¹ Pomwe ndida bwera kuna imwe, adzinza,ndiribe kubwera nakuposa kwa mafala pinango na nzeru pomwe ndikha lalikira bzakubisika bza chadidi bza Mulungu. (Mabukhu inango yadanemba kuti, pomwe ndikha lalikila umboni bwa Mulungu.) ² Nakuti ndidakumbuka kutindikhale munthu wakusaya kudziwa chili chense panthawe yomwe ndikhanamwe pabodzi kupambiula Yesu Khilistu, na iye ndiye adamanikiwa. ³ Ine ndikhanamwe imwepo munthawe yakufooka na mantha na kunjenjemera kwenekwene. ⁴ Tsono mafala yangu nakulalioka kwangu kulibe kukhala mafala yakukopa mwa nzeru, soma yachikhala yachidziwiso cha Mzimu na cha mphamvu, ⁵ kuti chikhulupiro chanu chisakhale cha nzeru za umunthu, soma cha mphamvu ya Mulungu. ⁶ Tsono ife tinisewera nzeru kuna imwe wakukhuma, soma ni nzeru lini za dziko la pansi, pinango za anyakutonga wa nsiku zino, omwe mbaku mala kufa. ⁷ M'malo mwache, ife tinisewera nzeru za Mulungu zachadidi zomwe nizakubisika, nzeru zakubisika za zomwe Mulungu adaziyiki pakanati kukhala pansi pano ulemereeo bwathu. ⁸ Palibe m'bodzi wa anyakutonga wa dziko lino adzabvesesachimwechi, nakuti akadakhalak kuti adabvesesa chimwechi iwo akadamanika lini Mbuya wa ulemerero. ⁹ Soma ninga kudanembiwa, ''Palibe diso ndiroliniona, palibe khutu ndiro linibva, palibe mtima wa munthu omwe bzidapita bzomwe Mulungu adawakonzera iwo omwe ambawakonda iye''__ ¹⁰ Soma Mulungu adatizimbulira bzinthu bzobzi kuna ife kudzera mwa Mzimu. Nakuti Mzimu umbanyang'ana chili chense chakunja, bzinthu bza pansi bza Mulungu. ¹¹ Nakuti mbani adziwa bza kukumbuka bza munthu kupambula mzimu wamunthu omwe una iye? Tsono, palibe m'bodzi ndiye adziwa bzinthu bza pansi pa Mulungu kupambula mzimu. ¹² Soma tilibe kutambira mzimu wa dziko la pansi soma Mzimu omwe niwakuichokera kuna Mulungu,kuti ife tidziwe bzinthu bzakupasiwa bza fovolo na Mulungu kuna ife. ¹³ Tikusewera bza bzinthu bzimwebzi mu mafala neye kupfunzisiwa na nzeru za munthu soma Mzimu, kuzimbula bzinthu bza mzimu kuna wanthu wa mzimu. ¹⁴ Munthu wakusaya mzimu angatambire lini bzinthu bzakuchokera kuna mzimu wa Mulungu, nakuti iwo ambaoneka wakupusa kuna iye.Iye ambawa bvesesa lini iwo thangwe iwo ambayeziwa na zimu. ¹⁵ Munthu ndiye ana mzimu ambayeruza bzinthu bzense, soma iye ambayeruziwa lini na winango. ¹⁶ ''Nakuti mbani angadziwe bzakukumbuka bza Mbuya, kuti akamuyeluze iye?''Soma ife tina mtima wa Khiolistu.