¹ Taati manyu kawan hal sa natulisnu ma aku:hanyeru ma'eh umak kawan upu umpan ada nyame wawei. ² Kude daya naan sa bazinah, kawan upu saharusni uweng darangan ni ra erai bulu tiap wawei naan daranganni raerai. ³ Darangan harus kaiyuh mulur tangung jawabni nadap daranganni,kaliru pada matu'eh waweini, nadap matu'eh upuni. ⁴ Matu'eh waweini ada bakuasa ma tengani raerai,kude matu'eh upuni.Kaliru pada matu'eh upuni puang bakuasa na tengani raerai kude mak matu'eh waweini ⁵ Ada sa naun ipalawet,kacuali andri pakat sasameh umak samantara waktu umpan naun laluasa ngami waktunu umak laku duwa. Balalu,welumleh sasameh lagi umpan iblis puang ngararawek daya pipuang mampunu hang wuang ngandali tenganu . ⁶ Kude,aku ngantuh ni umak kalungaren, puang umak huyuen, ⁷ Aku hamen katuluh ulun nyalah diriku.Kude daya iru,tiap ulun uweng karuniani raerai teka Alatala,sa erang kaulun wuang hal iti,bulu sa lain wuang hal iru. ⁸ Umak sa puang narangan andri kawan walu,aku ngewauni bahwa labis ma'eh ma here amun tatap hang wuang kaadaan ta ati. ⁹ Kude sa,sagar here puang ta'u ngandali diri,sama'ehni here narangan.Daya,labis ma'eh narangan teka naturung hawa nafsu. ¹⁰ Umak isa narangan,aku ngami kawan aprintah iti(puang teka aku ,kude teka Tuhan),hanye ru matu'eh wawei puang iyuh nanan matu'eh upuni, ¹¹ (kude amun hanye haut talanyur nanan matu'eh upuni,hanye harus tatap puang narangan,atawa mulek na damaikan andri matu'eh upuni) bulu matu'eh upu puang iyuh ngampi sarak matueh waweini. ¹² Umak sa diwini,aku ka eyau( aku puang Tuhan)nyeru mun naan pulah na'i sa uweng matu'eh wawei sa puang hang wuang kaharapen hang wuang Tuhan,wawei sa iru nu'u welum sasameh hanye,ada leh hanye nyansarak matu'eh waweini ru. ¹³ Kaliru pada mun erang kaulun wawei badarangan erang kaulun upu sa puang harap Tuhan, upu sa hakun welum sasameh hanye,ada leh hanye nanan matu'eh upuni ru. ¹⁴ Daya matu'eh upu sa puang harap iru sagar na kuduskan daya matu'eh waweini sa matu'eh waweini puang harap sagar na kuduskan daya matu'eh waweini.Jari mun kaliru,anak anaknu here anak anak najis,kude ta'ati here haut kudus. ¹⁵ Kude,mun sa puang harap iru hamen tuar,elahleh here tuar.Hang wuang hal kalina,pulah na'i katuluh puang lagi ta ikat.Kude ni,Alatala haut nerau takam umak welum hang wuang damai sejahtra. ¹⁶ Daya kawan matu'eh wawei,ka awe naun karasa kakira hanyu sagar nyalamat matu'eh upunu?Atawa kala awekah hanyu karasa,ui kawan upu,amun hanyu sagar nyalamat matu'eh waweinu? Tatapleh Wuang Kaadaan Katika Na Herau Alatala ¹⁷ Kude,nyalah sa haut na aheng Tuhan umak tiap ulun,sa nyalah Alatalla haut nerau asing asing here,tatapleh welum hang wuang waung iru. Kaliru pada aku ngami perentah umak katuluh jemaat. ¹⁸ Inunkah naan ulun sa herau katika hanye haut na sunat?Ada jua hanye nyamawai siri siri sunatni.Naan kah ulun saat na herau hanye huan na sunat?Ada leh hanye na sunat. ¹⁹ Daya,basunat atawa puang na sunat,puang leh penting.Kude ,sa penting hanye ru kataaten nadap kawan parentah Alatala. ²⁰ Tiap ulun harus muneng wuang kaadaan nyalah hanye waktu na herau. ²¹ Inunkah hanyu erang kaulun walah waktu na herau?Ada