¹ Thangwe lache, yomwe tilibe kulekelera, tidakumbuka kuti bzikhali bzabwino Atene atileke tekha. ² Tidatuma Timoteo, m'bale wathu na pomwe nyabasa mwanzathu mwa Mulungu mu uthenga bwabwino bwa Khilistu, kuti akulimbikiseni na kukudekhesani muchikhulupiliro chanu, mabuku inango yakalekale yadanembiwa kuti (tidatuma Timoteo m'bale napomwe nyabasa wa Mulungu mu uthenga bwabwino bwa Khilistu). ³ Kuti munthu nampodi atekenyeke na kubonera komweku. Nakuti pamwekha mukziwa kuti na bzobzi tidasankhuliwa. ⁴ Chadidi nthwe ndiyo tikhali pabodzi na imwe, tidakuuzani letu kuti tasala pang'ono kuti tibonere, ninga mudziwa, ndimo bzidachitikira. ⁵ Thangwe la ibzi, pakusaya kulekelera, ndidatuma kuti ndidziwe chikhulupiliro chanu . Kuti nyakuyezeyo angakuyezereni imwepo, na kuti mabvuto yathu yakadakhala yakusaya basa. ⁶ Soma Timoteo adabwera kuna ife kuchokera kwa imwe na kutibweresera nkhani yabwino ya chikondi na chikhulupiliro chanu. Adatiuza kuti nthawe zense mukhakumbuka bzabwino bza ifepano, nakuti mukumbukire kutiona ifepano ninga ifembo tikufuna kukuonani imwepo. ⁷ Thangwe la ichi, adzinza, tidalimbikisiwa na imwe thangwe la chikhulupiliro, chanu mwa kubonera na kupsinyika kwathu kwense. ⁸ Pakuti tsapano tinamoyo, penu imwepo munilimbika mwa Mbuya. ⁹ Nikutenda kwanyi komwe tingapereke kwa Mulungu thangwe la imwe, thangwe la chimwemwe ndicho tinkanacho kwa Mulungu kwa imwepo? ¹⁰ Usiku na masikati tikhapemphera mwakulimbika kuti penu tingaonembo nkhope zanu na kukupasani ndicho muchisaya chikhulupiliro chanu. ¹¹ Mulungu wathu baba mwa iye yekha, na Mbuya Yesu atitsogolele nanjira yathu ya kwa imwe. ¹² Soma Mbuya akukuzeni kuti mukhale azinji na kukondana munthu na mwanzache na kuna wanthu wense, ninga tidachitira ife kuna imwe. ¹³ Akulimbikiseni mitima yanu yakusaya thangwe pamaso pamaso pa Mulungu Baba pakubwera pa Mbuya wathu Yesu na wanthu wense wakuchena.