¹ Dinung naun pihante ahilelu Alatala Amah hampi takam bulu takam naantuh kawan anak Alatalla, jari takam yena kawan anak Alatalla, Daya yeru dunia puang kataru takam, daya dunia puang kataru Hanye. ² Kawan pulaksana'i sanakaleluku, ta'ati takam anak Alatalla, kude kala awe wanguntakam die hu'an dinung. Kude takam karasa tawuk Hanye hawi, takam sagar jari nyalah Hanye daya takam sagar kadinung Hanye hang wuang wangun-Ni. ³ Katuluh ulun sauweng kabahumen hang wuang Kristus, hanye ngabarasis welumni, sameh andri Kristus daya Hamye yeru tu'u-tu'u barasis. ⁴ Hie ulun sangulah dosa hanye haut ngulah kahalaen hukum, daya dosa yeru nawan hukum. ⁵ Naun uras karasa, Yesus Kristus yeru umak ngabarasis dosa, jari hang wuang Hanye puang uweng dosa. ⁶ Katuluh ulun samuneng baya Hanye puang sagar ngulah dosa; hie pudi puang sagar badosa amun hanye haut kadinung nelang kataru andri Hanye. ⁷ Naun anakku, ada kalewa ulun nyantawang naun. Ulun sangaraja neo pikaeh hanye yeru ulun samaeh. ⁸ Ulun sangulah dosa yeru welumni ibaya andri setan, daya setan yeru teka mulani haut badosa. Daya yeru Anak Alatalla hawi ngampan: Hanye nyandrupuh kawan pagawian setan yeru. ⁹ Puang sunah erang kaulun sahawi teka Alatalla sangulah dosa daya iwit teka Alatalla muneng baya hanye; nelang hanye patau ngulah dosa daya hanye hawi teka Alatalla. ¹⁰ Jari daya yeru taru, hiye kawan anak Alatalla nelang bulu taru pada hie kawan anak Iblis. Hie ulun sapuang welum hang wuang pikaeh hanyeru puang hawi teka Alatalla, kalahie pudi ulun sapuang malelu kawan pulaksana'ini. Ipamalelu ¹¹ Daya kabar yena haut tekasadi rengei naun, hanyeru takam Selma tau sameh-2 ipamalelu. ¹² Ada nyalah hi Kain, hanye hawi teka ala murun sahaut munu ani-ni. Bulu, wuah inun hi Kain hampe munu ani-ni? Daya hi Kain ngaraja pikurunkode ani-ni ngaraja satiba pikaeh. ¹³ Pulaksana'i-ku katuluh, ada naun emah amun dunia yena muar ma naun. ¹⁴ Takam karasa, takam yena haut kaluar teka pampatei nuju pamelum samaeh daya takam haut malelu kawan pulaksana'i takam. Ulun sapuang tau malelu kawan pulaksan'i-ni hanye sagar muneng hang wuang pampatei. ¹⁵ Hie ulun samuar mapulakna'i-ni hanyeru erang kaulun samurun atei, naun sika karasa hiye samurun atei hanye puang uweng pamelum sakalalawah. ¹⁶ Teka yena takam kataru ipamalelu: Daya Yesus Kristus haut nyarah welum-Ni ma takam. Jari, takam pada ngami pamelum takam hampi kawan pulaksan'i takam. ¹⁷ Tawuk ulun uweng harata dunia yena, bulu hanye karasa pulaksana'i tu'u-tu'u parlu, kode hanye nutup ateini puang palelu, kala awe pada tau, ahilelu Alatalla tau naan hang wuang ateini? ¹⁸ Kawan anak-ku, ayu ware takam pamalelu puang ekat andri paner atawa andri iwei ai, kode ware takam ngaraja andri atei samaeh. ¹⁹ Andri yena, bulu takam karasa amun takkamna hawi teka antu kaeh nelang takam bulu nguet atei hang dahapan Alatalla. ²⁰ Daya, amun hang wuang atei, takam tau ngampihala wangun welum takam, nelang diwi sarasa-Ni neo katuluh yeru. ²¹ Kawan pulaksana'i sanakaleluku, amun atei takam puang ngapihala wangun takam, yiru takam haut naan kayakinan hang dahapan Alatalla. ²² Inun kuang sanalaku, takam sagar natarime takam teka Alatalla daya takam haut ngaraja kawan parentah-Ni nelang sameh andri kawan kabahumen-Ni ²³ Nelang ina parentah Alatalla, hanyeru ngampan takam parisaya hang wuang ngaran Anak-Ni, Yesus Kristus, ngampan takam ipamalelu nyalah sahaut naparentah-Ni ma takam. ²⁴ Ulun samakai kawan parentah Alatalla sagar muneng baya Hanye, balalu Alatalla pada muneng baya hanye. Daya yeru takam karasa Alatalla muneng baya takam, mitah Roh sahaut naami Alatalla ma takam.