¹ Ndinokupupurira kwazvo pamberi paMwari, naShe Jesu Kristu, ena uchatonga vapenyu navakafa pakuvonekwa kwake novushe bwake; ² paridza shoko; ramba wechidaro nenguva yakafanira, kunyange isakafanira; raira, tuka, ranga nomoyo murefu zvikuru nokudzidzisa. ³ Nokuti nguva ichasvika yavacharamba kutendera dzidziso yakanaka, asi, vechida kufadzwa panzee dzavo, vachizvivunganidzira vadzidzisi pakuchiva kwavo, ⁴ vachifuratidza nzeve dzavo pachokwadi, vechipaukira kungano. ⁵ Asi iwe svinura pazvinhu zvose, tambudzika, bata basa remuevhangeri, upedzise basa rako. ⁶ Nokuti ini ndotodururwa, nguva yokuenda kwangu yasvika. ⁷ Ndarwa kurwa kwakanaka, ndapedza rwendo rwangu, ndakachengeta kutenda; ⁸ kubva zvino ndakachengeterwa, korona yokunaka, yandichapiwa naShe, Mutongi wakanaka, nezuva iro; ndisini ndega, asi neveshe vanoda kuuya kwake. ⁹ Shingaira kuti ukurumidze kuuya kwendiri. ¹⁰ Nokuti Dhemasi wakandisiya, akada nyika yazvino. Akaenda Tesaronika; Kreske wakaenda Garatia, naTito wakaenda Dharmatia. ¹¹ Ruka ega uneni. Tora Mako uuye naye nokuti unondibatsira pabasa. ¹² Asi Tikiko ndakamutuma Efeso. ¹³ Nguvo yandakasiya paTroa kunaKarpo, uvuye nayo pakuvuya kwako, nebhuku, zvikuru magwaro amatebwe. ¹⁴ Areksandro, mupfuri wendarira, wakandiitira zvakashata zvizhinji; Ishe uchamubadara nge mabasa ake. ¹⁵ Newevo umuchenjere, nokuti wakadzivisa zvikuru mashoko edu. ¹⁶ Pakuzvidavirira kwangu kekutanga kwakanga kusina munhu wakandibatsira, asi veshe vakandisiya. Ngavaregere kuravirwa izvo. ¹⁷ Asi Ishe wakamira neni, akandisimbisa, kuti ndipedzise kwazvo kuparidza kwangu, vahedheni vose vanzwe; ndikarwirwa pamuromo weshumba. ¹⁸ Ishe uchandirwira pamabasa eshe akashata, uchandiponesa ndipinde hushe wake wokudenga; kubwinya ngakuve kwaari nokusingaperi-peri. Ameni. ¹⁹ Ndikwazisirei Priska naAkwira, neimba yaOnesiforo. ²⁰ Erasto wakasara paKorinde, asi Trofimo ndakamusiya paMireto achirwara. ²¹ Shingaira kuuya, chando chisati chasvika. Yubhuro, naPudhe, naRina, naKraudhia nehama dzose vanokukwazisa. ²² Ishe Jesu Kristu ngaave nomweya wako. Nyasha ngadzive nemi. Ameni.