¹ Pakumalizira, adzinza tikukumbirani na kukudandaulirani mwa Mbuya Yesu. Nakuti mudatambira malangizo kwa ife kuti mungafambe tani na kumkomedwesa Mulungu, munjira yoyi mumbafambe, na kumkomedwesa Mulungu kuposera pakuyamba. ² Pakuti mukudziwa malangizo ndiyo tidakupasani kudzera mwa Mbuya Yesu. ³ Pakuti ichi nchifuniro cha Mulungu, kubzichenesa kwanu, kuti mudabzichosa ku uputa, ⁴ kuti aliwense adziwe chakubzitengera chacho na kuchena kwache na ulemu, ⁵ neye mwabzakunyansa (ninga wanthu wakusaya kudziwa Mulungu). ⁶ Nampodi kuti munthu aliyense apsomese wa dzinza wache munjira imweyi . Pakuti Mbuya ndiye nyakubwezera bzenzebzi, ninga tidakuzaniletu na kukhala mboni. ⁷ Nakuti Mulungu akuchemeralini ku chakuipa, soma ku bzakuchena. ⁸ Tsono iye, ndiye ambachosa bzobzi neye wanthu, soma Mulungu, omwe ambapereka Mzimu Wakuchena kuna imwe. ⁹ Pakutengera chikondi cha paudzinza, bzikufunika lini munthu winango kuti akunembereni kuti pa imwe mwekha, mudapfunzisiwa na Mulungu kuti mumba kondane munthu na mwanzache. ¹⁰ Mchadidi, muchite ibzi kuna adzinza wense wakuhala ku Makedonia. Soma ndikuku limbikisani imwe, adzinza, kuti muchite bzobzi kwenkwene. ¹¹ Tikuku limbikisani pomwe kuti mukhale wakudelekha, wakusamalira mipingo yanu na basa la maboko yanu, ninga ndimo tidaku tongerani imwe, ¹² kuti mumbafambe mwakulongosoka pamaso pa wanthu wakunja nakuti nampodi musaye chinthu. ¹³ Abale, tikufunalini kuti mukhale anyakusaya kudziwabza, wale ndiwo adagona, kuti imwembo mungalirembo ninga wense anyakusala, wale ndiwo alibe chiyembekezero. ¹⁴ Nakuti timbakhulupilira kuti Yesu adafa achilamuka pomwe, tenepo Mulungu adzawatenga na Yesu wense omwe adasaika na iye. ¹⁵ Thangwe lache tikulewa na mafala ya Mbuya, yakuti ife anyamoyofe, omwe tasalafe ate kubwera kwa Mbuya, tidzakhala lini wakutoma kuposera anyakufa. ¹⁶ Nakuti Mbuya adabuluka yekha kuchoka kudzaulu. Iye adzabwera achipfuula, na fala la angero, na pomwe chitoliro cha Mulungu, ndipo wale ndiwo adasaika ali mwa Khilisitu ndiwo adzatoma kulamuka. ¹⁷ Kinangoko ife tsapano anyamoyofe, omwe tikhadasalafe, tidzakagumana nawo m'mitambo kuti tikagumane na Mbuya m'dzaulumu. Munjira imweyi tidzakhala nthawe zense na Mbuya. ¹⁸ Tsono, tinyamalizane munthu na mwanzache na mafala yamweya.