¹ Kawan pullakna'iku sanakaleluku, ada naun parisaya ma kawan roh, ware naun nyampuri kawan roh yeru ngampan kataru inun yeru hawi teka Alatalla, daya itati haut hene hawi ma dunia yena sangaku jari nabi. ² Kalayena naun mantaru Roh Alatalla: Satiap roh sangaku neo Yesus Kristus sahaut hawi nyalah wariangut murunsia yeru hawi teka Alatalla. ³ Kode amun roh yeru puang ngaku Yesus, yeru puang hawini puang teka Alatalla. Yeru roh sanawan Kristus, sahaut rengei naun sagar hawi, taati haut hawi ma dunia yena. ⁴ Kawan anakku, naun yena hawi teka Alatalla nelang naun haut nyantalau kawan nabi-nabi palasu, daya Hanye sa naan hawuang tenga naundiwi teka sa hang wuang dunia. ⁵ Kawan nabi-nabi palasu yeru hawini teka dunia. Daya yeru, here bapaner makai katauen dunia nelang dunia pada nyandrengei inun eau here. ⁶ Asal takam teka Alatalla. Ulun isa parisaya ma Alatalla pasti nyandrengei eau takam, kode ulun sa puang teka Alatalla puang sagar nyandrengei eau takam. Daya yeru, takam kataru Roh kebenaran andri roh isa nyantawang. Marilah Kita Saling Mengasihi