¹ Kawan anakku, aku nyurat katuluh yena ma naun ngampan naun puang ngulah dosa. Kode amun naan sa haut tapu ngulah dosa takam naan erang kaulun Pangarawah hang hadapan Alatalla Amah, hanyeru Yesus Kristus ulun sa Witu Bujur. ² Hanye yeru jari tetei takkam ngampan tau kaiyuh pangampunan makawan dosa takam, Hanye pada tau makatuluh ulun hang wuang dunia yena. ³ Daya yiru takam kataru Alatalla, kode sirini amun takam tau ngalut kawan parentah-Ni. ⁴ Mun naan ulun kaeau, "Aku kataru Alatalla, kode puang ngalut kawan parentah-Ni, ulun yeru mapusu nelang puang uweng pikaeh hang wuang ateini. ⁵ Kode hiye sangalut kawan lengan-Ni, yiru siri ahi lelu Alatalla tu'u-tu'u penu hang wuang ateini. Teka yeru takam kataru amun takam hang wuang Hanye. ⁶ Amun ulun kaeau hanye haut muneng baya Alatalla hanye pada welum nyalah Yesus. Ngaraja Kabahumen Alatalla andri Malelu Sasameh Murunsia ⁷ Kawan pulaksana'i sanakaleluku, aku puang nyurat kawan parentah wau ma naun, daya kawan parentah salawah haut muneng baya naun. Kawan parentah yeru Firman haut rengei naun teka sadi hurap. ⁸ Kode, taati aku ganyahnyurat parentah sawau ma naun, daya kawan sa maehhang wuang Hanye maeh pada hang wuang naun, daya kawan pikurun haut tapitah taati piraai haut hawi ma takam. ⁹ Ulun sa kaeau hanye hang wuang pirai yiru, kode hanye magun ta'u sangit atawa muar makawan pulaksana'ini, aratini hanye magun hang wuang pikurun hampe taati. ¹⁰ Ulun isa pamalelu makawan pulaksana'ini hanye haut muneng baya piraai, puang uweng satau ngulah kahaen. ¹¹ Kode, hie sa tau muar hampi pulaksana'i hanye magun muneng hagng wuang piiyeng. Hanye puang kataru ma awe sagar tulak daya piiyeng haut nampehe mateni. ¹² Kawan anakku, ina aku nyurat manaun, daya kawan dosa naun haut galis nawui daya ngaran-Ni. ¹³ Aku pada nyurat ma naun amah-amah, daya naun pada haut kataru Hanye teka hiye. Aku pada nyurat ma naun kawan iya muda daya naun haut nyantalau Alamurun. Aku pada nyurat ma naun kawan iya, daya naun haut kataru Amah. ¹⁴ Aku nyurat lagi ma naun amah-amah daya naun haut kataru Hanye kalemah sadi. Aku pada nyurat ma kawan naun ulun bujangan, daya naun lagi wigas, lengan Alatalla muneng hang wuang naun, daya naun haut nyantalau kawan ala murun yeru. ¹⁵ Ada sinta ma dunia yena atawa inun masam sanaan hang wuang dunia. Hie pudi sasinta madunia yena, ahilelu teka Amah puang uweng hang hanye. ¹⁶ Daya katuluh sanaan hawuang dunia, hanyeyiru kabahumen murunsia mitah paninungan, andri kasakahen puang itah kabahumen Amah, kode teka dunia. ¹⁷ Dunia yena ganyah wawai baya kabahumeni, kode ulun sa makai kabahumen Alatalla sagar welum sakalalawah. Ada uma Musuh Kristus ¹⁸ Naun kawan anakku, itati haut pijumpuhan jaman; nelang naun haut karengei neo musuh Kritus sagar hawi, nelang itati hene kawan musuh Kristus haut hawi. Teka yiru takam kataru itati haut hampe pijumpuhan jaman. ¹⁹ Here hawi teka peneh takam, kode here puang sameh andri takam. Daya, amun here sameh andri takam, here tatap baya takam. Amun here nanan takam yiru haut dinung here yeru puang sameh andri takam. ²⁰ Kode naun haut na nasindrah daya Roh Brasis, nelang naun haut karasa katuluh yeru, ²¹ Aku nyurat yena ma naun puang daya naun huan karasa ajaran pikaeh, kode daya naun haut karasa nelang kataru neo kawan ajaran pikaeh yeru. ²² Hie sa mapusu yeru amun puang ulun sapuang harap Yesus yeru Raja Panyalamat? Hanye yeru musuh- Kristus, ulun sapuang harap Amah atawa Anak. ²³ Hie sapuang harap ma Anak hanye pada puang hang wuang Amah. Kode, hie samangku Anak, hanye pada hang wuang Amah. ²⁴ Ware kawan inun sahaut rengei naun teka sadi tatap muneng atei aheng naun. Amun inun sahaut rengei naun teka sadi magun muneng baya naun, naun pada sagar muneng hang wuang Anak andri Amah. ²⁵ Nelang ina janji sanaami-Ni ma takam, hanye yeru pamelum sakalalawah. ²⁶ Katuluh sahaut nasurat dayaku ma naun yena, neo bahum kawan ulun sangunu nyantawang naun. ²⁷ Kude, neo Rohni sahaut natarime naun teka Hanye tatap muneng hang wuang atei akal naun, daya yeru naun pausah lagi ngantara ulun umak ngajar naun. Kude neu Roh-Ni sahaut natarime naun yeru sangajar naun ajaran samaeh yeru daya inun saajar-Ni manaun pung antu pusu, nyalah kawan sanaajar-Ni manaun, ngampan naun tatap hang wuang Hanye. ²⁸ Itati kawan anakku unengleh hang wuang Hanye ngampan tawuk Hanye nantarang tenga-Ni takam uweng kaparisayaan nelang puang amangan hang hadapan-Ni tawuk Hanye hawi. ²⁹ Amun naun karasa Hanye yeru ngulah kawan antukaeh, naun pada kataru amun ulun ngulah gawian samaeh, welumni teka Hanye.