¹ Achino, ukufuma kwilayilo ukwinjila muchifulo chakwe chakupuzilapo lichili lilipo, tuyini tuchenjele apakuti nanthi wumwi pali mwemwe angize aloleke ukuti wapotwa. ² Pakuti naswe yatunenyile ilandwe ilisuma ndivino nawo yayelile. Kwene ilandwe lilya litawazipile yano yatalinji ponga nayalya yano yuvwilanga. ³ Pakuti sweswe sweyano twasuwila ukwinjila umuchifulo chicho ichakupuzilamo, ukuyana na muno wavwanjile, ''Muno nalapile umuchipyu chane, Yatala yinjile muno nkhapuzila.'' Napano chiye vikwene, imilimo yakwe yasizile ukufuma kulufula lwansi. ⁴ Pakuti kumwi wavwanzile ukuyana nuwanda wakwe chisano nayayili: ''Nukuti Leza wapuzile pawanda wakwe chisano na yayili ukumilimo yakwe yonsi.'' ⁵ Nakupya mumawaliko yakwe watili, ''Yatalitela yinjile muchifulo chane ichakupuzila mwenemo.'' ⁶ Achino, chasyalila yamwi ukwinjila mwenemo, nayalya yano panthandikoilandwe ilisuma lyatanzilwe kuli woliwo yatinjile mwenemo pa mulandu wakunthuvwila. ⁷ Nomba Leza nupya wasozile uwanda wumwi, ukwamwa ukuti ''ilelo'' pano walanzile ukupitila muli Devedi kuchisila sana mumawaliko yano yawalikwe kali: ''Ilelo ilelo ndi mukuvwa izwi lyakwe, mutati mwakomya imyenzo yinu.'' ⁸ Pakuti ndi Joshua wawapile apakupuzila, Leza ngali atavwanzile ivyawanda wuze. ⁹ Momba kuwanda wuno wasyala uwa sabata nukupuza wuno wasungwa kuyanthu yakwe Leza. ¹⁰ Pakuti wino akwinjila muchifulo chakwe Leza ichakupuzila mwenemo nawe kwene akupuza ukufuma ku milimo yakwe , ndi vino Leza wachisile ¹¹ kuyakwe.Achino tuyini tuye sweyakuchintchile pakwinjila mu chifulo chilya ichakupuzilamo, umwakuti nanthi umwi atize aponele umu musango ndi wuu wuno yachisile. ¹² Pakuti izwi lyakwe Leza ilyawumi nupya ilyamaka swinya ilkali ukuchila ivipeni ivikali konsi konsi. Likalasa nukwanya umuzimu nu mupasi, pawukomenkhano na mumafupa swinya lili ni nsambu izya kupingwila amelengwi na vino umwenzo ukaloda. ¹³ Pataya ichiwumbwa nanthi chimwi chino chafisama kumanso yakwe Leza. Mumalo mwakwe, chonsi chili apatiswe napayulike kumanso yakwe wino tungamutima. ¹⁴ Pakuti, pano twaya na simapepo umukalamba wino wapitile umwiyulu, Yesu umwana wakwe Leza, tuyini tulemashe mukulapa kwitu. ¹⁵ Pakuti tutakwata simapepo umukala,mba wino angatuvwila uluse mukutontha kwitu. mumalo mwakwe, twayana na wumwi wino munzila zyonsi weziwe ndi vino tuli, manyini ukuti ataya nuluyembu. ¹⁶ Tuyini nomba tupite nisuwilo ukuchilimba chawila, umwakuti tubgapochelela uluse nukuzana uwila wakutwavwa munsita yakulondwa.