¹ PIGAWIAN KAWAN UTUSAN WAT KRISTUS. V 1Kalitileh sa na aheng ulun hanrekeni kami nyeru kawan walah walah Kristus nyeru ulun ulun na ami kaharapen rahasia Allah. ² Andri kaliru,kawan ulun sa na ami kaharapen andri kawan hal sa baharaga harusleh mambuktikan ne'o here iyuh na harap. ³ Kude,umak aku puangleh penting mu aku nahakimi daya hanyu atawa daya ne'u pangadilan murunsia.Bahkan ,aku raerai puang manghakimi diriku. ⁴ Daya aku puang manyadari inun pun ne'u diriku raerai.Kude puang daya iru aku na san wuah,kude Tuhanleh sa manghakimi aku. ⁵ Daya iru,ada leh manghakimi sa huan waktuni,hanyeru sa huan Tuhan hawi.Hanye sa sagar ngampira'ai inun inun sa tasadina hang wuang piiyeng andri sagar nantarang aheng atei.Bulu, satiap ulun sagar narime pujian teka Alatala ⁶ Kawan pulah na'i ,aku haut ngami kawan hal hang am'mau diriku raerai andri hi Apolos umak naun umpan hang wuang kami,naun kaiyuh pi ajar umpan puang tapitah teka inun sa haut na tulis bulu puang hala isa teka naunsa jari sakah isa nadap sa lain. ⁷ Daya,hiyeleh sa mambeda bedakan naun?Inun sa naan hang naun,sa puang naun tarime?Bulu,mun naun memang narimeni,wuah inun nau sakah nyalah puang narimeni? ⁸ Naun haut na tamising,naun haut jari tatau!Pauweng kami naun haut jari raja! Aku tu'u baharap hanyu tu'u tu'u haut jari raja umpan kami pada kaiyuh mamarintah sasameh naun. ⁹ Daya,ahengku Alatala haut ngelah kami,kawan rasul,hang uneng sa tar ahir,nyalah kawan ulun sa na ami hukuman matei;daya kami jari dinungan umak dunia,hanyeru umak malekat malekat maupun murunsia. ¹⁰ Kami budu uamk Kristus,kude naun sa marahati hang wuang Kristus.Kami malemeh,kude naun wigas.Naun ta hormat,kude kami hina. ¹¹ Hampe ta ati,kami kajuju andri malah,pama sitat buruk, na kakasah,andri welum mangambara. ¹² Kami uyuh rara,bagawi andri tangan raerai.Dami kami na sapa sumpah,kami mambarkati. Dami kami na palijara,kami batahan. ¹³ Dami kami na fitnah,kami nuing andri ma'eh.Malah,hampe ta'ati,kami jari sameh urai dunia ina,bere teka kawan inun. ¹⁴ Aku nulis kawanhal iti puang umak ngamangan naun,kude umak nyamara naun hanyeru kawan ulun sa na kaleluku. ¹⁵ ,Daya,hindrapun naun uweng sapuluh ribu guru wuang Kristus,naun puang uweng rama am'mah.Daya hang wuang Yesus Kristus,akuleh sa jari am'mahnu mital Injil. ¹⁶ Jari,aku hamen naun,jarileh ulun sa ngalut taladanku! ¹⁷ Daya iru sababni,aku haut ngutus ma naun hi Timotius,anakku sa na kaleluku nelang sa satia hang wuang Tuhan.Hanye sagar ngampi itung naun hanyeru lalan lalanku hang wuang Kristus,nyalah sa na ajarku hang awe awe,hang wuang tiap jemaat. ¹⁸ Papire teka bulu sakah, nyalah aku puang sagar hawi lagi ma naun. ¹⁹ Kude,aku sagar hawi ma naun,amun Tuhan ngaheng,andri aku sagar karasa puang ekat papaneran ulun ulun sakah itu,kude pada kuasa here. ²⁰ Daya,Karajaan Allah puang hang wuang papaneran ,kude wuang kuasa. ²¹ Inun sa na hamen naun?Inunkah aku harus hawi ma naun andri tungkeh atawa andri lelu nelang roh leme lembut?