¹ Tsapano ine ndikufuna kukonza kuti mudziwe imwe, adzinza, mafala yabwino yomwe ine ndikulalika kuna imwe, yomwe imwe mumbatambira napomwe imwe imwe muniyimira, ² na mwe imwe munga pulumusiwire, penu imwe muniphata bwino mafala yomwe ine nini lilikira kuna imwe, pokha pokha imwe muka khulupira bzobzi. ³ Nakuti chakutoma ine ndidapereka kuna imwe chakufunika chomwe ine ndida tambira, kuti Khilistu adafa thangwe la bzakuipa bzathu malingana na bzakunembera, ⁴ kuti iye adafuchiriwa, nakuti iye adamuka nsiku yachitatu malingana na bzakunumbera. ⁵ Khilistu adawoneka kuna Kefa, na kinangoko kuna khumi na awiri wale; ⁶ kinangoko iye adawoka kuna kuna azinji ninga adzinza madzana machanu paka bodzi. Azinji wa iwo akana moyo, soma winango adagona wakufa. ⁷ Kinangoko iye adawoneka kuna Yakobo, kinagoko kuna atumiki wense. ⁸ Pakumalizira pa bzense, iye adawoneka kuna ine, ninga mwana m'bodzi wakubadwa kumene. ⁹ Nakuti ine ndiri nawo pandandanda wa atumiki. Ine ndine lini wakudala pa kuchemeriwa thangwe ine ndidazunza tchalitchi ya Mulungu. ¹⁰ Soma na chisomo cha Mulungu ine ndiri ninga m'mene ndiririmu, na chisomo chomwe chili mwa ine chilibe kukhala chakusaya basa. M'mali mwache, ine ndidaphata basa kupitilira wense wa iwo. Pamwepo ndikhali lini ine, soma chisomo cha Mulungu ndicho chikhana ine. ¹¹ Terepo penu ndikhali ine pinango mbawewo, tsono ife tida lalikila na imwe muda khulupira. ¹² Tsapano peenu Khilistu akufalisiwa kuti adamuka kuna wakufa, winango wa imwe anilewa tani kuti kulibe kumuka kuna wakufa? ¹³ Soma penu penukumusiwa kuna wakufa, ndiye kuti ngakhale Khilistu alibe kumusiwa; ¹⁴ ndipo penu Khilistu alibe kumusiwa, ndiye kuti kulalika kwathu mkwakusaya basa, na chikhulupiro chathu chakusaya basa pomwe. ¹⁵ Ngakhale pomwe, ife tini woneka tikukhala mboni zakunama kuna Mulungu, thangwe ife tidachitira umboni kuti Mulungu adamukisa Khilistu kuna wakufa. Soma iye alibe kumukisa iye,penu bza chadidi wakufayo alibe lumusiwa. ¹⁶ Nakuti penu wakufa alibe kumusiwa, ndiye kuti powe Khilistu alibe kumusiwa; ¹⁷ penu Khilistu alibe kumusiwa, chikhulupiro chanu chakusaya basa na imwe mukali nayo machimo yanu. ¹⁸ Tsono wale omwe akugona mwa Khilistu ndiye kuti adzongiwa. ¹⁹ Penu moyo uno okha ife tikhulupira mwa Khilistu, pa wanthu wense ife anyakusauka. ²⁰ Soma tsapano Khilistu wakhala wakumusiwa kuna wakufa ninga bzipatso bzakutoma kuna omwe adagona. ²¹ Nakuti kuchokera pamene imfa idabwera na munthu, na munthu pomwe padabwera chimukiso cha wa kufa. ²² Nakuti ninga Adamu wense anifa, tsono pomwe na Khilistu wense adzakhala na moyo. ²³ Soma aliyense na dongosolo lache: Khilistu, omwe ni chipatso chakutoma, na wale omwe ali mwa Khilistu adzakhala na moyo pa kubwera kwache. ²⁴ Kinangoka kudzala chimaliziro, pamene iye adzapereka utongi bwache kuna Mulungu Baba, pamene iye adzafudza malamulo yense na ulamuliro bwense na mphamvu. ²⁵ Nakuti iye ngwakuthemera kuchita ufumu kufikira iye ayike adani wache wense pansi pa nzayo zache. ²⁶ Mdani wakumalizira adzamu dzongeka ku imfa. ²⁷ Nakuti ''iye wayika chilichense pansi pa nzayo zache.'' Soma pamene alewa ''iye wayika chilichense,'' bzakubveka kuti ibzi bzikuphata nidziwa lini na ule omwe ayika bzense pansi pa nzayo zache. ²⁸ Pamene bzinthu bzense bza gongesewa kuna iye, kinangoko Mwana iye yekha adzagongesewa pansi ule omwe aniyika bzinthu bzense mu chigonjeso chache iye, kuti Mulungu akhala mubzense kwa bzense. ²⁹ Pinango chiyani chomwe chidzachitika kuna wale omwe ali kubatiziwa thangwe la wakufa? Penu wakufa adzamusiwa lini kwense, thangwe lanyi iwo ali kubatiziwa? ³⁰ Nithangwe linyi tsono tili wa kugopesiwa nthawe zense? ³¹ Ine imbafa nthawe zense! uku