¹ Bwerani tsapano, imwe omwe ndimwe anyakudala, lilani thangwe la kubonera komwe kukubwera kuna imwe. ² Chuma chanu cabvunda, na bzakubvala bzanu bzadyewa_natulombo. ³ Golide na Siliva wanu bzachita fuluzyu ndipo fuluzyu yacheyo idzakhala mboni yakulewela imwepo, Ndipo idzadya nyama ya thupi lanu ninga moto. Mwabziikhira chuma chanum`nsiku za kumaliza. <sup>4</sup> Nyang`anani, malipilo ndiyo mudakoya kuchoka kuna anyabasa ndiwo adakolola minda yanu akulira kuna imwepo. Ndipo kulira kwa anyakukololawo kwafika m`makutu ya Mbuya wa wanthu wense. <sup>5</sup> Mwadyelera pa dziko lapansi ndipo mwachita bzinthu bzakudekera imwepo mwekha. <sup>6</sup> Imwe mwadyesa mitima yanu pa nsiku ya kupha. Imwe mudagaza na kupha munthu nyakulungama. Iye alibe kugazana namwe. <sup>7</sup> Adzinza, khalani wakudelekha mtima, kinangoko dikirani, mpakana Mbuya adzabwere. Nyang`anani ndimo mulimi ambadikhilira chakubala kuchokera ku dziko la pansi ndipo ambakhala wakudelekha mtima pachimwecho, mpakana chitambire mvula ya kuyamba na yakumalizira. ⁸ Imwepombo, khalani, wakudelekha mtima. Mitima yanu ikhale ya yakulimba thangwe Mbuya ali pafupi kubwera. ⁹ Lekani kudandaula, adzinza, kugazana munthu na mwanzache, kuti nampodi mudzagaziwe. Nyang`anani, nyakutonga waima pa m`suwo. ¹⁰ Tewezerani, adzinza, kuchokera pa kubonera na kudelekha mtima ndiko adachita aneneri, iwo omwe adasewera mudzina la Mbuya. ¹¹ Nyang`anani, tikuwaona ninga wakudala iwo ndiwo adapilira. Imwe mudabva bza kupilira kwa Yobu, ndipo mukudziwa kumalizira kwache kwa Mbuya, kuti iye akhali wa wachikondi tani na wakudzala na chifundo. ¹² Padzaulu pa bzensenebzi, adzidza, lekani kulumbira, pinango bzakudzaulu, pinango bzapansi, pinango chinthu chilichense. Soma lekani ''Kutawira'' kwanu kukhale ''Kutawira'' ndipo ''Kulamba'' kwanu kukhale ''Kulamba,'' kuti nampodi mukagwe pa chiyeruzo. ¹³ Kodi pana winango wa imwepo ndiye akubva kuwawa? Mulekeni iye anamate. Kodi pana winango wa imwe akusangalala? Mulekeni iye ayimbe. ¹⁴ Kodi pana winango wa imwe akuduwala? mulekeni iye achemere akulu wa mpingo wa kutchalitchi, ndipo alekeni iwo amunamatire iye. Lekani iwo amupsingisire mafuta mu dzina la Mbuya. ¹⁵ Kunamata kwa chikhulupiliro kumbachiza munthu ndiye akuduwala, ndipo Mbuya adzamulamusa umweyo. Penu iye ankana bzakuphonya, Mulungu adzamukhululukira iye. ¹⁶ Tsono tawilizani kuphonya kwanu kuna munthu na mwanzache ndipo munamatirane kuti muchiziwe. Kunamata kwa munthu wakulunga mkwamphamvu na basa lache. ¹⁷ Eliya akhali munthu ninga ife. Iye adanamata neye kulekeza kuti mvula isaye kubvumba, mvulayo ilibedi kubvumba pansi kwa magole matatu na miyezi mitanthatu. ¹⁸ Kinangoka Eliya adanamata pomwe. Kudzaulu kudapereka mvula, ndipo dziko la lapansi lidabala bzakubala bzache. ¹⁹ Adzinza wangu, penu winango wa imwe anisochera kuphonyana na chadidi, winango wa imwe amubweze iye abwerere, ²⁰ munthu umweyo adziwe kuti iye amubweza kwaku phonya na njira yache yaku imfa yapulumusiwa ndipo adzabisa machimo mazinji.