¹ Kodi ndine lini waku tsudzuka?Kodi ndine lini mtumiki? Kodi ine ndikanati kuona Yesu Mbuya wathu? Kodi ndimwe lini anyabasa wangu mwa Mbuya? ² Penu ine ndine lini mtumiki kwa winango, tsono ndiri namwe imwe. Nakuti imwepo ndimwe chizindikiro cha utumiki bwangu mwa Mbuya. ³ Uku nikubzi teteza kwangu kuna omwe akufuna kundizenga milandu ine: ⁴ Kodi ifepano tiribe utongi bwa kudya pinango kumwa? ⁵ kodi ifepano tilibe utongi bwakutenga mkazi omwe niwaku khulupira,ninga akhachitira atumiki winango, na adzinza wa Mbuya, na kefa? ⁶ Pinango kodi ine ndekha na Baranaba tilibe utongi bwaku phata basa kuti tigumane thandizo? ⁷ Mbani msocha ambaphata basa kuti abzigumanire yekha bzakufunika? Mbani amba bzala munda wa bzipatso neye kudya bzipatso bzache? Mbani ambafuwa mabira neye kumwa mkaka kuna mabirayo? ⁸ Kodi ndiku lewa bzinthu bzobzi na ulamuliro bwaku thupi? Kodi malamulo yambalewa lini bzobzi nthawe zense? ⁹ Nakuti ibzi bzida nembiwa mu malamulo ya mose, ''Nampodi kumanga ng'ombe kukamwa pamene iyo ili kutapfuna bzakudya.'' Ibzi bzachadidi kuti Mulungu ambakumbukira ng'ombe? ¹⁰ Bzobzi Mulungu akulewera lini ife pano? Ibzi adabzi nembera ife pano, thangwe pomwe waku galauza ani galauza na chidikizo, na pomwe nyaku puntha ani puntha na chidikizo cha kudzagawana pa kukolola. ¹¹ Penu ife tini bzala bzinthu bza mzimu pakati panu, ibzi bzikhala bzakunesa kuna ife kuti tikolole bzinthu bzaku thupi kuna imwe. ¹² Penu winango ana ufulu bwakuthandiziwa na imwe, kodi ife tingakhalelini nabo ufulu buzinji? Soma ifepano tilibe kuphatisa basa ufulu bomwebu. M'malo mwache ife timba bvuma chinthu chili chense pinango pakusaya kufungira mafala ya bwino ya Khilistu. ¹³ Kodi mukudziwa lini kuti iwo omwe amba phata basa mkachisi ambadya bza momwemo? Kodi mumba dziwa lini kuti iwo omwe ali kukonza pa guwa la nsembe amba gawana nawo bzomwe bzimba perekewa pa guwapo? ¹⁴ Nanjira yomweyi, Mbuya adati lamula kuti iwo omwe ani lalikira mafala yabwino akhale na moyo kuchokera ku mafala yabwino. ¹⁵ Soma ine ndilibe kuphatisa ufulu bulibwense. Ndipo ndilibe kukunembelani ibzi kuti chinhtu chinango chikwanisike thanbwe la ine. Bzikhali bwino kuti inepano ndife kusiyana nakuti__ Winango ayese chinthu ndicho nimbabzitamandira nacho ninga chakusaya basa! ¹⁶ Nakuti penu ine ninilarika mafala yabwino, ndilibe thangwe la kubzitamandira, thangwe ine nin'kufunika kuchita bzobzi. Ndipo thembelero likhale kuna ine penu ninilalika lini mafala yabwino! ¹⁷ Pakuti penu ninchita ibzi mwakufuna kwangu, nidzatambira mphotho. Soma penu nimfunalini, ndikali nyauudindo ndiwo udapasiwa kuna ine. ¹⁸ Tsono mphotho yangu mchiyani? Kuti panthawe ndiyo nilalika, ndikupereka mafala yabwino mwafovolo nakuti nampodi ndiphatise basa ufulu bwangu mu mafala yabwinoya. ¹⁹ Napo ndine mfulu kuna wense, nimbabzi sandusa nyabasa wa aliyense momwe ninga kwanisire. ²⁰ Kuna Ayuda ndidakhala ninga Ayuda, kuti ndikopse Ayuda. Kuna wakumangika na utongi, nimbakhala ninga wakumangika nawo pabodzi ndida khala ninga wakumangika na utongi. Ine ndida chita bzobzi ngakhale ine ndekha ndine lini wakumangika na utngi. ²¹ Kuna anyakusaya utongi, ndidakhala ninga wakusaya utongi, ngakhale ine ndine lini wakutsudzuka ndekha kuna utongi bwa Mulungu, soma ndiri pansi pa utongi bwa Khilistu. Ndida chita bzobzi kuti ndikopse anyakusaya utongi. ²² Kuna anyakusaya mphamvu ndida khala ninga wakusaya mphamvu, kuti ndikakopse anyakusaya mphamvu. Ndida chita bzinthu bzili bzense kuna wanthu wense, kuti mwa njira iliyense ndikwanise kupulumusa wanthu winango. ²³ Ndidachita bzensebzi thangwe la mafala yadidi, kuti ine ndigawane nawo madalitsoyache. ²⁴ Kodi imwe mumba dziwa lini kuti pa mpikisano waku thamanga liwiro, soma m'bodzi yekha ndiye ambatambira pfupo? Tsono thamangani kuti mukatambire pfupo. ²⁵ Aliyense wakuchita nawo mpikisano ambakonzekera yekha bzakulimba pa bzinthu bzense. Iwo ambachita terepoyo kuti akatambire kolona omwe niwa kubvunda. Tsono ifepano timba chita bzobzi kuti tikatambire kolona wakusaya kumala. ²⁶ Thangwe lache ine nimba thamanga lini, ninga munthu wakusaya chakulinga; napo pomwe nimbachita mpikisano wakumenyana, nimbatondo lini kumenya papezi. ²⁷ Soma ine ndikupanikiza lini thupi langu naku liyika pa ukapolo. kuti pakumaliza kulalikira winango, kuti nampodi ndichosiwe neye kutambila pfupo.