¹ Apano, yanji ayatiswe, mwayankhana mukwama kwamwiyulu. Yenganyini vyakwe Yesu,. aya positoli nasimapepo umukalamba uwa kuzumila kwitu. ² Wali umutayilwe kuli Leza, wino wamusozile, Ndivino Mose nawe wali umutayilwe mulivyonsi ivya mung'anda yakwe Leza. ³ Muno Yesu yamwelenganya nuwuchindame uwukulu ukulusya Mose, pamulandu wakuti wino akakula ung'anda akachindikwa ukulusya ing'anda yilya kwene. ⁴ Pano ing'anda zyonsi zikakulwa na wumwi, lelo wino akakula ivinthu vyonsi a Leza. ⁵ Pano Mose wali umutayilwe ndivino umuwomvi mu ng'anda yakwe Leza, ukukwata uwukamboni pa vinthu vino vilavwangwa munkholelo. ⁶ Kwene Kilisitu umutayilwe ndivino umwana wino ali ninsambu pang'anda yakwe Leza. Sweng'anda yakwe nditwalemasya zuwa mumaka ni suwilo muli vino tukumechele. ⁷ Achino, chili ndvino umupasi uwutiswe wukati: ''Ilelo, ndimuvwa izwi lyakwe ⁸ mutakomya imyenzo yinu ndivino chali mukukatuchila munsita yakweziwa mumapoli. ⁹ Yii yali nsita yino yasoo yakatuchile nukunjezya nene, pamyaka amakumi yane, lino yalola imilimo yane. ¹⁰ Achino nasosile ni nkhulo yilya. Natili, 'Nsita zyosi yakaponga mumyenzo yawo. Yatamanyile inzila zyane.' ¹¹ Chili ndivino ichilapo sile mumwenzo wane: 'Yatalitala yinjile mulupuzo lwane.''' ¹² Chenjelini , yanji, ukuti pakasi pali mwemwe pataya nawumwi uwa mwenzo uwuyipe uwakunthatayila, umwenzo wuno wukapilikuchila ukutali ukufuma kuli Leza wa wumi. ¹³ Mumwalo mwakwe mwakomyana wenga na muze chila wanda, ndi kwala kwamwa ''ilelo,'' ukuti nawumwi wakwe mwemwe wino uwufi waluyembu ulamukomya. ¹⁴ Pno swemo twatituya swe yachiwuza yakwe Kilisitu nditwalemasya pi suwilo lyitu muli weliwe ukufuma kunthaliko mpaka ukuwumalilo. ¹⁵ Pali chii chavwangwa, '''Ilelo, ndimuvwa izwi lyakwe, mutakomya imyenzu yinu ndivino chali pa kukatuchila.'' ¹⁶ Wali a weni wino wamuvwile Leza nukukatuchila? Wuzye sawonsi yano yafumile mu igiputo na Mose? ¹⁷ Wuzye wamusochile weni pa myaka amakyuni yane? Wuzye yatali yano yayembukanga, yano imyili yawo iyifwe yali mumapoli? Wuzye ¹⁸ wamulapile weni ukuti atalinjila mulupuzo lwakwe, ndichitali ichakuti yawo yano yatamuvwilanga weliwe? ¹⁹ Tukulola ukuti yatalingine ukwinjila mulupuzo lwakwe pamulandu wakunthatayila.