¹ Napo kuti nimsewela malirime ya wanthu na ya angelo.Soma ndilibe chikondi, ndili ninga chinganga chabaludya telepo pinango chitsulo chakutondokulira. ² Ngati ndina mphatso ya uneneri nkumbazindikila bzinsinsi na kumbadziwa bzense, ndipo ngati ndina chikhulupilo kuchosa mapili. Soma wakusaya chikondi ine ndine lini chinthu. ³ Ngati nimpeleka bzangu bzense kuna wa kusauka, na kupeleka thupi langu alitenthe. Soma penu ndilibe chikondi ine niphindulalini chinthu. (Mubzakuneba bza kale bza Chiherene na bza kutsudzulira bzimbati nimpeleka thupi langu kuti litenthewe. Mubzakuneba bzakuchepa bza Agiliki na bza kutsudzulira, bzimbalewa " nimpeleka thupi langu pala ndikule ). ⁴ Chikondi nchakuleza na chakukoma moyo. Chikondi chilibe nsanje nakuti chimbabzikuza lini.Chimbabzitamandira lini ⁵ pinango chilibe mwano. Chimbabzikonda lini. Chimbakalipalini kamangu, chimbakoya lini mangawa. ⁶ Chimbakomedwa lini na bzakuipa. Mmalo mwache, chimbakomedwa na bza chadidi. ⁷ Chikondi chimbafuchila bzinthu bzense, Chimbatchinjiliza nthawe zense, chimbakhala na chidikizo nthawe zense, chimbapilira nthawe zense. ⁸ Chikondi chimbamala lini. Soma ngati pana mphatso ya mauneneri, imdzamala. Pomwe pana bzakusewera malirime, bzimdzamala. Pomwe pana chidziwiso, chimdzamala. ⁹ Poti timbadziwa pangono telepo na kulewera pangono telepo. ¹⁰ Soma chipulumira chikadzabwera, chakusaya kukwanacho chimdzachoka. ¹¹ Pomwe ndikhali mwana, ndikhasewera ninga mwana, ndikhakumbuka ninga mwana, ndikhalingirira ninga mwana, pomwe ndidakula, bzinthu bzense bzachimwana ndidabzileka. ¹² Nakuti tsapano tikuona bzinthu mwakusaya kuoneka bwino ninga m`galasi lakunyang`anira, soma kenangoka tidzabziona maso na maso. Soma tsapano nidziwa mwakusaya kukwana, soma pano nidzadziwa mwakukwana ninga momwe ndidadziwikira. ¹³ Soma tsapano bzasala nibzitatu: chikhulupiliro, chidikizo, na chikondi. Soma chikulu cha bzinsebzi ni chikondi.