¹ Tsono ine, adzinza, ninisewera lini na imwepo ninga wanthu wa mzimu, soma m'malo mwache ninga wanthu kuthupi, ninga wana ang'ono mwa Khilistu. ² Ine nimbaku mamisani mkaka, neye bzakudya bzakuuma, mukhali lini waku konzeka pa bzimwebzi; neye pakali pano imwepo mukanati kukonzeka. ³ Nakuti pamene mukhali waku thupi. Nakuti pamene pakhana nsanje nakuipidwa pakati panu,Kodi mukukhala lini na moyo kutengera kuthupi, napo imwe mukufamba lini mwa makhalidwe ya wanthu? ⁴ Nakuti pamene winango anilewa kuti, ''Ine ndikutewera Paulo,'' winango anilewa kuti, ''Ine ndikutewera Apolo,'' kodi imwe ndimwe lini wanthu? ⁵ Tsono Apolo mbani? Paulo ni mbani? Nyabasa kudzera kuna imwe omwe mumbamu khulupira, ninga momwe Mbuya adaperekera kuna aliyense. ⁶ Ine ni bzala napo Apolo adzathilizira madzi soma Mulungu adzabzi kulisa. ⁷ Tsono, kulibe chinthu kuna nyakubzala pinango nyakuthilizira madzi. Soma ni Mulungu omweambpereka na kukuza. ⁸ Tsapano iye omwe adabzala na iye omwe adathilizira madzki niabodz, aliyense adzatambira malipiro yache nakutengera basa lomwe adaphata. ⁹ Nakuti ife ndife anyabasa wa Mulungu. Imwe ndimwe munda wa Mulungu, chakumangiwa cha Mulungu. ¹⁰ Ninga mwa chisomo cha Mulungu chomwe chidapasiwa kuna ine mwenekechiro nyakumanga wa luso, ine ndidayikha maziko ndipo winango akumanga pamwepo. Soma lekani munthu aliyense akhale wakusama na momwe iye akumangira pamwepa. ¹¹ Nakuti palibe munthu aliyense omwe adayika maziko yinango kuposa m'bodzi omwe adayikayo, umweyo ni, Yesu Khilistu. ¹² Tsapano penu winango animanga pa maziko yamweya na golide, siliva, minyala yakuumira, miti, uswa, pinango bziputu, ¹³ basa lache lidza zimbuluwa, nakuti pa nsikuyo bzi dzazimbuliwa ibzi. Nakuti bzidza zimbuliwa na moto. Moto udzayeza chilichense ndicho munthu adachita. ¹⁴ Penu basa la munthu winango lidzasala, iye adzatambira pfupo; ¹⁵ soma penu basa lamunthu winango lidzapsa, iye adzabonera nakudzongeka, soma iye payekha adzapulumuka, ninga mwakuthawa kudzera pamoto. ¹⁶ Kodi imwe kudziwa lini kuti imwe ndimwe kachisi wa Mulungu napo kuti Mzimu wa Mulungu umbakhala mwa imwepo? ¹⁷ Penu winango anidzonga kachisi wa Mulungu, Mulungu adzamudzonga munthu umweyo. Nakuti kachisi wa Mulungu ngwakuchena, na imwembo ndimwe wakuchena. ¹⁸ Nampodi munthu aliyense abzinamize yakha. Penu winango wa imwepo ambakumbuka kuti iye ana nzeru pa dziko lino, mulekeni umweyo asanduke ''chilema'' kuti iye akhale nyanzeru. ¹⁹ Nakuti nzeru ya dziko lino njakupusa na nzeru ya Mulungu. Nakuti kwanembewa, ''Iye aniphata nzeru mwa kuchenjera kwache.'' ²⁰ Kinango, ''Mbuya ambadziwa kuti mathangwe ya nzeru ngakusaya basa.'' ²¹ Nakuti thangwe la bzimwebzi, lekani munthu aliyense abzitamandire kuna wanthu. Bzinthu bzense ni bzanu, ²² pinango Paulo, pinango Apolo, pinango Kefa, pinango dziko, pinango moyo, pinango imfa, pinango bzinthu bzakugumanika, pinango bzinthu ndibzo bzikubwera. Bzinthu bzense nibzanu, ²³ ndipo imwe ndimwe wa Khilistu, na Khilistu gwa Mulungu.