¹ Kodi penu winango wa imwepo ana mulandu na mwanzache, kuyenda kukatongiwa kwa atazi akanati kuyenda kuna wachilingamo pinango kuna wanthu wakuchena moyo wa Mulungu? ² Pinango kodi mumdziwa lini kuti wanthu wakuchena moyo wa Mulungu anzatonga dziko lapansi? penu ninga dziko lapansi limdzatongiwa na imwe, muli wakutaza kutonnga tunkhani tung'ono tung'ono? ³ Kodi mumdziwa lini kuti mudzatonga angelo? Bzikulu tani, tsono, ife kutonga bzinthu bza moyo uno? ⁴ Peni pinango imwe munikonza ninga bzinthu bza moyo uno, thangwe lanyi imwe milandu yomweyi muntongesa iwo ninga omwe aniyezewa mbali mutchalitchi? ⁵ Nilewa bzimwebzi kukuchitisani imwepo manyazi. Kodi pakati panu palibe m'bodzi m'dziwi omwe angakwanise kutonga milandu pakati pa abale? ⁶ Soma m'bale anilewa milandu na abale _ nachibodzi bodzi wakusaya kukhulupira! ⁷ Soma pomwepo pana bzakusaya lamulo kuna imwe kuti munayo milandu winango namwayache. Thangwe lanyi mumbasankhula kubvuma kuipisiwa? Thangwe lanyi mumbasnkhula kubvuma kunamiziwa? ⁸ Soma imwepo mwekha mukuchita bza kuipa nakunyengeziwa, napo imwepo mukuchita bzimwebzi kuna abale wanu! ⁹ Kodi imwepo mum'dziwa lini kuti wakusaya kulungama amdzatambila lini ufumu bwa Mulungu? Nampodi kunamiziwa: Wakusaya kuchena, pinango wakupembedzela bzifani, pinango wachigololo, pinango mtofu nabzakuipa, pinango wakufambizana na amuna? ¹⁰ Pinango mbava, pinango wakuledzela, pinango wakusilira, pinango wakulewalewa, pinango wakutenga bza wenekechilo am'dzayenda lini ufumu bwa Mulungu. ¹¹ Winango wa imwe akhali telepoyo, soma mudasambikiwa, soma mudachenesewa, mwa dzina la Mbuya Yesu khristu na mwa mzimu wa Mulungu wathu. ¹² ''Bzinthu bzense mpsakubvumiziwa kuna ine,'' tsono ni bzense lini bzindi thandiza ine. ''Bzinthu bzense mpsakubvumiziwa kuna ine,'' tsono ine nimdzalamuliwa lini nacho chibodzi. ¹³ Bzakudya bzidakonzewera m'mimba, ndipo mimba zidakonzewera bzakudya.'' tsono Mulungu anzatonga bzensebzo. Thupi lilibe kukonzewera chigololo. M'malo mwache, thupi ni la Mbuya, ndipo Mbuya ni mwenekechilo wa thupi. ¹⁴ Mulungu mu bzense adamusa Mbuya terepo iye adzatimusa tense na mphamvu yache. ¹⁵ Kodi imwe mukudziwa lini kuti thupi lanu ni chiwalo cha Khilistu? tsono ine ninga tenge bziwalo bza Khilistu kubzisandusa ibzo bza chigololo? Bzinga kwanisike lini! ¹⁶ Kodi imwe mukudziwa lini kuti iye omwe ambafambizana na mkazi wa chigololo ali ninga thupi libodzi na iye? Ninga bzakunembera bzikulewa, ''Awiriwo adzakhala thupi libodzi.'' ¹⁷ Soma iye omwe aphathikana na Mbuya akhala mzimu ubodzi na iye. ¹⁸ Thawani chigololo! Bzakuyipa bzense bzomwe munthu ambachita bziri kunja kwa thupi, soma munthu wakuchita bzakuipa bza chigololo iye waphonyera thupi lache. ¹⁹ Pinango mumdziwalini kuti thupi lanuli ni kachisi wa Mzimu Wakuchena, omwe uli mwa imwepo, omwe muli naye kuna Mulungu? Apo mumbakhalalini mwa imwe mwekha? ²⁰ Nakuti mudaguliwa na muti wache wapatali. thangwe lache lemekezani Mulungu na thupi lanu na mu mzimu, omwe ukuimira mulungu.