¹ Achino tuoikeke amano sana kuli vino tuvwa ,ukuti tutize tusendwe ukufuma kuli vii. ² Pano ndi izwi lino lyavwanzilwe nayangelo lyalolike kuno ilyakutayilwa,nganukuchila nukutuvwila vikapochela ichilambu ichikulu, ³ nomba lyene tungapuka wuli ndi twasula ukupusuka kukalamba?wino ali nuwupususi wuno wavwanzilwe panthandiko na Mwene nga nukusimichilwa nayano yuvwile. ⁴ Pansita yiyokwene Leza wasimichile ni vilanjizyo,nivizungusyo,nivichitwa ivyamaka ivyakupusanapusana, napakusasya ivyawila vya mupasi utiswe ukuyananukulonda kwakwe. ⁵ Pano utali umulandu nayangelo ukuti Leza alete insi,yino tukuyivwanga. ⁶ nkhandi, wumwiwumwi asimichile kumwi,ukuti, ''Ümunthu chi,wuno wewe wamusakamala?pamwi umwana wamunthu ,wino wewe ukamusayilila? ⁷ Wamuchefizyeko panono umunthu kumungelo; wamuchefizye nuwukulu nuwuchindame. ⁸ Wayisile ivinthu vyonsi pansi pamatamba yako." Pano chali kuli weliwe ukuti Leza ayike vyonsi mumaka yakwe. Atasile nachimwi chino chitali mumaka yakwe.Kwene tuchili tutakulola vyonsi mumaka yakwe. ⁹ Kwene tukulola wilya wino yamuchefizye panono ku wangelo,Yesu,wazwite uwukulu nu wuchindame pamulandu nuchuzi wakwe nimfwa, ukuti muluse lwakwe Leza angize afwile ayanthu wonsi. ¹⁰ Pakuti chamuzipile Leza, pamulandu wakuti ivinthu vyonsi vikaloleka muli weliwe, pakuleta ayana ayinji kuwuchindame. chamuzipile weliwe ukupanga kaleta wakusimichila ukupila munthazi zyakwe. ¹¹ Pano wino akaswefya nayano yaswepa wonsi ichifumo chonga. Apano asi ninsonyi pakuwama ukuti yanji. ¹² Akalanda akati, ''Nimavwanga izina lyako ku wanji, nimayimbila ulwimbo lwako ukufuma mwiwungwe." ¹³ Nga nupya, ''Inditayila muli weliwe.'' Nga nupya, ''lolini, indi pano na yana yano Leza amphile. ¹⁴ Achino, ukufuma pano ayana yankhanga kumwili na kuwazi, vilyakwene nawe wankhinye chilichimwi, ukuti ukupitla mumfwa angamonona wino ali na maka yamfwa, chiwa. ¹⁵ Chii chali vino ukuti asapule wonsi yalya ukupitila mukutina imfwa yatenzi uwumi wawo wonsi muwuzya. ¹⁶ Umwawumolimo kwene yatali ayangelo yano akawavwa, nkhandsi uluko lwakwe Abulahamu. ¹⁷ Achino chamuzipile ukuya ngati ayina munzila zyonsi, ukuti aye asimapepo umukalamba uwa luse nukutayilwa muvinthu vyakwe Leza, nukuti pamulandu wa luyembu lwa yanthu. ¹⁸ Pamulandu wakuti Yesu umwenecho wachuzile nga nu kweziwa, ali na maka ayakwavwa yano yakweziwa.