¹ Ife tikubva kuti chadidi pakuchitika bza chigololo pakati pa imwepo, bza chigololo bzomwe bzimbabveka lini kuna anzinza wa mitundu inango: Munthu alinaye mkazi wa babache. ² Imwe mukubzikuza! kodi imwe munilira lini m'malo mwache, kuti iye omwe anichita achosiwe pakati panu? ³ Nakuti ngakhale kudzera kuna ine thupi langu kulibe, soma ine ndilipo mwa mzimu. Ine ndidakwanisa kale kutongiwa kuna m'bodzi omwe adachita bzobzi, ninga kuti ine ndikhanawo kumweko. ⁴ Panthawe yomwe imwe muniyikiwa mwa dzina la Mbuya wathu Yesu ine nidzakhala namwe mwa mzimu, na mphamvu ya Mbuya wathu Yesu idzagumanika, ⁵ achimu pereka munthu umweyu kuna Satana kuti thupi likadzogiwe, soma kuti mzimuwache ukapulumusiwe pa nsiku ya Mbuya. ⁶ Kubzikuza kwanu mkwabwino lini. Kodi imwe mukudziwa lini kuti chakufufumisa ching'onong'ono chimbafufumisa bzakudya bzense? ⁷ Bzitsukeni mwekha kuna chakufufumisa chakale kuti imwe mukakhale chakukonziwa chabwino, wakusaya kufufuma, ninga imwe mukhalili. Nakuti Khilistu, bila wa Pasika wathu, iye adaphewa. ⁸ Tsono lekeni ife tisekerere Pasika, neye kuti chaku fufumisa cha kale, chaku fufumisa chama khalidwe yakuipa na chakuchepa mphamvu. M'malo mwache, tilekeni ife tisekerere na mkate wakusaya chaku fufumisa wa kuchene mtima na chadidi. ⁹ Ine ndidanemba kuna imwe tsamba langu lire kuti nampodi kusanganikira nawo wanthu wa chigololo. ¹⁰ Neye njira zense zomwe ine ndikulewa za wanthu wa chigololo padziko lapansi, pinango kusirira, pinango mbava, pinango wa bzifanifani, tenepo mukakhale nabzo kutali imwe mukufunika kuti mufambe kunja kwa dziko lapansi. ¹¹ Soma tsapano ine ndikunemba kuna imwe kuti nampodi kusanga nikirana na aliyense omwe ani chemeriwa dzinza soma iye ambakhala na moyo wa chigololo, pinango wakusirira, pinango wa bzifanifani, pinango wakulewa lewa, pinango wakuledzera, pinango mbava. Nampodi kudya naye pabodzi bzakudya munthu umweyo. ¹² Nakuti ine nimkahala nawo tani ni nzeru zanyi zomwe ninga khale nazo wakunja kwa mpingo akawayeruza iwo? M'malo mwache, imwepo muniwa yeruza lini omwe ali mkati mwa mpingo? ¹³ Soma Mulungu aniwatonga iwo omwe alikunja. ''Chosaniwanthu wense wakuchita bzakuipa pakati panu.''