh karasa buktini, inunkah hanyu taat hang wuang katuluh alah. ¹⁰ Erang kaulun isa haut naampun dayanu, aku ngampun pada. Daya, inun sa haut na ampun daya ku, jaka naan isa naampun aku nganpun ni, aku ngulah ina daya hanyu naan hang dahapan Kristus. ¹¹ Andir iru, iblis puang sagar na ami untung teka takam, daya takam karasa aheng here. Kahanangen Nelang Kahewuen Paulus ¹² Tawuk aku hampe hang Troas umak ngabar Injil Kristus nelang tawuk wanawang nauka umak akuhang wuang Tuhan, ¹³ huan uweng ranai atei hang wuang amirueku daya puang panalu hi Titus, pulaksanaiku. Jari, aku purumisi ma here nelang palus mahulu ma Makedonia. ¹⁴ Kude, syukur ma Alatalla, isa dahuluni mamimpin kami ma kamanangen hang wuang Kristus nelang natantarang enguh pangarasaen neu hanye hang tatiap unengan, mitah kami. ¹⁵ Dayani, kamina yalah enguh marauh Kristus manyu Alatalla hang lahelang here isa haut nasalamat daya hang lahelang here isa lagi binasa. ¹⁶ Neu ma isa, kami na naan enguh pampatei neu pampatei, nelang ma isa lainni, enguh pamelum umak pamelum. Kude, hieleh isa kaule umak katuluh yeru ? ¹⁷ Sababni, nelang kami puang nyalah ulun rama isa lain, isa haut ngari firman Alatalla. Walehanni, Hang wuang Kristus kami bapaner hang dahapan Alatalla andri tulus, kewangun kuan utus Alatalla.