Tabe Teka Hi Paulus ¹ Paulus, Erang kaulun rasul Kristus Yesus daya kabahumen Alatalla nelang Timotius, pulaknai takam, ma jemaat Alatalla isa naan hang Korintus baya andri kuan ulun barasis isa naan hang litar Akhaya. ² Anugrah umak hanyu nelang damai sejahtra teka Alatalla Ammah takam nelang Tuhan Yesus Kristus. Syukur hang amau Tantulu Rariu Alatalla ³ Naberkat Alatalla nelang Ammah Tuhan Takam, Yesus Kristus, Ammah isa penu ahi lelu nelang Alatalla katuluh tantulu rariu, ⁴ isa ngarariu kami hang wuang katuluh kasusahen kami hampe kami pada kaiyuh tantulu rariu, isa kami pada na rariu daya Alatalla ⁵ Daya, sameh kala hanang Kristus naingkam daya kami, kalahie pada ngarariu hampe limpas malupui Kristus. ⁶ Amun kami kaingkam panyusah, hal yiru daya ngarariu atei nelang ngami kasalamaten. Atawa, amun kami narariu, hal yiru umak ngarariu hanyu, isa bagawi hang wuang katabahen, hang amau panyusah isa sameh, kaliru pada isa naingkam daya kami. ⁷ Kaharapen kami hang amau hanyu isa taguh daya kami karasa neu kewangun hanyu ngalab meheni hang wuang panyusah kami, kaliru pada kami ngalap meheni hang wuang tantulu rariu kami. ⁸ Kuan pulaksanai katuluh, kami puang hamen naun puang karasa neu panyusah isa nainghkam daya kamihang Asia. Kami tuu weat narime panyusah isa labis teka isa natanggung daya kami hampe kami hampe kami puang uweng kaharapen lagu umak welum. ⁹ Salabisni, kami narime hukum pampatei hang wuang dirikami raerai himpan kami puang harap neu diri kami raerai. walehanni pada Alatalla isa nyamelum ulun isa haut matei . ¹⁰ hanye haut napas kami teka pampatei isa makatatakut ru nelang sagar napas kami pada kamulek. Ma Hanye kami magun baharap daya hanye sagar nyalamat kami. ¹¹ Hanyu pada ngalut ngarawah kami mitah dua-duanu hampe rama isa sagar basyukur hang amau ngaran kami daya ahi lelu karunia isa naamini ma kami mitah dua-dua ulun rama. Ngubah Kabahumen Paulus ¹² Ina kahewuen kami, hanyeiru kasaksian atei aheng kami neu kami welum hang wuang dunia yena, utamani nadap hanyu, andri tulus andri kapinuu teka Alatalla, puang daya hikmat dunia, walehanni hang wuang anugrah Alatalla. ¹³ Daya, kami puang nulis hal isa lainni iyuh nabasa dayan nu andri pangataruen. aku baaheng ma hanyu sagar kataru katuluhni. Aku harap hanyu sagar kataru katuluhni. ¹⁴ Kaliru pada hanyu haut paham meheni neu kami, nyeiru kami jari kabanggaan naun, kewangun naun pada jari karaien kami, pada hang andrau Tuhan Yesus, ¹⁵ Hang wuang kayakinan yena, aku baaheng himpan labis dahulu hawi maunengnu himpan hanyu iyuh kaiyuh anugrah umak mahandrueh kalini. ¹⁶ Aku hamen ngapung hanyu hang wuang pakiaanku ma Makedonia himpan hanyu tau ngarawah aku hang wuang pakiayaanku ma Yudea. ^{18 17} Daya sabab iru, inunkah daya kabimbangenku ngabahum hal ina ? Atawa, inunkah aku ngulah rasana, aku ngulah rancana ina, yalah ransana dunia naan rensana isa sameh naan " yai, yai" nelang "Puang, puang" ? Sameh yalah Alatalla satia, piwaraan kami ma hanyu puangsa "yai" nelang " Puang". ¹⁹ Daya, anak Alatalla, Yesus Kristus, isa haut nawara ma naun daya kami, nyeiru daya aku, Silas, Nelang Timotius, puangsa, "yai" nelang "puang", walehanni "yai" hang wuang Hanye. ²⁰ Daya, katuluh jannyi Alatalla hanyene "yai" hang wuang Kristus. Iruleh sababni, mitah Hanye, kami nghantuh "Amen" kami umak ngamulia ma Alatalla. ²¹ Nelang, Alatalla isa ngampi teguh kami sasameh andri naunhang wuang Kristus, nelang isa haut ngami urapan ma takam, ²² isa haut nametrai ma takam nelang ngami Ruh Ni hang wuang atei takam himpan jari jaminan. ²³ walehanni, aku nerau Alatallahimpan jari saksiumak amiruekubneu umak nahan diri hang amau naun aku huan hawi kamulek teka Korintus. ²⁴ Puang daya kami marintah hang amau imannu, kude daya kami marintah hang amau imannu, kude kami isa bagawi baya hanyu andri arai hewu daya hang wuang imannu, kami mindri anri kapinuu.