¹ Po ulwitiko kokuba nubwanaloli pa vyo ukusubila sona muvinthu vimo vyo vitakuboneka. ² Pachifukwa ichi abanyenya bakasimikizya mu lwitiko lwabo. ³ Mu lwitiko tukwivwisya ukuti ivya kumwanya vikapeliwa nu lulamulo lwa Chala, ukuti ivinthu vya kuboneka vitakapangiwe ukufumila mu vinthu vya kuboneka. ⁴ Mukaba mu lwitiko kwa Abelo ukubika kwa Chala, ichabupi ichiza ukumupota u kayini, ukwendela mukusimikizya ukuba wabugholosu, sona U Chala akanenaakiza izyache chifukwa cha vyabupi vyache, sona mu lwitiko u Abelo achili akunena napo afwila. ⁵ Mukaba mu lwitiko ukuti u Enoki akasenyiwa ukuya kumwanya nukuti atakalinga infwa. ''Atakaghiwa, chifukwa U Chala akamusenda, '' Bo achili atasendiwe kumwanya, chikasimikiziwa ukuti akamupala U Chala. ⁶ Ulu ukusita ulwitiko chipala ukumuhobosya . pakuti wensi yo akwiza kwa Chala abaghile asubile ukuti aliko we mupi wa bobakumulonda. ⁷ Mukaba mu lwitiko ukuti u Nowa, bo apewa amazyu mu vinthu vyo vikaba vichili vitabonekite, ukuti ichakunena cha Chala ingalaba yikazengiwa mukupoka abanyumba yache. mukubomba ichi, akachisusya ichisu sona nukuba mukulu pabagholosu mwakuyana nu lwitiko. ⁸ Mukaba mulwitiko ukuti u Abulahamu, bo itiziwa, akitikizya ukubuka kumalo gho ghakaba ghakutiapyane.Akafumapo, mukusita kumanya ko akuya. ⁹ Mukaba mu lwitiko ukuti akikala muchisu chi laghano ngati muyeni. Akikala mu visakasa nu Isaki poka nu Yakobo, ba mphyana banyabo mwi laghano ili. ¹⁰ Pakuti akalingisya kunthanzi kukaya akalufula ko uwakwandisya nu muzengi we Chala. ¹¹ Mulwitiko - sona uSala akaba mughumba - ukapokela amaka ukupokela ulunyungu mu bwa songo bwache, po buli ukuba wabwanaloli ku munthu yo akumupa ililaghano. ¹² Polelo, ukufuma mu munthu weka uyu awapapi nukufwa - bakapapwa nyungu ngati bwinji bwa nthondwa zya ku mwanya sona ngati bwinji bwa msesenga wa kunyanja. ¹³ Mukaba mu lwitiko ukuti bonsi aba bakafwa kwa ukusita kupokela amalaghano. Mumalo mwache, bo balingisania nu kulamunkana nabo pabutali, bakitikizya ukuti bakaba bayeni sona benda nzila mu chisu. ¹⁴ Pakuti bonsi bo bakunena ivinthu ngati ivi bakupanga ukuti chimanyikwe ukuti bakulonda akaya. ¹⁵ Nanthi bakaba bakwinongóna muchisu cho baka fumamo, ngali bakaba nu lusako lwa kunyokela. ¹⁶ Loli ngati mo zili, bakunyonywa ichisu ichiza, cho chakumwanya chene. Polelo u Chala atakukoziwa insoni pakwitiziwa ukuba we Chala wabo, pakuti abanozezizye i tawuni. ¹⁷ Mukaba mu lwitiko ukuti u Abulahamu, bo ayesiwa, u Isaki akaba mwana wache mwene yo akipa mwene yuyo akapokelapo ilaghano. ¹⁸ Kukaba kwa Abulahamu ko vikaneneka, '' Mo mwa Isaki mo ulunyungu lwako lukwiza ukwitiziwa,'' ¹⁹ Abulahamu akisiba ukuti u Chala akaba wakuti angamuzusya u Yisaki ku bufwe, sona mwakumanyikwa akati, kokukwabo ko angamupokela sona. ²⁰ Mukaba sona ukwendela mulwitiko ni vinthu ivya kwiza ukuti u Yisaki amusaye u Yakobo nu Esabo. ²¹ Mukaba mo mulwitiko ukuti u Yakobo, po akafwanga, asaye umwana weka uwa Yosefe. Yakobo akiputa, nukweghamila pankhomo yache ni yache. ²² Mukaba mo mulwitiko ukuti u Yosefe, ba akabalilo kache akabumalilo kapalamila, akanena nukufuma kwa bana ba I silayeliukufuma sona akabalingamia ni vyamafupa yache. ²³ Mukaba mo mulwitiko ukuti u Mozesi, po akapapwa, akafisiwa kwa mye ziyitatu nabapapi bache chifukwa bakalinga ukuti mwana uwakuyemba. bakoghopanga ilamulo lya mwene. ²⁴ Mukaba mu lwitiko ukuti u Mozesi, bo akula,akakana ukuti itikiziwenge mwana wa Falo u mwanakazi. ²⁵ Akasala ukusita kubombeziwa poka na banthu ba Chala kulekana nu kwilagha ubwiza bwa mbibi pakabalilo akanandi. ²⁶ Akinongóna ukuti ukusula ukukonka u Kilisitu kukaba bukabi ubukulu ukuchila ivyuma vya mu I guputo. chifukwa akabika amaso ghache pakulipiliwa. ²⁷ Mukaba mo mulwitiko ukuti u Mozesi, aleke u I giputo atakoghopa ubukali bwa malafyale, chifukwa akafwilikilanga ngati po akalinganga yumo yo atakuboneka, ²⁸ Mukaba mo mulwitiko ukuti usunge ipasaka sona nukunyanfiliwa kwa daba, ukuti umwakunanga abana abakatoteatakakole umwana umulumendo wa ba I zilayeli. ²⁹ Mukaba mu mulwitiko ukuti baloboke inyanja ya matete ngati po pa chisu ichakumila, Po aba Igiputo bakayezya ukuti babombe ichi, bakamilukanga. ³⁰ Mukaba mo mulwitiko ukuti ivibumba vya Yeliko viwe pansi, bo vyakuzunguliziwa kwa masiku seveni. ³¹ Mukaba mo mulwitiko ukuti U Rahabu umalaya atakafwe poka nabo bakaba basita kwivwila, chifukwa akapokelela abatikitivi akiza. ³² Choni choninganena sona? akabalilo inthi kamphote nanthi ningababuzya izya Gidiyoni, Balaki, Samusoni, Jephthah, Samuyeli, sona ni zya bakunguluka, ( basololi ). ³³ Kukaba kwendela mulwitiko ukuti bakapota a maunyafyale, kwibika mubugholosu nu kupokela amalaghano bakalesya imilomo ya nkhalamu. ³⁴ Kuzimya amaka ghamoto, kuleka imbali ya panga, bakapola kundwla, kuba bapoti mubulwe sona mukupota abalughu bachilendo. ³⁵ Aba mama bakapokela sona abafwe mukuzyuka. banji bakafwenyiwa, bakitikiziwa usatuka, ukuti babe nakamanyile ka buzyuka ubwiza. ³⁶ Abanji bakapokelela ukufoliwa sona nukusyemphiwa, sona nimphingwi nu kukungiwa. ³⁷ Bakumwa na mabwe, baka chekiwa pabili. bakakomiwa nu panga. baka benzyanga pa makwela gha mbelele na gha mbuzi. bakaba bakupina, bakubikiwa pansi , bakubombeliwa akabibi. ³⁸ Ichisu chitaka ba baghila. akabalilo konsi bakaba bakuyingayinga mu lungalangala na muvipili, sona mumphako na mu vibwina vya pansi. ³⁹ Napo buli abanthu bonsi aba bakamanyikwa nu Chala chifukwa cha lwitiko lwabo, bata kapokelela ilaghano. ⁴⁰ U Chala atubatukile ichiza chimo uswe, ukuti ukusita uswe, batakabanga bakufikapo.