Chaputala 3
1
Pabumalilo,bakamu bangu, sekelagha mwa Malafyale.kwa une pakusimba amasyu agha ku umwe pate indamyo nayimo ku une, sona fikubabika umwe pabufwase.
2
Muchebe nabakabwa. Muchebe nabandu bakwichekanya imibili.
3
Pakuti utwe twebachekiwe-twe tukwiputa u Chala mwa mbepo, sona twetukumekela mwa Yesu Kilisitu, sona tute nulusubilo ku mubili.
4
Napapo, nun e panemwene indi nulusubilo nifyakumubili . Pala yumo akwinong`ona ukuti ali nulusubilo kufyakumubili, une indi nalo ulwakukililapo.
5
Ngachekiwa pisiku lya nambala eyiti, nabandu baku Isilayeli abaluko lwa Benjamini, sona umu Hebeli wa ba Hebeli; uwakukongesya ululaghilo lwa mu Falisayi.
6
Ukufwana pate nachimo ngachifwima ichipanga; isyene isyabwanaloli syo sili pasi syo ndakuyughiwa ububibi nabumo.
7
Loli ifindu fyo fikaba fyakumbindulila une fyinong`onile ukuti fite nimbombo chifukwa cha Yesu Kilisitu.
8
Pafundo iyenecho, pakabalilo aka ngutesya ukuti ifindu fyosi fila fite nimbombo nayimo chifukwa cha bwisa ngani ubwamahala agha Yesu Kilisitu u M alafyale wang. Yo pachifukwa chake nafileka fyosi, sona nafisenya ukuti fyosi fyabukonyofu-ukuti ngabe u Kilisitu u Malafyale wangu.
9
Sona naghiwe muyuyo, ndangisenya nemmwene ukuti newanaloli pakusikonga indaghilo, loli pakusubalila mubwanaloli bwakilisitu-ubwanaloli ubwakufuma kwa Chala bobo buli mulwitiko.
10
Pakabalilo aka ngulonda ukumanya u Kilisitu namaka ghagho ghakamunyamusya kubufwe nukubombela poka ukwakutamiwa kwake, ukwisa ngati weyuyo mubufwe bwake.
11
Nune bu indi nubwanaloli ukuti ngwisa pakusyuka kubufwe.
12
Ndakuyugha ukuti napota kale ifindu ifi, pamo newakufikapo kale loli ngwiyula ukuti nune ingabe syosikamupanga u Yesu Kilisitu ukti imbe newake.
13
Mwebakamu bane ndakwinong`ona ukuti ifikitepo, awe. Loli ichindu choka chongubomba: ngulufya ifyamunyuma nukutesya ifyamundasi.
14
Ngwiyula ukufika pamulyango ukuti mbokele ifyabupi ifyakufumila kumwanya kwa Chala ukwendela mwa Kilisitu Yesu.
15
Uswe tewbosi twetukulite mwa Mbepo sa twinong`one musila iyi; sona pala mukwinon`gona umwakupambana pafimo, u Chala takabafumbulile pabwelu.
16
Chochikulondiwa satupitillile ukwikala mundaghilo syo tusimenye kale.
17
Mwe bakamu bane, mendelele pakubomba fyongubomba. Sona mubatesye bosi bobakwenda chibe chifwanikisyo ukuti muli mu uswe.
18
Abingi bakwenda-bosi bobangababusya umwe namasosi-ngati balwani ba mbinjika ya Kilisitu.
19
Ubumalilo bwabo kokunanganika. Pakuti u Chala wabo lo lufukwe lwabo, sona ubukulu bwabo buli mu soni syabo. Bakwinong`ona fyo fya muchisu.
20
Loli akaya kitu kali kumwanya, kotukulindilila u Mupoki, u Malafyale Yesu Kilisitu.
21
Yo akwisa pakwandula imibili yitu imifwe nukuyipelela ukuti yibe ngati gho mubili wake uwa buchindamu, ghoghukapangiwa namaka ghake aghakupotela ifindu fyosi.