¹ Nakuti ine ndikufuna lini kuti imwe mukhale wakusaya kudziwa, adzinza, makolo yathu yakhali pansi pa mtambo adayambuka wense pa nyanza. ² Iwo wense adabatiziwa mwa Mose mu mtambo namu nyanza, ³ iwo wense adadya chakudya chibodzi cha uzimu. ⁴ Wense adamwa na mzimu ubodzi. Nakuti iwo adamwa kuchokera ku thanthwe la mzimu lomwe adafamba nalo. ndipo thanthwe limwe ilkhali Khilistsu. ⁵ Soma Mulungu alibe kudekedwa nawo, nakuterepo azinji wa iwo adasochera chipululu. ⁶ Tsono bzinthu iabzi bzidachitika ninga chakuyezezera na ife, kuti ife nampodi tiyike mitima yathu ku bzinthu bzakuipa ninga iwo adachitira. ⁷ Nampodi kupembeda bzifani fani, ninga adachitira winango wa iwo. ibzi bzili ninga bzida nembiwa, ''Wanthu adakhala pansi chidya na kumwa, adamuka achisenzeka.'' ⁸ Ife nampodi kuti tichite chigololo, ninga azinji wa iwo adachitira. Pa nsiku ibodzi, wanthu bzulu makumi mawiri na matatu adafa thangwe labzobzi. ⁹ Nampodi kumuyeza Khilistu, ninga azinjiwo adachitira kumuyeza iye ndipo iwo adadzongeka na nyoka. ¹⁰ Nakuti nampodi kumba dandaula, ninga azinji wa iwo adadzongeka na angero wa kupha. ¹¹ Tsapano bzinthu bzobzi bzidachitika kuna iwo ninga chaku yezezerakuna ife. Iwo adanemba ninga chenjezo__ kuna ifepano kukwanilisiwa kwa nthawe kwafika. ¹² Telepo pala mukukumbumbuka kuti muli chiimire samalani kuti mungagwe. ¹³ Palibe mayezero yomwe mwagumana nayo yakugopsa yomwe wanthu winango wense adagumana nayo. M'malo mwache Mulungu ngwakukhulupilika. Adzabvumalini kuti imwe muyeziwe mpakana muyezo omwe mungakwanise kupilira. Soma pomwe mudzayeziwa, iye adzakupasani njira yakuti mukwanise kupilira. ¹⁴ Thangwe lache, wakukondeka wangu thawani kuchoka kwa kunamatira bzamafano. ¹⁵ Ine ndili nkusewera kuna wanthu ndiwo ana nzeru, kuti mukwanise kuweruza mwekha bzomwe ndikulewabzi. ¹⁶ Chikho cha m'dalitso ndicho tinidalitsa, kodi nchakuphatanalini na mulopa wa Khilistu? Kodi mkate ndiwo timbanyema ngwakuphatanalini na thupi la Khilistu? ¹⁷ Thangwe pana mkate ubodzi, ife napo tilipo azinji soma ndife thupi libodzi. Nakuti tense pabodzi timbadya mkate ubodzi. ¹⁸ Nyang`anani Asrayeri ninga mwa thupi. Kodi ndiwolini akudya nsembezo alibe kuphatana na guwa la nsembe? <sup>19</sup> Kodi ndikulewa chiyani tsono? Kuti fano ni chinthu chilichense? Pinango kuti chakudya chakupekewa nsembe kuna fano nichilichense? <sup>20</sup> Soma ninilewa kuti bzomwe adzinza apeleka nsembe, ambabzipeleka kuna bziwanda neye kuna Mulungu. Ndipo nimbafunalini kuti imwepo mumbaphatane na bziwanda! <sup>21</sup> Mungamwelini chikho cha Mbuya nkukamwa pomwe chikho cha bziwanda. Mungadyelini pa meza ya Mbuya mkukadya pomwe pa meza ya bziwanda. <sup>22</sup> Pinango tikufuna kunyosa Mbuya kuti atichitire nsanje? Kodi ife tinamphamvu kuposa mmene iye alili? <sup>23</sup> ''Chilichense nchakubvumiwa," soma nichilichenselini chomwe china phindu. ''Chilichense nchakubvumiziwa," soma nchilichenselini chomwe chimbathandiza wanthu. <sup>24</sup> Palibe, munthu aliwenseyo asanyang`ane bzabwino bza iye yekha. M'malo mwache, munthu aliwense anyangàne bzabwino bza mwanzache. ²⁵ Dyani chilichense chakugulisiwa pa nsika wa nyama mwakusaya kubvunza na kukumbuka. ²⁶ Pakuti ''dziko la pansi nda Mbuya, ndipo lidadzala na bzobzo" ²⁷ Penu nyakusaya kukhulupilira wakuchemerani imwepo kuti mukadye chakudya, ndipo mukufuna kuyenda, kadyeni chilichense chomwe akukonzerani lekani kubvunza mibvunzo ya chikumbumtima. ²⁸ Soma winango akalewa kuna imwe kuti, ''ibzi bzaperekewa nsembe'' lekani kudya bzobzo, kuti muthandize omwe wakuuzani ule na chikumbumtima__ (Mabukhu inango yadathimizira kunemba kuti dziko lapansi na bzense bzili momo bza Mulungu. Soma mabukhu inango yakalekale yakhalibe ibzi. anyakupfunza azinji ambaona ninga ibzi bzakutengera ndime 26) ²⁹ ndikulewa, chikumbumtima cha winangoyo, osati cha imwepo. Thangwe lanyi ufulu bwangu bukuweruziwa na chikumbumtima cha munthu winango? ³⁰ Penu ine ninidya chakudyacho na chisomo, thangwe lanyi ine ningalewedwe bzakuipa pakuti ine ndapereka kutednda. ³¹ Thangwe, chilichense ndicho munidya pinango kumwa, pinango chilichensecho ndicho munichita, chitani na ulemelero bwa Mulungu. ³² Lekani kukhala wakuphonya kuna wanthu wense Ayuda na Ahelene, na ku tchalitchi ya Mulungu. ³³ Munjira ninga imweyi ine ndikuyezera kukomemedwaesa munthu aliwense mu bzinthu bzense. Ndikunyang'analini phindu langu, soma phindu la wanthu azinji. Ndikuchita ibzi kuti iwo akapulumusiwe.