Chaputala 2
1
Pakuba lumo ulukasyo mwa Kilisitu, pala pali bumo ubufwase ukupeghiwa mulughano, linga pali ubupoka bwa mbepo, linga pali ichibabilisi sona nichisa.
2
Posipange inyinong`ono nulusekelo, ukuba nulughano lumulwene, mube nu moyo ghoka, sona nukwinong`ona kumukwene.
3
Patakabengepo ulukani nulwitufyo lwa bwalagani, mumalo ghake loli ulwiyisyo ukuti umundu wesi abinong`oneghe ababine ukuti balipo akisa ukumukinda umwene
4
.Sawesi mwa umwe atakinong`onelaghe loli nutwabanine.
5
Ba ninyinong`ono isi sisyo syali na mwa Kilisitu Yesu,
6
pakuba mukabele ka Kyala, atakinongo`nagha ukwifwanikisya nu Kyala ngati chimo ukuchisubila.
7
Loli akiyisya mwene nukwibika mutamiwe, sona akiyipa ukupapiwa cha mundu.Sona akibika ubundu.
8
Akiyisya mwene sona nukwitikisya ifwa ya pachipingika.
9
Po ulu wepe u Chala umwene sona nukumupa ingamu yapamwanya kungamu syosi.
10
Pakuti kungamu ya Yesu ichipefu chosi chifughamilaghe, kumwanya sona napasi sona nakusi kuchisu chapasi,
11
sona losi ululimi lubaghile lwitike ukuiti u Yesu Kilisitu we myupoki , ku mupando wa Kyala u Tata.
12
Po ulu, baghaniwa bangu, samo bwile mukwitikila noti pene po indi n umwe loli napo ndalipo, mwiyule ukupinduka pa mwebene nobogha sona nukusita ukupasya.
13
Pakuti weyo we kyala yoakubomba mumwinyu mwesi uko sona nuko ukubomba imbombo inyisa.
14
Bombagha kwambula ukwilamwa pamu ukwilumbusya.
15
Ukuti mungaba bakuyughiwa ububibi sona basita nongwa, bana ba Kyala basita bubibi mukabalilo akabibi aka sona mungulilo imbibi iyi, muyiyo tukwendamo muchisu .
16
Bomba namaka kwisyu lya bumi kokuti pisiku lyabumalilo ilya Kilisiti ngabe newakumekela.
17
Loli napapo ibanda lyangu likakupuliwa ukuba ngat chaupi sona nulwitiko lwinu.
18
Po apa nguhoboka nukusekela numwe mwesi .
19
Loli ngusubila mwa Malafyale Yesu umutuma u Timoti kukwinu losi ulu ukuti nun e ndimbikisiwe namanya ifyako.
20
Loli ndenawe yumo yo ali ngati weyuyo, yo akwinong`onela ubwanaloli.
21
Pakuti abingi bakwinong`ona syo syabo syene, kwambula ukwinong`ona isya Yesu Kilisitu.
22
Loli ummwe mukumanya ubwisa bwake, ngati mwana nu wise, yo akabomba nune pakufumusya amasyu amisa.
23
Po nasubila ukumutuma mwalubilolubilo samo ifindu fiku mwendela.
24
Loli indi nubwakaboni mwa Malafyale ukuti une ngwisa lulu.
25
Loli ngwinong`ona ukuti chikulondiwa ukutuma Epafoloditasi kukwinu sona. Wemunyitu sona tukubomba nawe sona musilikali munyitu,sona weyo indumi sona wambombo pafyo ngusobelwa.
26
Pakuti akusyukwa pakubatesya mwebosi, chifukwa chakuti mukapulika ukuti mubine.
27
Sona umwakusimikisya akaba mubine leka nukuti akaba papipi nikufwa.Loli ukyala akamufwila ichisa, tekokuti weyuyo mwene ,loli napapangu, ukuti manye imbe ni chitima pa chitima.
28
Ichi chochifukwa ngani pakumutuma, kokuti pala mwamubona mubaghile muhoke,po ningaba nichitima ichinandi.
29
Po ulu, mupokele mwa Malafyale nulusekelo losi.Chindika abandu ngati weyuyo .
30
Ukufwana nukuti yikaba mbombo ya Kilisitu po yikamubika kupipi nifwa. Akabika ubumi bwake bosi ukuti anyafwe ifindu fifyo umwe mukapotwa pakunyafwa.