¹ Pakara Hukum Hang Penah Ungkup Tuhan. Katika erang ka ulun teka penah penah naun naan salisih isa andri sa lain,inun sa hanye he'ei tulak umak ngatara kaadilen hang hadapan kawan ulun ulun sa hala andri puang hang hadapan kawan ulun kudus? ² Inun kah hanyu puang karasa ne'u ulun ulun kudus sagar mahakimi dunia?Amun dunia nahakimi dayanu, inunkah hanyu puang layak umak mangadili pakara pakara sa tu'u rumis? ³ Inunkah hanyu pakarasa bahwa takam sagar ngadili kawan malekat? Apalagi ekat pakara pakara biasa tiap andrau. ⁴ Bulu,amun hanyu nadap kawan pakara biasa nyalah iru,daya inun hanyu ngenei ma here sa puang na reken wuang ungkup? ⁵ Aku ka eyau ina umpan naun amangan.Inunkah puang uweng erang kaulun teka penah naun sa marahati, sa sanggup ngurus kawan pakara hang penah here ipulah na'i? ⁶ Malahan hang penah kawan here ipulah na'i tulak ngantara kaadilan pi hadapan kawan ulun sa puang harap! ⁷ Sabujurni haut puang jari ma hanyu daya naun uweng kawan pakara hukum hang penah naun.Daya inun hanyu puang labih katuju na ampi hala?Daya inun naun puang labih katuju na ngapi rugi? ⁸ Sabalikni naun raerai hala andri na ampi rugi.Bahkan,naun ngarajani nuju pulah na'i nu. ⁹ Inun kah hanyu puang karasa bahwa hanyu ulun sa hala puang sagar mawarisi Karajaan Alatala? Ada tawang!Kawan ulun cabul,kawan nyam'mah sampatung,kawan ulun padapa,bansir,kawan ulun upu pasinni sasameh, ¹⁰ kawan pangalat,kawan ulun sa sarakah,mahamui,tukang fitnah,bulu panipu,here katuluh puang sagar mawarisi karajaan Alatala. ¹¹ Papire teka naun sagar nyalah iru.Kude, naun haut na barasis,haut na ampi kudus,andri haut na sawuah wuang ngaran Tuhan Yesus Kristus andri hang wuang Roh Alatala takam. Sa Nawit Kawan Zinah ¹² Katuluh hal na lewa ma aku,kude puang katuluhni bariran. Samula katuluh hal na lewa umak aku,kude aku puang hakun jari walah daya hiye pun. ¹³ Panguta umak wuntung,andri wuntung umak kuta'en,kude Alatala sagar mambinasani ma kararuehni. Tenga puang umak ba zina,kude umak Tuhan,andri Tuhan umak tenga. ¹⁴ Alatala ngaelanan Tuhan andri pada sagar ngaelanen takam daya kuasaNi. ¹⁵ Inunkah hanyu puang kataru ka awe tenganu hanyeru kawan anggota Kristus? Inunkah aku sagar ngalap kawan anggota Kristus bulu nyanyari here jarinkawan anggota wawei nakal?Puang budas! ¹⁶ Inun kah hanyu puang kataru ne'u ulun sa nuruk tengani ma kawan wawei nakal jari isa tenga andri hanye? Daya hanye kaeyau,"Karuehni sagar jari isa daging." ¹⁷ Kude bulu,ulun sa nyanhuruk tenga ni andri Tuhan jari isa roh andri Hanye. ¹⁸ Ampi lawit kawan zinah!Satiap dosa lain sa haut nakaraja erang kaulun hang luar tengani,kude ulun sa bazinah,ba dosa nadap tengani raerai. ¹⁹ Inunkah hanyu puang kataru hanye tenganu ru bait Roh Kudus,sa naan hang wuang hanyu,sa na tarimenu teka Alatala,bulu tenganu puang ampunnu raerai? ²⁰ Daya,hanyu haut na tewuh andri haraga lunas.Daya iru, tawatleh Alatala andri tenganu!