¹ Polelo baghaniwa bane ba wa mwitu mwe nkubanyonywa, bu hobosu bwane ni mphumphu,munzila iyi nkwimilila mwa kukazya mwa Mwene, baghaniwa banyane. ² Une nkulambilizya poka nu yodiya, sona une nkulambilizya poka nu sunthuke, mube ba nsibo ya kuyana mwa Mwene. ³ Inga, nkubalalusya umwe mwe banyane abanaloli ukuti mwavwe aba mama aba bo bakabomba nune pakunyamia ubulumbilili mu bupoka nu kelementi sona na banji aba bombi abanyane, bo amazina ghabo ghali mu buku ilya bumi. ⁴ Hobokanga mwa Mwene bwile, sona nkuti, hobokanga. ⁵ Leka ukufwasa kwinu kumanyikwe ku banthu bonsi. U Mwene ali pa pipi. ⁶ Mutakapasyenge nachimo. mu buyo bwache, muvyonsi ni nyiputo sona nu kwiputila nu kusalifya, Leka ivya kulenga vinu vimanyikwe kwa Chala, ⁷ sona ubu fwase bwa Chala, bo buchilite akivwisizye konsi, bukwza pakulongozya imyoyo yinu ni nyinong'ono zinu mwa Yesu kilisitu. ⁸ Pabumalilo, ba wamwitu, pa vyonsi ivinthu vyo vya bwanaloli, pa vyonsi ivinthu vyo vya kuchindikiwa, pa vyonsi ivinthu vyo vigholosu, pa vyonsi ivinthu vyo viswepu, pa vyonsi ivinthu vyo vya kughaniwa, pa vyonsi ivinthu vyo vya nbili inyiza, nanthi pali chimo ichakupaliwa, muvinong'onele ivinthu ivi. ⁹ I vinthu vyo mumanyile sona mupokelite sona mwivwile sona muvilingite mumwane, muvibombe ivi sona U Chala wa bafwase azuwa numwe. ¹⁰ Une nkuhoboka hee mwa Mwene chifukwa ulu mwanda sona pakuninong'onela ngati mo mukaninong'onelanga kale, loli mutakaba nu mwabi uwakuti mungantulila. ¹¹ Une nthakunena ichi chifukwa chakuti nkupina. chifukwa namanyila pakwikutila mu kabilo konsi. ¹² Une nkhumanya nivya bupina, sona nkhumanya ni vyakuba navyo. munzila yonsi na mu vinthu vyonsi nachimanya ichisinsi chakuba wakwikuta pamo ukuba wa nzala,sona namo ungabela navyo ivinji pamo unga pinila. ¹³ Une ningabomba vyonsi ukwendela mumwache yo akungomya une. ¹⁴ Napo buli, mukapanga akiza pakugabana nune muvyakutamya. ¹⁵ Umwe Ba filipu manya ukuti pa bwandilo bwa bulumbilili bo nafuma mumakedonia ichipanga nachimo cho chikanthula mukabela ka kupa nukupokela uku sabula umwe mwene. ¹⁶ Napo nkaba mu Thessalonika, mukatuma ubutuli bwa kupina kwane kinji bwaka. ¹⁷ Tekuti nkulonda icha bupi, mubuyo bwache nkhulonda inseke yoyingabatanizyapo. ¹⁸ Napokela vyonsi mwa kukwana, sona nukongelezya. Nakwanila ulu ukuti napokelela ukufuma kwa Epapulodita ivinthu vyo mukatuma. vyo vinthu ivya mununsi uwiza, chakwipa cha kwitikiziwa sona nukuhobosya kwa Chala. ¹⁹ U Chala wane inthi amale ubupina bwinu bonsi ukwendela mu bukabi bwache nu bwikemo bwa Yesu Kilisitu. ²⁰ Ulu kwa Chala withu nu Tata kubenge ubwikemo kwa bwile na bwile. Ameni. ²¹ Mubalamuke abanthu abaswepu bonsi aba Chala mwa Yesu Kilisitu. Aba wamwitu bo indi nabo bakulamuka. ²² Abanthu abaswepu bonsi aba Chala, bakubalamuka, nkani-nkani bo ba nyumba ya kayisala. ²³ Ubwila bwa Mwene Yesu Kililsitu bubenge nu Muzimu winu.