Chaputala 4
1
Po ulu bakamu bangu baghaniwa, ubuhoke bwangu nimpumphu yangu, imililagha nganga mwa Malafyale mwe baghaniwa.
2
Ngukusuma we Yudiyas nu Sinthike, ukuti bube ninyinong`ono syoka mwa Malafyale.
3
Ii, ngukusuma uwe, we munyitu umusubiliwa, abakolo aba bobakabomba nune poka pakufumusya amasyu amisa, poka nu Kelementi sona na banyitu, bo ingamu syabo sikalembiwa mubuku lya bumi.
4
Muhoboke mwa Malafyale akabalilo kosi. Ngupyanisya sona ukuti muhoboke!
5
Leka ubololo bwinyu bumanyikwe ku bandu bosi, u Malafyale ali papip.
6
Mutakapasye nichindu chimo. Mumalo mwake munyiputo syinu mumusume u Chala ifyakusobelwa fyinu numoyo wakupalisya.
7
Sona nu mutende uwa Chala, gho ghupotite akifwisisye kosi, ghukuya pakusunga akisa imyoyo yinu sona niyinong`ono syinu mwa kilisitu Yesu.
8
9
Pabumalilo, , bakamu, fyosi fyanaloli, fyosi ifyangalo, fyosi ifighaniwa, fyosi ifindu pakufifwa, pala palipo fimo ifisa, pamu ifyakupaliwa fimo, inong`onapo pa findu ifi. Ifindu fyo mwamanyila pamu mwafipokela pamu mwafifwa pamu mwafitesya mumwangu, bomba ifindu ifi, po umutende wa Chala ghukuya ukuba numwe.
10
Indi nulusekelo ngani mwa Malafyale chifukwa pabumalilo mwandite sona pakungumbuka,. Naloli mukaba mwebakungumbuka loli mutakaba nulusako ulwakunyafwa.
11
Ndakuyugha bubu pachifukwa ne mupina awe. Pakuti namanyila umwakwikutisiwa nifindu fifyo indi nafyo.
12
Imenye mo ungabeka mupina, namo ungabela mukabi. Musila yiliyosi namufindu fyosi namanyila ubufindang`oma ubwa kalyele pamu ukuba nisala , sona nukuba nayo ifingi pamu ifinandi.
13
Ningabomba ifindu fyosi ukwendela mumwake yo akungasya une.
14
Nangabuli, mukapanga akisa ukugabana nune mundamyo syangu.
15
Umwe mwa Filipi manya ukuti manya ukuti pa bwandilo bwa masyu, bongufuma ku Makedoniya pate i chalichi nachimo cho chikanyafwa une pafundo yakupeleka sona nukupokela ukupaghulako umwe mwebene.
16
Nabo indi mu Tesalonika mukandumilagha ubutuli pafyongatamiwa litakaba lyoka loli kingikingi.
17
Tekokuti ngulonda ifyabupi awe. Mumalo mwake ngulonda ulusayo lwisule mundamba syinyu.
18
Imbokelite fyosi ifyakukwanila sona nukupululila . Mbeghiwe akisa ulu mbokelite ukufuma kwa Epafoloditasi ifindu fyomukatuma fili numunusi_umwisa, ichabupi chochitikisiwe sona chimuhobosisye Chala.
19
U C hala wangu takabape fyosi fyo mukusobelwa ukufwana nubukabi bwake mubuchindamu mwa Kilisitu Yesu.
20
Ulu ubuchindamu bwa Chala u Tata bube mumamwake akabalilo kosi. A mene.
21
Ulamuke abandu bosi abasayiwa mwa Yesu KIlisitu. Abamanyani bangu bakubalamuka umwe.
22
Abandu bosi abasayiwa aba Chala bobali kuno bakubalamuka umwe, nganingani abamunyumba ya chimwene Sizala.
23
Ubwila ubwa malafyale u Yesu Kilisitu ghube nu muzimu winyu.