Msolo 15
1
Tewerani chikondi na funisisa mphatso ya mzimu, makamaka kuti muka lewere.
2
Nakuti munthu ndiye ambasewera malilime ambasewera lini kuna wanthu soma kuna Mulungu. Nakuti palibe munthu ambamubva iye thangwe iye ambasewera bzinsinsi bza Mzimu.
3
Soma iye omwe ambalewera ambasewera kuna wanthu kuti amangirire iwo, na walimbikisa iwo, na kuwa komedwesa iwo.
4
Iye omwe ambasewera malilime ambabzi mangirira yekha, soma iye omwe ambalewera ambamangilira tchalitchi.
5
Tsapano ine ndikufuna imwe mwense musewere malilime. soma kwene kwene kuposa bzense, ine ndikufuna kuti muka lewere. Munthu omwe ambalewera nimkulu ambaposa wakusewera malilime (pokhapokha winango achimasulira kuti tchalitchi itambire bzaku mangiririka)
6
Soma tsapano, mdzinza, penu ine nibwera kuna iwe ndi kusewera malilime, nidza pindula chiyani kuna imwe? Palibe ndicho ninga pindule, pokhapokha ine ndisewere mwa bvumbuluso, pinango mwa chidziwiso, pinango mwakulewera, pinango mwachipfunziso.
7
Nanjira yokha yokhayo, pamene bzinthu bzakusa moyo bzimba chosa mafala__ ninga chitiliro, pinango sansi__ penu bzini chosa lini malilidwe yakusiyana, bzidza dziwika tani kuti chikuliziwa ni chitolliro pinango sansi?
8
Nakuti penu ni lupenga lini liziwa na malilidwe yinango, munthu aliyense adzadziwa tani kuti nthawe ya nkhondo ya kwana achikonzeka?
9
Bzili chibodzibodzi na imwe omwe muna malilime. Penu imwe munisewera bzakusaya kubveka bwino, bzomwe bziku seweredwabzo bzidzabveka tani? Imwe mukusewera bzidzakhala dzakuyenda na mpepo.
10
Bzilipo bzakusewera bzamitundu mizinji pa dziko lapansi, napo palibe chinthu chakusaya thandauzo.
11
Soma penu ninidziwa lini thandauzo la chiseweredwe, nidzakhala mulendo kuna nyakusewerayo, nanyakusewera adzalhala mulendo kuna ine.
12
Bzili terepoyo na imwepo. Kuchokera pamene imwe mudalonjeza bza Mzimu, nyang'anani kuti muwandise kumangililika kwa tchalitchi.
13
Thangwe lache wakusewera malilime apemphere kuti amasulire.
14
Nakuti penu ine ninipemphera na malilime, mzimu wangu unipemphera nachidziwiso, soma chidziwiso changu chinikhala lini wa kubala chinthu.
15
ndichite chiyani tsono? Nidzapemphera na mzimu wangu, soma nidzapemphera pomwe na mzimu wangu. Nidzaimba na mzimu wangu, nidzaimba pomwe na mtima wangu.
16
Nithangwe lache penu nimdalisa Mulungu na mzimu, anyakunja adzalewa tani ''Ameni'' pamene imwe mukupereka kutenda penu iye adziwalini kuti imwe mukusewera?
17
Nakuti iwe uniyang'ana bwino, soma wanthu winango animangililikalini.
18
Nimbapereka kutenda kuna Mulungu kuti ine nimbasewera malilime kuposa imwe mwense.
19
Soma mu tchalitchi ndikufuna kusewera mafala machanu na kudziwa kwangu kuti ine ndikalangize winango, kinangoka bzulu khumi bza mafala pamalilime.
20
Adzinza, nampodi kukumbuka ninga wana. Pinango, kunyang'anira bzakuipa, khalani ninga tuwana. Soma mukumbuke ninga wakukhuma.
21
Ninga bzidanembiwa mwa malamulo, ''Na wanthu wamalilime wakugopsa na milomo ya kugopsa nidzasewera nawo wanthu omwewa. Ngakhale iwo adzandibveralini ine,'' walewa Mbuya.
22
Telepo, malilime yambakhala nachizindikiro, neye kwa iwo anyakukhulupilira, soma kuna wakusaya kukhulupilira. Soma kulewera, kuna chizindikiro, neye kuna anyakusaya kukhulupilira, soma kuna anyakukhulupilira.
23
Penu, mtelepo, matchalitchi yense yadzabwera pabodzi napo wense achisewera malilime ndipo anyakunja na anyakusaya kukhulupilira amdzabwera, iwo adzalewalini kuti imwe mwayaluka?
24
Soma penu wense anilewera na anyakusaya kukhulupilira na anyakunja anibwera, iye adzagaziwa na wense wakubva. Iye adzaweruziwa na wense wakulewa.
25
Bzakubisika bzamoyo wache bzidzazimbuliwa. Nakutelepo, iye adzagwa pakhope pache achipemphedza Mulungu. Iye adzadziwa kuti Mulungu mgwachadidi pakati pa panu.
26
Chinango chasala nchiyani, adzinza? pa nthawi yomwe mwabwera pabodzi, aliyense analo salimo , alinalo pfunziro , alinalo fumbuluso , alinalo lilime, alinacho chimasuliro. chitani bzilibzense kuti mukamange mpingo.
27
Penu winango anisewera malilime, lekani iwo akhale awiri pinango atatu, pomwe winango anibwerera, winango animasulira bzomwe iye anisewera.
28
Soma penu palibe nyakumasulira, lekani wense akhale chete mu tchalitchimo. Lekani bodzi asewere yekha na mulungu wache.
29
Lekani awiri pinango atatu alewere na kusewera, na winango abvesere na kuzindikira bzomwe bzikuseweledwa.
30
Soma penu pana mavumbuluso kuna bodzi omwe adakhala, lekani nyakutoma akhale chete.
31
Nakuti aliyense wa imwe angalewere bodzi na bodzi kuti aliyense apfunzire nakuti wense achosiwe.
32
Nakuti mzimu wakulewera nichipfunziso kuna wakulewera.
33
Nakuti Mulungu ni Mulungu lini wakuphonyesa, soma Mulungu wamtendere. Iye ninyakutonga watchalitchi yense ya wanthu wakuchena wa Mulungu.
34
Akazi akhale chete tchalitchi. Nakuti iwo mbakubvumiziwalini kusewera. Mmalo mwache, akhale wakubvera, ninga na malamulo yakulewera.
35
Penu pana chilichense chomwe iwo angafune kupfunza, alekeni iwo apfunze kuna ambayo. Nakuti
nicha kunyazisa kuna mkazi kusewera mtchalitchi.
36
Chitani mafala ya Mulungu. Kodi mafala ya Mulungu yanbachokera kuna imwe? Kodi ndimwe abodzi omwe mudafika?
37
Penu winango anikumbuka iye yekha kuti ni mneneri pinango ni wauzimu, iye abzidziwe kuti bzinthu bzomwe ndabzinemba kuna imwe nimalamulo yakuchoka kuna Mbuya.
38
Soma penu winango akhali wakusaya kudziwa, mulekeni akhale nyakusaya kudziwa
39
Thangwe lache, adzinza, funisisani kulewera, ndpo nampodi kuletsa aliyense omwe akufuna kusewera malilime.
40
Soma lekani bzinthu bzense bzichitike mwadidi na mwakulongosoka.