¹ Pano simapepo wensi umukalamba, wasozilwe ukufuma pakasi payanthu, akasolwa ukuti awomba mumalo mwayanthu ivyakuyanana na Leza, ukuti apela vyonsi ivyawila ni vyakuyipa pamaluyembu. ² Angamalana nawo umwa kutonthelela yawo yano yasiwuvwichisya nayano yaponzile, pamulandu wakuti weni ali chilanjizyo kuli yano yasi namaka. ³ Pamulandu wakwe chii, naawe akalondeka ukuyipa ivyawupi pamaluyembu yakwe, ndivino akawomba ku maluyembu ya wanthu. ⁴ Sakuli weliwe ukuti wensi asende imuchinzi wuu. Mumalo mwakwe, wamwa na Leza, ndivino Aloni wali. ⁵ Munzila yili yimwi, nanthi a Kilisitu atayichindike wenga nanthi ukuyiyika wenga pawusimapepo mukalamba. Mumalo mwakwe, wino wavwanga kuli weliwe watili, ''Wemwanane; ilelo naya ne tata wako.'' ⁶ Chili ngati vino nawe akavwanga mumalo yamwi, ''Wesimapepo wape na pe ukukonkha mukulonda kwakwe Mekezediki.'' ⁷ Mumanda ya mwili wakwe, Kilisitu wayipile vyonsi amapepo nivyakulenga nukulila mwakukwezya na minsozi kuli Leza, wenga wino angakwanisya ukumupususya ukufuma kumfwa, wuvwikwe pamulandu wawumi wakwe wawulela. ⁸ Napano wuli wali umwana, wasambilile ukuyisya ukufuma kuma kuli vino wachuzile. ⁹ wizile wapangwa ningo nukuya, uwako wensi wino akamuchindika, uwakwama uwupususi uwape na pe. ¹⁰ Wapanzilwe na Leza ngati asimapepo umukalamba ukukonkha mukulonda kwa Mekizedeki. ¹¹ Tuli nivivule ivyakuti tuvwange ukuyana na Yesu, kwene ichichuzye ukulondolola amuno mwaya mwe ya puli pa kuvwa. ¹² Napano wuli pa nsita yii mufwile muye mweyasambilizi, muchili mukulonda ukuti muye nawumwi awakuwasambilizya uwutalichilo wa mazwi yakwe Leza. mukulondeka ulukama, uvwakulya ivikome pole! ¹³ Pano wensi wino akamwa ulukama lutupu akayelenganya izwilyawulungame pamulandu wakuti achili umwana munono. ¹⁴ Kweni ivyakulya ivikome ivyawakalamba. Vii ali vino apamulandu wamano yawukalamba yaya nukuvwichisya kwawokuno yasambilila ukwakupusanya ichisuma ni chiyipe.