¹ Soma bza mphatso ya uzimu, adzinza, nifunalini kuti mukhale neye kudziwa. ² Imwe mukudziwa pomwe mukhali wakunja, mukhali wakutengeka njira zakulekana lekana na kugonyosiwa na bzifani bzomwe bzimba sewera lini, mwanjira yinango imwe mukha lamuliwa nayo . ³ Telepo ine ndikufuna mudziwe kuti palibe munthu omwe angasewere na Mzimu wa Mulungu omwe ungalewe, ''Yesu atembereredwe.'' Apo palibe nyakusewera kuti, ''Yesu ni Mbuya,'' kupambula na mzimu wakuchena. ⁴ Pana mphatso zakulekanalekana, soma mzimu omweyo. ⁵ Pana mautumiki yakulekana lekana, soma Mbuya omweyo; ⁶ pana maphatiwe ya basa wakulekana lekana, soma Mulungu omweyo amphata basa mwensenemo mwa wanthu wense. ⁷ Tsopano mzimu adapasa mphatso kuna aliyense kuti ikapindulire wense. ⁸ Nakuti aliyense adapasiwa mzimu wa kusewera mwa nzeru, kuna winango kusewera kwa chidziwitso mwa mzimu ubodzi omweyo. ⁹ Kuna winango adapasiwa chikhulupiliro mwa mzimu womweyo, kuna winango mphatso yakuchiza na mzimu omweyo. ¹⁰ Kuna winango mphamvu zakuchita bzakudavwisa, kuna winango kunenera. Kuna winanango luntha lakukwanisa kusiyanisa mizimu, kuna winango luntha lakusewera bzinenero bzakulekanalekana, napo pomwe kuna winango kumasuliramalilime. ¹¹ Bzensebzi ni basa la mzimu m'bodzi omweyo, ndipo ambapasa mphatso kuna munthu aliyense, ninga momwe mzimuyo wafunira. ¹² Nakuti thupi ni libodzi lakonziwa na bziwalo bzizinji napo bziwalo bzache bzense bzizinji zakukonza thupi libodzi, telepo pomwe na momwe alili Khilistu. ¹³ Nakuti tense tidabatiziwa na Mzimu ubodzi mu thupi libodzi, penu mu Yuda, pinango mu Hereni, pinangi ni nyabasa pinango mfulu, kuti tense takonziwa timwe mzimu ubodzi omwewo. ¹⁴ Tsapano thupi lilibe kukonziwa na chiwalo chibodzi, soma na bziwalo bzizinji. ¹⁵ Penu nzayo lichilewa kuti, ''Thangwe ine ndinelini boko, ndili lini mu thupi,'' bzinga kwanisike lini na thangwe limweli kuti lileke kukhala chiwalo cha thupi, ¹⁶ Penu khutu lichilewa, ''Thangwe ine ndinelini diso, ndili lini mu thupi,'' bzinga kwanisike lini na thangwe limweli kuti lileke kukhala chiwalo cha thupi. ¹⁷ Penu thupi lense likadakhala diso, tsono tikadambabvera chiyani? tsono penu thupi lense likadakhala khutu, tsono tikadambanunkhiza na chiyani? ¹⁸ Soma Mulungu adaika bziwalo mthupi, chilichense cha ibzo, ninga momwe iye adafunira kuti bzikhale. ¹⁹ Penu bzense bzikadakhala chiwalo chibodzi, apo thupi likadakhala kuponi? ²⁰ Tsapano pana bziwalo bzizinji, soma thupi libodzi. ²¹ Diso lingauzelini boko, kuti ''Ndinkufunalini iwe.'' Apo msolo ungauzelini nzayo kuti, ''Ndinkufuna lini iwe.'' ²² Mwalo mwache bziwalo bzathupi bzomwe bzimbaoneka ninga bzakufooka ndibzo bzili bzakufunika, na ²³ bziwalo bzomwe timbziyesa bzakuchepa ulemu, ndibzo timbzi lemekeza, mwapambali ndipo bziwalo bzakusaya kuwoneka mwadidi ndibzo bzimbatambira ulemu. ²⁴ Tsono pomwe bziwalo bzathu bzakufunika bziniyenera chisamaliro chapambali. Pinango, Mulungu walumikidza bziwalo bza thupi, wapereka ulemu bwakuposa kuna bziwalo bzomwe bzikhausaya. ²⁵ Iye adachita bzobzi kuti pasaye kukhala kugawanikana mu thupi, soma kuti bziwalo bzache bzimbadalilane chinango na chinzache. ²⁶ Penu chiwalo chibodzi chikubonera, bziwalo bzinango bzense bzibonele nacho pabodzi, penu chiwalo chinango chatambira ulemu, bziwalo bzense bzinkomedwa nabzo pabodzi. ²⁷ Tsapano imwe ndimwe thupi la khilistu apo aliyense mwa imwe ni chiwalo pathupilo. ²⁸ Nakuti Mulungu chakutoma mu mpingo adaika atumiki, kachiwiri aneneri, kachitatu ampfunzisi, kinangoka wakuchita bzakudabwisa, kinangoko wamphatso ya kuchiza, na iwo waku pereka chithandizo, na iwo pomwe wa mphatso yakulongosola basa, na pakumaliza awo wakusewela malilime. ²⁹ Kodi wensewa ni atumwi? Kodi wensewa ni aneneri?Kodi wensenewa ni apfunzisi? Kodi wensewa ambachita bzakudabwisa? ³⁰ Kodi wensewa ana mphatso ya machiziro? kodi wensewa ambasewera malilime? Kodi wensewa ambatsudzulira malilime? ³¹ Soma funisisani mphatso yakupitisira patsogolo. Apo tsapano ninkuonesani njira yachadidi kwakunyanya.