¹ Andri,katika aku hawi ma hanyu,pulah na'i katuluh,aku puang hawi andri katamamen panner atawa hikmat umak ngabar rahasia Alatalla ma hanyu. ² Daya,aku ngalap kaputusan umak puang karasa inun pun hang helang hanyu salain nye ru Kristus Yesus,Hanye ru sa na pantak hang kayu balasangar. ³ Aku sasameh naun hang wuang kelemeen,hang wuang katakuten,andri neter takut. Papaneran nelang ⁴ pambaritaanku puang hang wuang paner paner hikmat sa ngampi kansing,kude nelang bukti Roh andri kuasa, ⁵ npan imannu puang badasar ma hikmat murunsia,kude ma kuasa Alatalla. Alatalla Nutui yakan Hikmat Mitah Roh. ⁶ Kami kaeyau pika'eh hang penah naun sa dewasa,kude puang pika'eh zaman ta'ati atawa teka kawan panguasa zaman ta ati sa sagar na binasa akan, ⁷ kude kami ngeyau hikmat Alatalla wang wuang rahasia,pika'eh sa tasadina,sa na tantukan Alatalla sahuan pamulaan zaman umak kamuliaen takam. ⁸ Pauweng panguasa panguasa zaman iti sa kataru hanye.Daya amun here haut kataru hanye,here puang sagar na pantak Hanye sa mulia hang kayu balangsangar. ⁹ Kude sameh sa tatulis, "Inun sa huan suah na dinung ,andri sa puang suah na rengei silu, andri sa huan timmul hang wuang atei murunsia,katuluhni Alatalla haut nyadia umak here sa mangasihi Hanye." ¹⁰ Kude,Alatalla haut natarang hal hal iti umak takam mitah Roh daya Roh nantu'u katuluh hal, hampe hang pilalem Alatalla. ¹¹ Daya hiye sa hang penah takam murunsia sa karasa hal hal teka murunsia salain amiruwe murunsia sa naan hang wuangni? Kaliru pada,puang uweng erang ka ulunpun sa karasa kawal hal teka Alatalla salain Roh Alatalla. ¹² Taati,takam haut narime,puang amirue teka dunia,kude amirue sa teka Alatalla umpan takam ta'u kataru hal hal sa na anugrah Alatalla umak takam. ¹³ Hal hal sa pada na antuh kamina,puang hang wuang papaneran sa na ajar daya hikmat murunsia,kude sa na ajar daya Roh andri hambanding hal hal sa rohani andri sa rohani. ¹⁴ Kude,murunsia sa puang rohani puang narime hal hal sa hawi teka Roh Alatalla daya kawan hal iru kabuduen umakni.Hanye puang kaiyuh nguragama daya kawan hal iru ekat iyuh na nilai mitah rohani. ¹⁵ Murunsia sa rohani manilai katuluhni,kude hanye raerai puang na nilai daya hiye pun. Daya,"hiye sa karasa kunuan Tuhan bulu kaiyuh matataanNi?"Yesaya 40:13. Kude,kami uweng kunuan Kristus.