naun takut neo iru.Kude amun hanyu pada kaiyuh jari ulun sa merdeka,labis ma'eh na kariran kasampatan iru. ²² Sabab,hanye sa katika na herau wuang Tuhan hanyeru walah,hanye ru ulun merdeka ampun Tuhan.Kalahiye pada,katika ulun sa merdeka na herau,hanye ru walah Kristus. ²³ Hanyu haut na tewuh andri haraga lunas,daya iru ada leh hanyu jari walah murunsia. ²⁴ Kawan pulah na'i,hayuleh tiap ulun tatap muneng baya Alatalla, hang wuang kaadaan kala hanye na herau. *Patata'an Umak Ulun Sa Huan Narangan* ²⁵ Taati,mayu kawan ulun sa huan suah narangan,aku puang uweng parintah teka Tuhan.Kudeni,aku sagar ngami pandapatku sabagai ulun,sa daya ahi lelu Tuhan,iyuh na harap. ²⁶ Aku nganggap hal iti ma'eh wuang kaadaan rara saat iti,nyeru labis ma'eh umak erang ka ulun ta,u tatap muneng nyalah inun adani. ²⁷ Inunkah hanyu naan ikatan andri darangan?Ada budas hanyu ngakali sarak tuar.Inunkah hanyu huan taikat andri darangan?Ada jua hanyu ngatara darangan. ²⁸ Kude,maun hanyu narangan,hanyu puang badosa.Bulu mun erang kaulun wawei narangan, hanye badusa.Kude,here sa narangan sagar kainam kararaen welum duniawi,bulu aku hamen hanyu puan wuah teka hal hal iru. ²⁹ Pulak sana'i,ahengku hanye ru waktuni haut singkat.Jari teka ta'ati,elahleh here sa uweng darangan, welumleh saulah ulah pauweng daranganni, ³⁰ Here sa nungkau saulah ulah puang nungkau,here sa arai mihewu saulah ulah puang arai mihewu,here sa midi saulah ulah pauweng, ³¹ bulu here sa ngariran kawan hal dunia ina,saulah ulah puang ngariranni.Daya,kaadaan dunia ina haut wawai. ³² Aku hamen hanyu bebas teka katakuten.Ulun sa puang narangan mamikir kawan hal manyu Tuhan,ka awe hanye kaiyuh ngampi sanang Tuhan. ³³ Kude neo,ulun sa narangan mamikir kawan hal dunia,kala awe hanye kaiyuh ngampi sanang darangan, ³⁴ bulu perhatianni tabagi bagi. Wawei sa puang narangan andri kawan wawei takut hal hal neo kawan hal Tuhan umpan hanye jari kudus,ha'u tenga ataupun roh ni.Kude wawei sa narangan ngampi takut hal hal dunia iti,kala awe hanye kaiyuh ngampi sanang darangan. ³⁵ Aku kaeyau hal yina umak kauntungennu raerai,puang umak ngelah tampaleng hang ammau hanyu,malenkan umak hal sa ma'eh umpan palayanannu umak Tuhan puang tagangu. ³⁶ Amun naan ulun sa nganggap bahwa hanye haut ngaraja hal sa puang pantas nadap iya waweini,daya iya waweini ru haut tapitah umur ni andri nyalah iruleh saharusni, elahleh hanye ngaraja inunsa na ahengni,hanye puang badusa;elahleh here narangan. ³⁷ Kude,hanye sa haut mantab wuang ateini,puang hang ime paksaan,naan kuasa hang ammau ahengni raerai,bulu haut ngalap kaputusan wuang ateini umpan puang ngampi darangan iya waweini iru,pada hanyepun ngaraja andri ma'eh. ³⁸ Jari,amun hanye narangan andri wawei iru hanye ngaraja sa wuah,kude amun hanye puang narangan anri wawei iru,sa na karaja iru pada ma'eh. ³⁹ Matu'eh wawei taikat salawah matu'eh upu ni masih welum.Kude,amun matu'eh upu ni matei,hanye bebas hamen narangan andri hiyepun sa na sinni ni,asal ulun iru hang wuang Tuhan. ⁴⁰ Kude menurut pendapatku,hanye sagar labis sanang amun tatap hang wuang kaadaanni,andri manurutbaku,aku pada uweng Roh Allah.