¹ Zinichokera kuponi nkhondo na kuyambana kunichokera kuponi pakatipanu? Bzobzi bzini chokera lini kubzakukumbuka bzanu bzomwe bzimbachita nkhondo mkati mwa bziwalo bzanu? ² Imwe mumbafuna, soma mumbabzitaza. Imwe mumbapha nakuchita kaduka, napo mukukwanisa lini kubzigumana. Imwe mukuyambana naku menyana. ³ Imwe mulibe chinthu thangwe imwe muku kumbira lini. Imwe muku kumbira soma mukutambira lini thangwe muku kumbira kuipa, kuti mukabzimwaze nakuchita bzakukhumba bzanu. ⁴ Akazi maputa imwe! kodi mumbadziwa lini kuti kukondana na dziko lapansi psakuipa kuna Mulungu? Terepoyo iye omwe amfuna kukhala wa kukondana na dziko lapansi abziika yekha kukhala wakuipa na Mulungu. ⁵ Pinango mukumbuka kuti yakutondo kulewa bzakusaya basa, ''Mzimuyo yekha ambchitisa ife kukhala na moyo nakuchita nsanje''? ⁶ Soma Mulungu ambatipassa ife chisomo, na bzakunembera bzikulewa, ''Mulungu ambalamba nyakubzikuza, soma ambapereka chisomo kuna wakubzichepesa.'' ⁷ Nakuterepoyo bverani Mulungu. Mulambizeni wakuipa, napo iye adzaku thawani imwe. ⁸ Bwerani pafupi na Mulungu, ndipo iye adzabwera pafupi na imwe. Sambani m`manja, imwe anyakuphonya, ndipo chenesani mitima yanu, imwe wamitima_miwiri. <sup>9</sup> Lilani, lilani, ndipo lilani mpakana muchoke misozi! Lekani kuseka kwanu kukhale kulira na kukomedwa kwanu kukhale nsisi. <sup>10</sup> Bzichepeseni mwekha pamaso pa Mbuya, ndipo iye adzakukuzani imwe. <sup>11</sup> Adzinza, lekani kumbalewana munthu na mwanzache. Munthu ndiye anilewa bzakuipa bza mwanzache pinango kuweruza wa dzinza wache iye walewa lamulo ndipo wayeluza lamulo. Penu uniweruza lamulo, ndiwe wakusaya kubvera lamulo, soma ndiwe nyakuweruza. <sup>12</sup> Nim`bodzi ekha ndiye ambapereka lamulo. Ni m'bodziyo ndiye angakwanise kupulumusa na kudzonga. Ndiwe yani iwepo, kuti ungaweruze mwanzako? ¹³ Tsapano bverani, imwe omwe mumbalewa kuti, ''Lero pinango mangwana tidzayenda kumzinda wakuti, nidzakakhala gole libodzi kumweko, kugulisa bzinthu, tichiona phindu.'' ¹⁴ Mbani ambadziwa bzakuchitika mangwana, nakuti moyo wanu udzakhala tani? Nakuti imwe ndimwe utsi bomwe bumbaoneka kwa kanthawe kang`ono kinangoko bumbachoka. <sup>15</sup> Soma, mumbalewe kuti, ''Mulungu angafuna, tidzakhala ndipo tidzachita ibzi ayayi bzakuti.'' <sup>16</sup> Koma tsapano mukubzitamandira na kubzikuza kwanu. Kubzikuza kwense uku m`kwakuipa. ¹⁷ Tsono kuna munthu waliwense ndiye ambadziwa kuchita bzabwino soma ambachitalini, m`nkhuphonya kuna iye.