¹ Asi uzive chiro ichi, kuti nemazuva okupedzisira nguva dzekutambudzika dzichasvika. ² Nokuti vanhu vachava vanozvida, vanoda mari, vanozvirumbidza, vanozvikudza, vanotuka, vasingateereri vabereki, vasingavongi, vasati vari vatsvene, ³ vasinarudo chairwo, vasingadi kuyanana, vanochera vamweni, vasingazvidzori, vanehasha, vasingadi zviro zvakanaka, ⁴ vanonyengera, vasingarangariri, vanoita manyawi, vanoda zvinofadza zvenyika kudaika Mwari. ⁵ Vanomufananidzo chete wokunamata Mwari, asi vashiramba simba rake. Ufuratire vanhu ivavo. ⁶ Nokuti pakati pavo varipo vanopinda mudzimba vachiverevedza, vachitapa zvikadzi zvakaremedzwa nezvivi, zvinokwebwa nokuchiva kuzhinji. ⁷ Zvinongogara zvichidzidza, asi vasingambozvikoni kusvika pakuziya chokwadi. ⁸ Jane naJambre sezvavakadzivisa Mozisi, saizvo avo vanodziisa chokwadi, vari vanhu vanendangariro dzakaodzwa, vakarashika pakutenda. ⁹ Asi havachapfuuriri mberi, nokuti upenzi wavo wuchavonekwa neveshe, sezvakazoita wavo. ¹⁰ Asi iwe wakatevera kudzidzisa kwangu, nemufambire, nekufunga, nekutenda, nomoyo murefu, norudo, nokutsungirira, ¹¹ nematambudziko, nendhamo, izvo zvakandiwira paAntiokia, napaIkonio, napaRistra; matambudziko makuru sei andakazwa pazviro izvo zveshe Ishe wakandisunungura. ¹² Zvino, neveshe vanoda kunamata Mwari munaKristu Jesu vachatambudzwa. ¹³ Asi vanhu vakaipa navanyengeri va chanyanyisa pakuipa, vechitpausa vamweni nekupauswa vo. ¹⁴ Asi iwewe, rambira pane zvawakadzidza zvikasimbiswa kwauri, uzive kuti wakazvidzidza kunaani. ¹⁵ Kuti kubvira paucheche wako wakaziva Manyoro Matsvene anogona kukupa vuchenjeri wunoisa kukuponeswa nokutenda kuri numa Jesu Kristu. ¹⁶ Rugwaro reshe rwakafuridzirwa naMwari, rinobatsira pakudzidzisa, nukuraira, nokunakisa, nokuranga kuri mukurnaka, ¹⁷ kuti munhu waMwari akwane, agadzirirwa kwazvo mumabasa eshe akanaka.