¹ Sika haut na tahampe naan sa bazinah hang penah naun,bazinah sa hampe puang uweng hang penah bangsa bangsa lain,hanye ru naan ulun ngalap darangan am'mah ni. ² Bulu,naun sakah!Puangkeh saharusni naun justru wuang hanang umpan ulun sa ngaraja gawian iti na sanawit teka penah naun? ³ Memang mun sacara tenga aku lawit,kude aku naan wuang roh.Bulu,aku haut nyanawu hukuman hang am'mau ulun sa ngaraja hal iru,nyalah aku naan. ⁴ Hang wuang ngaran Tuhan Yesus,katika hanyu bakumpul,andri aku mira andri hanyu wuang roh andri kuasa Tuhan takam,Yesus, ⁵ aku haut manantukan umak nyarahni ulun iti ma Iblis umak binasa tenga ni umpan rohni iyuh nasalamat hang andrau Tuhan. ⁶ Kasakahen nu ru puang ma'eh.Kurang karasakah hanyu bahwa butit ragi ai sagar hanragi katuluh adonan? ⁷ Barasih leh katuluh ragi sa lawah,umpan hanyu jari adonan wa'u,kala hanyu sa memang puang maragi. Daya Kristus babiri Paskah takam,haut na wunu. ⁸ Daya iru,wareleh takam ngitung pesta iru,puang andri ragi sa lawah,puang teka ragi pikurun andri kajahaten,kude andri rote puang baragi teka sa murni andri sa wu'ahni. ⁹ Aku nulis ma naun hang wuang suratku: ada ba hengau andri ulun ulun cabul. ¹⁰ Ahengku,puang sa andri kawan ulun cabul hang dunia ina,kawan ulun sarakah,kawan panipu, atawa andri kawan sa nyam'mah sampatung.Amun kaliru,hanyu harusni kaluar teka dunia ina. ¹¹ Kude,taati aku nulisni ma naun,ada bahengau andri kawan ulun sa na antuh pulah na'i amun hanye iru ulun cabul,sarakah,nya'mah sampatung,pamfitnah,pamabuk,atawa panipu.Hampe,ada sindrah kuman andri kawan ulun nyalah yiru. ¹² Daya,inun urusanku mahakimi kawan ulun luar? Angneh naun manghakimi here sa naan hang wuang ungkup? ¹³ Kude,Alatala sa sagar manghakimi here sa hang luar ungkup.Daya iru,usirleh ulunsa haut ngaraja pikurun teka penah naun.