¹ Khalani waku nditewezera ine, ninga ine nimba tewezera Khilistu. ² Tsapano ndikukutdani imwe thangwe imwe mumbandi kumbukaine pa chili chense. Ndikuku tendani pomwe thanwe la kukoya bwino bzipfunziso ninga ndida kuuzirani imwe. ³ Tsapano nikufuna imwe mudziwe kuti Khilistu ndiye msolo wanthu aliyense, nakuti mamuna ndiye msolowamkazi nakuti Mulungu ndiye msolo wa Khilistu. ⁴ Mamuna aliyense waku pemphera pinango kunenera atabisa msolo wache wanyoza msolo wache. ⁵ Tsono mkazi aliyense ani pemphera pinango kunenera wakusaya kubisa msolo wache iye wanyoza msolo wache. Nakuti ibzi bzili chibodzibodzi na kumetewa mu msolo mwache. ⁶ Nakuti penu mkazi anibisa lini msolo wache, iye amete tsisi lache. Penu nicha manyazi kuti mkazi kumeta mpala pinango kuyepula tsisi mu msolo mwache, mulekeni abise msolo wache. ⁷ Nakuti bzikufunika lini mamuna kuti abise msolo wache, poti iye ni chifaniziro cha ulemerero bwa Mulungu. Soma mkazi ni ulemerero bwa mamuna. ⁸ Nakuti mamuna alibe kukonziwa kuchoka kuna mkazi. M'malo mwache, mkazi adakonziwa kuchoka kuna mamuna. ⁹ Nakuti pinango mamuna alibe kukonzeriwa mkazi. M'malo mwache, mkazi adakonzeriwa mwamuna. ¹⁰ Ili ni thangwe lache mkazi alibe chizindikiro cha utongi pa msolo wache, thangwe la angero. ^{11 12} Mwaku terepoyo, mwa Mbuya, mkazi nampodi akhale wakusaya mamuna, pinango mamuna nampodi akhale wakusaya mkazi. Nakuti mkazi adachokera kuna mamuna, terepo mamuna adachokera kuna mkazi. Ndipo bzinthu bzense bzikuchokera kuna Mulungu ¹³ Bziyeruzeni mwekha:Kodi dzachadidi kuna mkazi kuti apemphere kuna Mulungu wakusaya kubisa msolo wache? ¹⁴ Kodi nichikhalidwe lini pachokha kupfunzisa imwe kuti penu mamuna anatsisi litali, bzakuchitisa manyazi kuna iye? ¹⁵ Kodi ni chikhalidwe kukupfunzisani kuti mkazi asunge tsisi litali, ubu ni ulemerero bwache? Nakuti tsisilawo adapasiwa kuti abisire msolo wao. ¹⁶ Soma penu winango akufuna kugaza bzobzi, ife tilibe bzakuchita bzinango, pinango mpingo wa Mulungu ulibe bzakuchita. ¹⁷ Tsono ndikufuna ndikuzeni malangizo aya,ndikufuna lini kukutendani imwe. Nakuti pomwe imwe muda bwera pabodzi, mumumbachita lini bza bwino soma bzakuipa. ¹⁸ Chakutoma, ndikubva kuti mukagumana ninga mpingo, pakumbakhala kugawana pakuti panu, nimkhulupira bzachadidi. ¹⁹ Nakuti pakumba khala pomwe bzakuchitika pakati panu, kuti omwe mbaku tawilizika aonesesiwe pakati pa imwe. ²⁰ Nakuti pmwe munigumana pabodzi, mumbadya lini bzakudya bza Mphamvu ya Mbuya. ²¹ Pamene muli kudya, aliyense ambadye bzakudya bzache akanati kukhala na bzakudya bza mwanzache. Winango ambakhala na njala, pomwe winango ambakhala aledzera. ²² Kodi imwe mulibe nyumba yakudyera na ku yaku mwera? Kodi imwe mukupepusa mpingo wa Mulungu na kuchitisa manyazi omwe alibe chilichense? Kodi ndingalewe chiyani kuna imwe? Kodi ine ndikutendeni imwepo? Ine nidzakutendani lini imwepo thangwe la bzobzi! ²³ Nakuti ine ndida tambira kuchokera kuna Mbuya chomwe ine nichipereka kuna imwe,chinichokera kuna Mbuya Yesu, usiku bule pomwe adaperekewa, adatenga mkate. ²⁴ Pomwe adamaliza kutenda, iye adabedula achilewa, ''Ili ni thupi langu, lomwe lili kuna imwe, mumba chite bzobzi kuti mumbandi kumbukire ine..'' ²⁵ Adachita chibodzibodzi iye atamala kudya adatenga mkombo, achilewa, ''Mkombo umweyu nipangano langu la mulopa wangu. Mumbachite bzobzi pamene imwe mukumwa, kuti mumbandi kumbukire ine.'' ²⁶ Nakuti nthawe zense pamene mukudya mkate na mkombo umweyu, imwepo muni lalikira imfa ya Mbuya ateye iye adzabwere. ²⁷ Thangwe lache, aliyense, wakudya mkate na kumwa mkombo wa Mbuya minjira yakusaya kutawizika adzakhala wakuphonyera thupi na mulopa wa Mbuya. ²⁸ Lekani munthu abziyeze yekha chakutoma, nanjira imweyi mulekeni iye adye mkate na kumwa bzamu mkombo. ²⁹ Nakuti iye omwe anidya na kumwa mwakusaya kudziwa thupi la mbuya wadya na kumwa chiweruzo chache. ³⁰ Nithange lache pakati panu azinji ambafooka na kuduwala, nawinango waimwe ambagona tulo. ³¹ Soma penu tibzi yezeza tekha, tiniyeruziwa lini. ³² Soma pamene ife tiniyeruziwa na Mbuya, ndiye kuti akutikonza chikhalidwe chathu, kuti ife tisaye kugaziwa na dziko la pansi. ³³ Thangwe lache, adzinza wangu, pamene mukugumana pabodzi kuti mudye, mudikirane winango na mwanzache. ³⁴ Penu winango ana njala, mulekeni iye adye pamuyi, kuti pamene mukugumana pabobzi nampodi kuti afike paku yeruziwa. Tsono bza bzinthu bzinango bzomwe muda nemba, ine nidzakupasani malangizo panthawe yomwe nidza bwera.