¹ Adzinza, paimwe mwekha mudziwe, kuti kubwera kwathu kwa imwe sikuti nkhwakusaya basa. ² Tsono, penu mukudziwa, kuti ngakhale tidabonera na kuchitiwa manyazi pakuyamba pale ku Afilipi, soma tidakonziwa mwa Mulungu kuti tilewe kuna imwe uthenga bwabwino bwa Mulungu mwakugazana kwenkwene. ³ Pakuti kudandaula kwathu kukuchokalini kwa katza pinango kwa chakusipa, neye kwachinyengo. ⁴ Koma nakuti, tidabvumiwa na Mulungu kuti tikhulupililidwe na uthenga bwabwino. Tsono tikusewera neye kuti tikomedwese munthu soma Mulungu. Ngomweyo omwe ambayeza mitima yathu. ⁵ Nakuti mumdziwa kuti tilibe kubwera na mafala yakunyengeza, poti mukudziwa, na kupsinyira kusilira umboni_ bwa Mulungu. ⁶ Neye kunyang'ana ulemelero kuchoka kwa wanthu, aya kuchoka kwa imwe ayai winango. ⁷ Nakuti tinkanayo mphamvu ninga wakupfunzira wa Khilistu. Soma, tikhale ninga wakudelekha kuna imwepo ninga mayi wakuderekhesa mwana wache. ⁸ Mabukhu yinango yakalekale yadanembiwa telepayi soma tikhale ninga mwana kuna imwe ninga nthawe ndiyo mayi ambaderekhesa mwanache. Munjira yomweyi tikhana chifundo koma neye . Tikhadekedwa kugawana namwe nee kuti uthenga bwa Mulungu bokha soma napomwe miyoyo yathu. Thangwe mudasanduka wakukondedwa kuna ife. ⁹ Thangwe lache mukumbuke, adzinza, bvuto na chiphatiso chathu . Tidaphata basa usiku na masikati kuti nampodi tilemese m'bodzi wa imwe pomwe tikhalalika uthenga bwabwino bwa Mulungu kuna imwe. ¹⁰ Imwepo ndimwe mboni, napomwe Mulungu mkhuchena kwanyi, kulungamira na kusaya kuphonya kwa makhalidwe yathu kuna imwe wakukhulupilira. ¹¹ Munjira imweyi mukudziwa kuti tikhali wakutani kuna imwe, ninga baba na mwana wache, ¹² kukulangizani imwepo nakukudekhesani na kukukonzani kuti mufambe mwakulongosokera Mulungu, iye omwe akukuchemerani mu ufumu na ulemelero bwache . ¹³ Thangwe la bzimwebzi timbatenda Mulungu mwakukhazikika, kuti nthawe yomwe mwatambira uthenga bwa Mulungu bomwe mabva kuchokera kwa ife, mumbatambire neye mwakuti mafala ya munthu, soma kuti ngachadidi, mafala ya Mulungu, yomwe yakuphata pomwe basa kuna imwe wakukhulupilira. ¹⁴ Kuna imwe, adzinza, tikhale chilatizo cha mipingo wa Mulungu yomwe ili ku Yudeya mwa Khilistu Yesu. Nakuti tidabonera pomwe mu bzinthu ninga bzimwebzi kuchokera kwa wanthu wakudziko lanu, ninga bzomwe adachita kwa Ayuda ¹⁵ omwe adawapha wense wa Mbuya Yesu na aneneri ,na iwo omwe adatichosa kunja. Alibe kunkomedwesa Mulungu. M'malo mwache, akhali wakugazana na wanthu wense. ¹⁶ Adatilambiza ife kuti tisewere na wanthu wakusaya kupemphera kuti akapulumusiwe. M'malo mwache nthawe zense akhadzaza matchimo yawo. Soma kupsoma kukubwera kuna iwo kuchimaliziro kwache. ¹⁷ Soma ife, adzinza, tidagawanikana kuchokera kuna imwe kwa kanthawe pang'ono, muthupi nee mumtima. Tidayezera kazinji,naku funisisa kukulu, kuona nkhope zanu. ¹⁸ Tikhafuna kubwera pomwe kuna imwe_inde ine paulo, soma pomwe_ Satana akhatilambiza ifepano. ¹⁹ Nakuti chiyembekezero chathu, pinango kusekererera, pinango kolona wa kubzithusa kutsogolo kwa Mbuya Yesu pakubwera pache? Ndimwepo lini? ²⁰ Kuna imwe ni ulemelero na chimwemwe chathu.