¹ Daya kami karasa amun punuk, unengan kami muneng hang amau tane haut nasanruntun, takam naan unengan isa haut natamuan daya Alatalla, erang kawua lewu isa puang naulah makai tangan murunsia, kude isa kekal teka suruga. ² Salwah takam muneng hang wuang lewu ina, takam iwada daya takam kasungu umak muneng hang wuang suruga. ³ Daya, tawuk takam muneng ni, takam puang lagi dinung tabentur. ⁴ Salawah takam munenghang wuangb lewu unengan na, takam iwada nelang nelang maweat daya takam puang hakun tabentur walehanni nuwe pama himpan isa Fana ru natelen daya welum. ⁵ Itati, Hanye isa nyadia takam tujuan neu Alatalla, isa ngampinau Ruh maamau takam himpan jari jaminan. ⁶ Daya iru, kami tatap tabah nelang kataru neu tawuk kami naan hang wuang lewu nyeiru tanga takam, kami muneng hang luar Tuhan. ⁷ Daya, kami welum daya iman, puang daya paninungen. ⁸ Walehanni, kami tabah nelang katuju muneng hang luar tenga kami balalu muneng baya Tuhan. ⁹ Daya sabab iru, kami bausaha himpan kami natarime daya Ni, Inunkeh kami muneng hang lewu ina atawa hang luarni. ¹⁰ Daya, takam katuluh napihadap hang dahapan kursi pangadilan Kristushimpan tiap kaulun kaiyuh narime kamulek kuan hal isa haut nakaraja hang wuang tenga ni, sameh andri inun isa haut nakarajani, inun iru maeh tawa puang maeh. Palayanan Damai Teka Alatalla ¹¹ Daya kami karasa aratini takut nadap Tuhan, makani kami nantu'u ulun lainni. Kude, kami haut tu'u nintu alatalla nelang aku baharap tuu pada manyu atei akal naun. ¹² Kami puang baaheng lagi ngarariu diri kami nunung hanyu, kude kami kasampaten ma hanyu umak ngulah kaaraien nadap kami. Andri kalahie , hanyu sagar uweng tung nintu here isa arai hang amau isa dinung nelang puang yalah isa naan hang wuang atei. ¹³ Jaka kami puang jari diri kami erai, hal yeru umak Alatalla. Jaka kami jari diri kami erai, iru umak kapentingannu. ¹⁴ Daya ahi lelu Kristus ngasa kami tawuk kami ngalap kasimpulan amun naan erang kaulun matei umak ma katuluh, maka here katuluhni matei. ¹⁵ Nelang, Hanye matei umak makatuluh himpan here isa welum puang lagi welum umak diri here raerai, walehanni umak Hanye, isa haut matei nelang palus mihemmuk daya gana here. ¹⁶ Daya iru, teka itati kami puang lagi mantaru sunah erang kaulun ngalut wangun tengani, maraeh kami hautsuah kataru manyu Kristus isa dinung, kude itati kami puang lagi nyantaruh Hanye nyalah iru. ¹⁷ Jari, sa naan hang wuang Kristus, hanye ru ulahan isa wau. Kuan hal isa lawah haut paitah, dinungleh, kuan hal isa wau haut hawi. ¹⁸ Katuluh hal yena teka Alatalla, isa ngampiranai takam andri diri Nimitah Kristus nelang ngami takampelayanan kadamaien ru. ¹⁹ Nyeiru hang wuang Kristus Alatalla ngampi damai dunia andri diri Ni raerai, andri puang bareken neu palangaran-palangan here nelang haut harap manyu habar kadamaian umak takam. ²⁰ Jari, kami na utus wat Kristus. Alatala nutui herawan Ni mitah kami. Kami bapaner nadap hanyu daya gana Kristus, sarahleh tenganu na ampiranai andri Alatalla. ²¹ Hanye isa puang kataru dusa haut naulah Ni jari dusa daya takam himpan takam nakawitu daya alatalla hang wuang Hanye.