¹ Pakumalila, ba wamwitu, hobokanga mwa Mwene. Pakuti une pakusimba ivinhtu vya kuyana bwaka kabili kukwinu tenthamio ku kwane, sona vikubasunga akiza. ² Chebanga nimbwa, Chebanga na babombi ba mbibi. Chebanga nabo bakwichekacheka. ³ Pakuti sweswe swe bakucheketiwa _ babo bobakwiputa mumuzimu wa Chala, sona tukubusila mwa Kilisitu Yesu, sona tute nukusimikizya nakumo mumubili. ⁴ Napo buli, une nemwene ningaba nu kusimikizya mumubili. nanthi yumo akwinong'ona ali nu kusimikizya mumubili, une ningalusyapo. ⁵ Une nkacheketiwa pisiku lya eyiti ilya banthu aba izilayeli, aba luko lwa benjamini, umuhebeli wa bahebeli; ukuyana ni lamulo, u mufalisayi. ⁶ Ukuyana nu lweke nkavwimanga ichipanga ; ukuyana nu bugholosu pansi pi lamulo kaba musita kususiwa. ⁷ Loli pavyonsi ivinthu bukaba bwanduzi kukwane, nkavisenda ukuba kuluza chifukwa cha Kilisitu. ⁸ Nkhani, ulu nkhubelenga ivinthu vyonsi ukuba kuluza chifukwa cha kamanyile akakulu aka Kilisitu Yesu U Mwene wane. chifukwa chache ndekite ivinthu vyonsi _ umwakuti nkabe U Kilisitu ⁹ sona naghike mu mwache, ukusita ukuba nubugholosu ubwane nemwene ubwakufuma kululaghilo, loli ukuti mwakufuma mulwitiko mwa Kilisitu ubugholosu ubwakufuma kwa Chala uwa lwitiko. ¹⁰ Po ulu nkulonda mumanyene namaka agha chizyuka chache sona nubupoka bwa vyakutamiwa vyache, kuba ngati weyuyo mubufwe bwache. ¹¹ Po lumo ningalingisya ukuzyuka ukufuma kubufwe. ¹² Tekuti nabanavyo kale, pamo newakufikapo kale, loli nkhulwisya ukuti nkole ku chicho U Kilisitu Yesu akakolelacho. ¹³ Bawamwitu, une nthakwinong'ona ukuti nunenye nachikola ichi. loli ichinthu choka cho nkubomba nkuluvyanga ivyakwisinda sona nukunyululukila ivya kunthanzi, ¹⁴ Nkulwisya ukuya kubufiko kulwito lwa muvwalo u wakumwanya uwa Chala mwa Kilisitu Yesu. ¹⁵ Twebonsi swe twe bakufikapo, Zanga twinong'one munzila ngati iyi; sona nanthi mukwinong'ona mwakulekana nachonsi, U Chala akwiza pakusetula icho kukwinu. ¹⁶ Mukabele konsi, kucho uswe tupokelire zanga tuchisunge akiza. ¹⁷ Mube bakweghelera kukwane, bawamwitu. Mube kupipi mulingisye nkani kubabo mobakwendele mukabele ko mukalinga mumwitu. ¹⁸ Abinji bakwenda _ bamo ngati bo nababuzya, sona ulu nkubabuzya namasonzi _ kuba balwani ba mphinjika ya Kilisitu. ¹⁹ Ubumalilo bwabo kunangika. pakuti u chala wabo nthumbo zyabo, sona ubuchindamu bwabo buli mu nsoni zyabo bakwinong'ona ivinthu ivya chisu chapansi. ²⁰ Loli ubwikalo bwitu buli ku mwanya, kuko nuswe tukulindililako umupoki, u Mwene Yesu Kilisitu. ²¹ Akwiza ukuchenja imibili yitu iyakuyuyuka ukuba mibili yakupangiwa ngati mubili wache ughuchindamu, kupangiwa nubukulu bwa maka aghakupotela vyonsi yuyo.( Ichisa cha Mwene U Yesu Kilisitu chibe nu muzimu winu.??????)