¹ Kude,kawan pulah na'i,aku puang kaiyuh bapanner ma naun kala mak murunsia sa rohani,kude nyalah ma murunsia duniawi,nye ru kala umak ungkup genna wuang Kristus. ² Aku ngami hanyu nguut susu puang panguta,daya hanyu huan mampu,malah ta'ati hanyu pada huan mampu, ³ daya hanyu masih duniawi.Daya,amun naan bahiri andri hual hang penah hanyu,angneh hanyu masih duniawi andri welum nyalah murunsia? ⁴ Daya,rahat erang ka ulun ka eyau,"Aku hang pihak Paulus andri sa lain,"Aku hang pihak Apolos,"ang neh iru ba arti hanyu hanyeru murunsia? ⁵ Bulu,hiye sa Apolos iru?Andri ,hiye sa hi Paulus iru?Kawan walah sa dayani hanyu jari harap hanye sa Tuhan ngarunia umak asing asing. ⁶ Aku ngamule,Apolos nyiram,kude Altalla sa nyamelum. ⁷ Jari,puang sa ngamule,puang pada sa nyiram, malainkan Alatalla sanyamelum ⁸ Ulun sa ngamule andri sa nyiram hanye ai,andri asing asing sagar narime upani ra erai sasuai andri usahani ra erai. ⁹ Daya,kami nyeru hengau sagawian Alatalla;hanyu hanyeru ume Alatalla,tamuanen Alatalla. ¹⁰ Sasuai andri anugrah Alatalla sa na karuniani ma aku,nyalah erang kaulun pannai bangunan sa tamam,aku ngelah fondasi andri sa lain ngapinroi hanh ammauni.Kude,katuluh ulun harus nampidik ka awe hanye namuan hang am'mauni. ¹¹ Daya,puang uweng erang kaulunpun sa kaiyuh ngelah fondasi sa lainni sa haut na elah hanyeru Kristus Yesus. ¹² Jari mun naan ulun sa namuan hang ammau fondasi iti andri amas,perak,watu watu baharaga,kayu,rikut,riaumi, ¹³ gawian sa na karaja tiap ulun sagar patut daya Andrau Yiru sgar na tantarang andri apui,bulu apui iru raerai sagar na nguji ka awe model gawian tiap ulun. ¹⁴ Amun gawian sa haut na tamuan daya erang kaulun iru batahan,hanye sagar narime upa. ¹⁵ Amun gawian ulun iru galis rakit,hanye sagar sansara rugi,kude daya iru,hanye ra erai sagar nasalamat,kude wangunni nyalah tampitah apui ¹⁶ Puang karasakah hanyu bahwa hanyu Bait Allah andri Roh Allah muneng hang wuang hanyu? ¹⁷ Amun naan ulun sa ngampi hansur Bait Allah,Allah sagar ngampi hansur hanye daya Bait Allah ru kudus,hanye ru hanyu. ¹⁸ Ada naan ulun sa nipu dirini raerai.Amun naan ulun teka penah naun nanguh bahwa hanye marahati hang zaman iti,elahleh hanye jari budu umpan hanye kaiyuh jari marahati.Daya,hikmat ¹⁹ dunia yina hanye ru kabuduen hang hadapan Allah.Daya naan na tulis,"Hanyeleh sa nyamma ulun marahati wuang kalicikan here," ²⁰ andri kamulek,"Tuhan karasa kunuan kunuan ulun sa marahati,katuluhni sagar wawan." ²¹ Daya sabab iru ada naan erang ka ulun pun sa sakah hang wuang murunsia.Daya,katuluh sa naan watnu, ²² Ha'u Paulus,Apolos,kalahiye pada Kefas,ha'u dunia,atau pun welum kalahiye pada pampatei,baik hal hal sa ta'ati atau pun sa akan datang;katuluhni watnu. ²³ Andri,hanyu pada ampun Kristus,Kristus ru ampun Allah.