¹ Tenepayu ndibzo bzimfunika kuti munthu atiyeze ife, ninga anyabasa wa Khilistu na atongi wa bzinsinsi bza chadidi bza Mulungu. ² Tsapano chiyani chakufunikira atongi kuti iwo akhale wakukhulupirika. ³ Soma kuna ine nichinthu ching'ono kuti ine ndiyeruziwe na imwe pinango na mbuto iliyense ya nutongi. ⁴ Nakuti ine ninga bziyeruze lini ndekha. Ine ndikuchita lini mantha na chakutongiwa chilichense chomwe chingandi gaze ine, soma kuti nampodi kundiyeruza ine. M'bodzi omwe angandiyeruze ine ni Mbuya. ⁵ Thangwe lache lekani kuyeruza chinthu chili chense ikanati kufika nthawe, Mbuya akanati kubwera. Iye adzabweresa padecha bzinthu bza kubisika bza mum'dima na kuzimbula bzakutsimikiza bza mtima. Kinangoko munthu aliyense adzatambira pfupo yache kuchokera kuna Mulungu. ⁶ Tsapano, adzinza, ndabziyikhila bzaku phimbilidzira ndekha na Apolo thangwe la imwe, kuti kuchokera kuna ifepano muka pfunzire tanthauzo la kusewera, ''Nampodi kupitirira bzomwe bzida nembiwa.'' Ibzi bzili terepayu kuti palibe m'bodzi wa imwe waku bzikuzira mwanzache na winango. ⁷ Nakuti mbani ambaona kusiyana pakati pa imwe na winango? Chiyani chomwe munacho chomwe imwe mulibe kutambira? Penu imwe muda tambira, thangwe lanyi mukubzikuza ninga imwe mulibe kutambira? ⁸ Mwakhala nabzo kale bzense bzomwe mukufuna! Imwe mwakhala kale anyakudala! Imwe mwayamba kale kutonga__ife kulibe! Chadidi, ndikhakumbuka kuti munichita ufumu, kuti ifembo tichite namwe pabodzi. ⁹ Nakuti ndikukumbuka kuti Mulungu adatiika ife atumiki padecha ninga wakumalizira, ninga tinilewera ife na ninga wanthu wakuweruzira ku imfa.Takhala wakuonesewa kudziko lapansi__ kuna angelo, na kuna wanthu. ¹⁰ Ife ndife bzilema thangwe la khilistu, soma imwe ndimwe wanzeru kuna Khilistu. Ife ndife anyakusaya mphamvu, soma imwe ndimwe anyamphamvu. Imwe ndimwe wakulemekezeka, soma ife ndife wakunyozeka. ¹¹ Kufika nthawi ino tikubva njala na nyota, ife ndife wakusaya bzakubvala, tamenyiwa, ndipo tilibe pakukhala. ¹² Tiphata basa kwenekwene, kuphata basa na manja yathu. Panthawe ndiyo adatizuna, ife tidawa dalisa. Panthawe ndiyo tinilala tilidwa, timbalisiwa. ¹³ Panthawe ndiyo timbabonelesiwa, ife timbasewera mwa kukoma mtima. Tasanduka ninga wakunyansa wa dziko lapansi na tsuzu la bzinthu bzense, kuchokerapamwepo na pano. ¹⁴ Ndilibe kunemba bzinthu ibzi kuti ndikuchitiseni manyazi imwepo, soma kukuchenjezani ninga wana wangu wakukondeka. ¹⁵ Nakuti penu munawo apfunzisi bzulu khumi kuna Khilistu, mulibe azi baba azinji. Nakuti ine ndidakhala babanu kuna Khilistu Yesu kudzera mu mafala yabwino. ¹⁶ Tsono nimkukumbirani kuti mukhale wakutewezera wa inepano. ¹⁷ Thangwe lache ndakutumizirani Timoteyo, mwanangu wakukondeka na wakukhulupilika kuna Mbuya. Iye adzakukumbusani imwepo njira zangu mwa Khilistu, ninga ndidawapfunzira iwo kulikwenseko na tchalitchi iliyense. ¹⁸ Tsapano winango wa imwepo mwayamba kubzikuza, kuchita ninga ndikhalibe kubwera kuna imwepo. ¹⁹ Soma nidzabwera kuna imwe tsapanopa, Mbuya angafuna. Ndipo ine nidza zindikira lini mafala ya wale wakubzithusa, soma nidzaona mphamvu zawo. ²⁰ Nakuti ufumu bwa Mulungu buli lini mu mafala soma mu mphamvu. ²¹ Mchani munifuna kodi? kodi ndibwere kuna imwe na mpsimbo pinango mwachikondi na nzimu wakudelekha?