mkuku tsimikizirani kubzi themba kwangu kuna imwe, komwe ine ndinako mwa Khilistu Yesu Mbuya wathu. ³² Ine nidzapindula chiyani, kuchoka kuna munthu wakusakhuliwa achiwonesiwa, penu ine ndida menyana na bzilombo ku Efenso, penu wakufa alibe kumusiwa? Tilekeni ife tidye na kumwa, nakuti mangwana ife tinifa.'' ³³ Lekani kuna miziwa: '''Magulu yakuipa yambawonesa makhalidwe yabwino.'' ³⁴ Mukani! Khalani wachilungamo! Nampodi kukhala wakuphonya. Nakuti winango wa imwe alibe nzeru za chidziwiso cha Mulungu. Ine nimbalewa ibzi na manyazi yanu. ³⁵ Soma winango adzalewa, ''Wakufa adzamusiwa tani, iwo adzabwera na thupi la ntunduwanyi?'' ³⁶ Iwe wakupusa! Bzomwe imwe muni bzala bzidzabwera lini na moyo pokhapokha bzikafa. ³⁷ chimene imwe unibzala nithupi lini lomwe lidzakhala, soma nimbewu. Angakhale tiligu pinango chinthu chili chense. ³⁸ Soma Mulungu adzatipasa thupi ninga iye akufuna, ndipo mbewu iliyense thupi lache. ³⁹ Nimathupi yense yali chibodzibodzi. M'malo mwache, pana thupi libodzi la munthu, na thupi linango bzinyama, na linango la mbalame, na t linango la nsomba ⁴⁰ Pana matupi pomwe yakudzaulu na matupi ya pansi pano. Soma ulemelero bwa thupi la wakudzaulu ni mtundu ubodzi ndipo na ulemwlero bwa pansi ni bwinango. ⁴¹ Pana ulemelero bubodzi bwa dzuwa, na ulemelero bwinango bwa mwezi, na ulemelero bwinango bwa nyenyezi. Nakuti nyenyezi ibodzi imbasiyana na nyenyezi zinango mu ulemelero. ⁴² Soma pana chimukiso cha wakufa. chomwe chabzaliwa na chidzongeko, ni chomwe chini muka na nachi kufudzika. ⁴³ Chomwe chini bzaliwa na nyozo, chini musiwa na ulemerero. Chomwe chini bzaliwa na kuchepa mphamvu, chini musiwa na mphamvu. ⁴⁴ Chini bzaliwa na thupi la chilengedwe; chini musiwa na thupi la mzimu. Penu pana thupi la chilengedwe, pana thupi la mzimu. ⁴⁵ Tsono bzidanembiwa pomwe, ''Munthu wakutoma Adamu adakhala na mzimu wa moyo.'' Adamu wakumalizira adakhala na moyo wakupereka mzimu. ⁴⁶ Soma mzimu ulibe kubwera pakutoma soma mzimu chilengedwe, napo kinangoka mzimu. ⁴⁷ Munhtu wa kutoma niwa dziko la pansi , wakukonziwa na mataka. Munthu wa chiwiri niwa kuchokera kudzaulu. ⁴⁸ Ninga m'bodzi wakukonziwa na mataka alili, tsono pomwe ni wale omwe adakonziwa na mataka, napo ninga munthu wa kudzaulu alili, tsono pomwe niwale omwe ali kudzaulu. ⁴⁹ Ninga ife takhala wakubaliwa na chifaniziro cha munthu wa mataka, ife tidzabvala pomwe na chithunzi cha munthu wa kudzaulu. ⁵⁰ Tsopano ine ndikulewa ibzi, adzinza, kuti yhupi na mulopa bzingapite lini mu ufumu bwa Mulungu. Pinango pense chakubvunda kupita mu chakusaya kubvunda. ⁵¹ Nyang'anani! Ine ndikukuuzani imwe bzakubisika: Ife tidza gona lini, soma ife tense tidza sinthiwa ⁵² Ife tidzasinthawa mkanthawe, mukuphethira kwa diso, pa chitoliro chakumaliza. Nakuti chidzalira chitolilo, apo wanthu wakufa adzamuka kuchidzongeko, apo ife tidzasinthiwa. ⁵³ Nakuti thupi lathu laku dzongekali likuthemera kuyikiwa chakusaya kudzongeka, na thupi lakufali lidzayikiwa chakusaya kufa ⁵⁴ Soma pomwe thupi la kudzongekali lidzayikiwa chakusaya kudzongeka, likudzongekali laikhiwa pa lakusaya kudzongeka, ndipo pomwe thupi ili lakufali liniyikhiwa kuna lakusaya kufa, popo panzachitika mafala ya kunembiwa, ''Imfa inikhudyuliwa na chigonjeso''. ⁵⁵ ''Imfa, chigonjeso chako chilikuponi imfa, uli nkukhala paponi''. ⁵⁶ Pakukhala pa imfa ni chakuphonya, ndipo mphamvu yachakuphonya ni lamulo. ⁵⁷ Soma kutenda kuyende kuna Mulungu, omwe ambatipasa ife chigonjeso kupitila mwa Mbuya wathu Yesu Khristu! ⁵⁸ Telepo, abale wangu wakukondewa, khalani wakukhazikika na wakusaya kufambafamba.Na wakuwonza mabasa ya Mbuya, thangwe mukudziwa kuti basa lanu kuna Mbuya lili lini lakusaya basa.